حب بدأ من الطفوله....

Part: 12

وديمه:ولد عمي
ساره:اخوي
وديمه:انزين جب حمد قوم ايلس داخل أنا بسير بساعد البنات ف المطبخ
حمد:انشالله من عيوني
وديمه وايد استحت ويها استوا احمر:قوم قوم لا يصيدني سيف جي ماسكاتنك
حمد:شو يعني خ يولي
المهم حمد سار داخل و قعد يريح رتوب المكان و سارو داخل و بدلو و نام
و يوم الثاني الصبح كل حد راح مكان الي يرتب الي يطبخ الي ييب الاغراض و الي تكوي و الي تسوي شعرها و الي تتمكيج المهم كل حد ف عالم
رايو و طبخو و بدو يتجهزون البنات يسمعون اغاني و يتجهزون
ريان:بندو الاغاني شوي صقر يدق
وديمه:اف
ميثه:اوهو
عليا:لعوزنا ها
روضه:اخيج مب وقته
ريان:الو
صقر:فديت صوتج
ريان:فدا المهم شو تبا ترا قاعده اتجهز
صقر: اكيد بتكونين احلئ وحده
ريان استحت:طبعا و انته بتكون اكشخ واحد
صقر:المهم حبيبتي حمد ياب الاكل الي طلبتي
ريان:اوك قوله انه اقوله مشكور و ماقصر
صقر:لا والله؟ بقوله بس تقولك شكرا
ريان:صقور ياخي عادي قوله
صقر:انزين انزين يلا باي
بند الكول و كملو يتجهزون و يسمعون اغاني المهم خلصو كل وحده اكسخ عن الثانيه راحو برع البنات عشان يصورون طبعا بدون شيله كانو يصورن و يجهزون المسجل مال اغاني و عقب الولاد يو يعني بس ذياب و سعود و حمد و البنات كلهم يابو شيله معاهم إلا ودوم لبسو شيلهم ودوم ماجافتهم كملت تصوير بعدين راحت المطبخ تيب ماي
حمد:سيرو حجرت الاولاد بييبلكم ماي و بي
راحو ذياب و سعود و راح حمد المطبخ جاف ودوم بند ال باب و مسكها من اييدها و قالها
حمد:ليش طالعه بدون شيله؟
وديمه:ماكنت اعرف انه الاولاد بيون
حمد:حتئ لو كل البنات حاطين الشيله ع كتفهم انتي ليش مب يايبه؟
وديمه:حمد نسيت بلاك اونك مسوي عمرك تغار تراك مب اخوي ولا ابوي ولا ريلي
حمد:ودوم انتي مب فاهمه علي أنا احبج و اغار عليج مابيهم يجوفون كشختج اغار عليج مابيج تردين علي الحين بس سيري داخل و البسي شيلتج
هداها و خذ دبتين ماي و راح داخل عشان يعطي سعود و ذياب
وديمه كانت مب مستوعبه و ويها احمر ماتحركت من مكانها جي 5 دقايق عشان تستوعب
ميثه:بلاج شو استوا
ودوم قالتلها كل شي و ميثه استانست
ميثه:اخيرا ها لين متئ كان ناوي مايقولج؟
وديمه:يعني انتي كنتي تعرفين؟
ميثه:هي
وديمه:و ليش ماقلتيلي ي زفته؟!
ميثه:هو قالي ك سر ماقدرت اقولج المهم انتي شو رديتي عليه؟
وديمه:ولا شي كنت ساكته و تميت 5 دقايق احاول استوعب حياتي
ميثه:يلا خذلك اوهو يعني يوم يت الفرصه سكتي؟
وديمه:هي
ميثه:اوهووو صج انج غبيه
وديمه:خلاص اسكتي بسير داخل باخذ شيلتي
سارت داخل خذت شيلتها و طلعت برع كانو عماتها و أعمامها و اهل ابوها هناك قعدو البنات يصورن و مخلين ساره المسكينه تصور ريان و صقر
ساره:امسك اييدها
صقر مسك اييد ريان:جي؟
ساره:هي
الاولاد قاعدين يتضاربون منو يمسك المسجل مال اغاني
ذياب:أنا بشبك
سعود:سير ول أنا بشبك
محمد:أنا بشبك
حمد:مزعجين و أغانيكم زباله
هيا:بس لاه اسكتو ودوم حبيبتي انتي اشبكي صدعونه
وديمه:انشالله عموه
راحت وديمه عند المسجل و يلسو يتضاربون وياها او يحاولون يقنعونها شو تحطي
حمد:خلاص لعوزتوها هدوها ودوم اشبكي اغاني يوم الوطني و خلاص
وديمه:ذياب ذوقك تبن مابا
المهم شبكت اغنية يوم الوطني
ساره:اول لعبه بنلعبها هني أنا عندي ارقام من او راق ف بوكس طلعو ورقه افتحوها و الريقم الي يطلعلكم هي اللعبه الي بتفوزون فيها اول شي اليهال طبعا
هند طلع لها الوان رسم
احمد طلعله مسدس صغير
المهم خلصنا من الصغار ي دور الكبار
ذياب:9
ساره:وين تسعه....هاكو انته فزت سويرة حلاوه هههه
ذياب:ههههه
ميثه:دوري
طلعت ورقه
ميثه:16
حمدان:هههههههه
ميثه:اويه فزت؟
ساره:تفاح
ميثه:اوهو
ساره:اي حد يطلعله رقم 100 يقولي
حمدان:دوري انزين طلعلي 3
ساره:فزت فيمتو
حمدان:عادي المهم حلو
ساره:عليا تعاي جربي
عليا:اوك طلعلي 21
ساره:فزتي رش الثلج
عليا:الله
محمد:دوري طلعلي 28
ساره:فزت بلونيتين :)
محمد:عطيه اخوج مابا
ساره:احسن
المهم يلسو يلعبون و يضحكون
وديمه:دوري دوري أنا طلعلي 100 شو يعني 100
ساره:بتجوفين عقب
روضه:أنا طلعلي 18
ساره:فزتي رش الخيوط
روضه:اي لون؟
ساره:وين عموه حنان اختاري لون احمر ازرق اصفر اخضر اصفر وردي بنفسجي
حنان:وردي
ساره:فزتي رش خيط وردي
روضه:اميه كنت ابا ازرق
حنان:م يستوي اغير؟
ساره:لا عموه راحت عليكم
حنان:يلا عاد أنا عمتج
حسين:سارو غيري خلاص عادي ترا
روضه:لا عمي عادي قاعدين نستهبل
المهم آخر واحد حمد ماكان يبا يلعب بس سارو ذلته
حمد:طلعلي 100
ساره:الي طلعلهم 100 بيرشون عليهم رش بس الي فازو رش طبعا
وديمه:أنا كاشخه عشان حد يرش علي؟
ساره:والله عاد كيفج بس الي فازو هم عاشه صقر روضه و عليا
وديمه:اي مابا
حمد:صج فاضين
ساره:مب عكيفج يلا اوقفو هناك جهزو كيمراتكم 1...2...3 رشوووو
بدو يرشون عليهم و ودوم خايفه يخربون ميكبها مسكت اييد حمد بدون ماتحس و هو مبتسم
عاشه:هههههههه
ريان:صقر رش ع ودوم
يوم حمد سمع راح يغطي ودوم هو يوم استوعبت ويها استوا احمر بس روضه ماخلتها راحت من وراها يلست ترش ع شعرها
المهم خلص الرش مالهم و هدوهم
وديمه:صج انكم حيوانات
حمد يلس يشل الرش الي ف راس ودوم ف المطبخ خلص منها كان بيطلع بس هي سحبت اييده
وديمه:حمد تعال شوي نزل راسك ف رش ع شعرك
حمد ابستم
حمد:من عيوني
نزل راسه و ودوم قالت بصوت خفيف
وديمه:فديتهم
و شلت الرش الي ع شعره و عقب ردت الحفله و هي مستحيه

سيف لاحظ نظرات حمد و كان يبا يقوم وديمه باي طريقه : ودوم هاتي لابي من السياره
وديمه : اشتغل عندك روح يبه
سيف : قلت لج قومي
وديمه : انزين راحت السياره يابت لابه و يت بتعطيه
سيف : ايلسي
وديمه : شو تبا
سيف : ايلسي
يلست وديمه : شو تبا
سيف : شو بينج و بين حمد
وديمه : إيه شو الي شو بينج و بين حمد استح على ويهك أنا اختك
سيف : و نظراته لج؟؟
وديمه : وانا شلي اساله وقامت راحت عند ميثه
وديمه : قومي بقولج شي
ميثه : شو فيج
وديمه : قومي بسرعهه قامت ميثه و سارت وياها
ميثه : شو فيج
وديمه : اخاف سيفو يسوي سالفه جدامهم
ميثه : ليش شو ستوا
وديمه : لاحظ نظرات اخوج لي
ميثه : قولي والله
وديمه : والله كلميه قبل ما يسوي سالفه
ميثه : أوكيه ودقت عليه
ميثه : سو عمرك تكلم واحد من ربعك
حمد : هلا بو شهااااب
ميثه : لا تيلس تطالع ودوم ترا سيفو لاحظ بيسويلك سالفه
حمد : تمام تمام لا تحاتي الأمور طيبه
ميثه : انتبه تراه شاك
حمد : خلاص ماشي مشكله
ميثه : باي
حمد : مع السلامه
ميثه : خلاص كلمته لا تخافين بس أنتي مب عندج رقمه؟؟
وديمه : هيه
ميثه : مسحي رقمه عشان إذا كان شاك فيج فالبيت ما يسوي سالفه
وديمه : انزين
يت روضه من وراهم : ها شو تسون
وديمه : ها لا ولاشي
ميثه : يلا قومو خل نسير برع
وديمه و روضه : يلا
طلعو برع
عاشه و هنوده كانو يلعبون مع عمر
هند عمرها 8
عاشه 9
عمر 10
احمد10
عاشه:بنلعب لعبه بس لازم شخص زياده احمد تعال العب ويانا
احمد:مابا
عاشه:انزين محمد بيكون فريقي و عمر و احمد
احمد طالعهم و قال
احمد:خلاص بلعب محمد كبير سير عند الكبار
عاشه:عيل انته فريقي
احمد:آخر مره كنت فريقج خسرت بكون ويا هند
عاشه:احسن بعد فكه منك و منها
هند:أنا شو سويت؟
عمر:اوهو بنلعب ولا شو؟كانو يلعبون لودو
هند و احمد:أنا ازرق
هند:أنا بكون ازرق
احمد:أنا ازرق
هند:احمد أنا ابا ازرق بليز
احمد:اوهو خلاص انزين فكينا
وديمه:صدتكم
عمر:شو فيج
وديمه:ولا شيبس قاعدين ييبون الاكل و ماعندي حد العوزه غيركم
هند:مانيا كبار
وديمه:افا هنوده أنا اختج
هند:سيري عند الكبار
وديمه:اف انزين
سارت ودوم عند ميثو يلسو يتصورون يابو الاكل كان بوفيه كانو طابور كل واحد بصحنه خذو أكلهم و يلسو ياكلون ودوم ميثه و عليا و روضه ساره ف طاوله و الطاوله الي عندهم حمد سعود خليفه و محمد و سيف
سيف:حمد بلاك اطالع طاولت البنات؟
حمد:ها؟ لا شو اجوف ميثو الغبيه جوف ويها لاعت جبدها
سيف:اختك مايعيبها شي صج انها دلوعه
حمد ضرب سيف
حمد:احترم نفسك اختي خط احمر
سيف:انزين جب جب
كانو ياكلون بعدين سيف كتب حق حمد شي ف سناب
سيف:"ابا اسألك سوال بيكون شوي خاص بس ابا ترد علي بكل صراحه مابسوي شي بس ابا اعرف"
حمد:"ها قول بلاك اسال انته ولد عمي انته معاي من و أنا ياهل قول لا تستحي"
سيف:"انته تحب؟"
حمد انصدم و سيف لأحض ع ويها
سيف:"هي صح؟"
حمد:"هي ماقدر اجذب عليك صراحه هي"
سيف:"منو"
حمد:"....."
:) خلص البارت