حب بدأ من الطفوله....

Part: 14

يوم 3
قامت وديمه تبا تسير تتريق ف مطعم ما تبا تأكل فالشقه
وديمه : بابا أنا بسير اتريق فالمطعم الي تحت
راشد : ماشي سيره روحج
وديمه : بابا عادي إلا هو تحت ما بطول باكل و برد
حمد : عميه أنا بروح وياها
سيف : ايلس ايلس أنت أنا بروح معاها
حمد : بلاك أنا بعد أبا أسير اتريق فالمطعم الي تحت
وديمه : اوهو خلاص يلا أي احد ايي أبا أسير
راشد : خلاص روحو ثنيناتكم
راحو الطعم تحت و يلسو سيف و حمد حذال بعض و وديمه مجابلتنهم
الحرمه : hey mam what's your order
وديمه : hey give me one French toast, and one omelette egg and one boiled egg and one Spanish latte and two cappuccino please
الحرمه: ok
وصل الأكل ويو بياكلون
وديمه : لا لا تريو
سيف : بلاج
وديمه : بصور
سيف : سيري لاه نحن نبا ناكل
حمد : أنزين إلا دقيقه بتصور تريا
سيف: أنا يوعان م أروم اتريا
وديمه : خلاص كلو خلصت
كلو وخلصو و يوم يو بيروحون فوق وديمه كانت تمشي وراهم تنزل الصور الي صورتها بطء حمد خطواته عشان يمشي صوبها مشو عادي و قبل ما يوصلون اللفت
حمد : دخلي شعرج
وديمه: مب شغلك
حمد : قلت دخلي شعرج دخلت وديمه شعرها و هي متنرفزه دخلت غرفتها و مبين أنها متنرفزه
ميثه : شو فيج منو منرفزنج
وديمه : منو غيره اخوج
ميثه : ليش شو سوا
وديمه : اونه دخلي شعرج ( تقلد صوته ) منو هو عشان يقولي ادخله ما يخصه
ميثه : انزين عادي ما قال شي
وديمه : ما يخصه فيني
ميثه : عادي يغار عليج
وديمه : ميثه سكتي
ميثه : انزين

دخل حمد غرفه أمه و أبوه وباس راسهم
حمد: أبويه خلاص أنا قررت
حسين : قررت شو
حمد : أبغيك تخطبلي ودوم و يوم تخلص دراسه نعرس
امنه : تتمصخر أنت البنت صغيره
حمد : لا مب صغيره ما شاء الله عليها تفهم كلشي
حسين : خلاص بخطبها بس بشرط ما يكون بينكم تواصل و هالسوالف
حمد : تم وطلع من الغرفه راح عند سيف
حمد : أنا كلمت أبويه خلاص
سيف : كلمته عن شو
حمد : قلت له يخطب لي وديمه و وافق
سيف : اختي صغيره بعدها
حمد : عادي الحين خطبه و يوم تخلص دراسه نعرس
سيف : مادري والله الي تشوفونه

طلعو يتمشون و قررو يتغدون فمطعم من المطاعم فالمطعم
حسين: بو سيف ابغي أكلمك ف موضوع دام الكل موجود
راشد : قول
حسين : بصراحه أنا بخطب بنتك وديمه لولدي حمد نزلت رأسها وديمه و حمر ويهها من الحراج
راشد: والنعم فيه حمد ريال و ينشد فيه الظهر بس وديمه لين الحين صغيره لازم تكمل دراستها
كان سيف يطالع وديمه و حمد و بين الضيق فيهم
حسين : عادي شو المشكله الحين خطبه
راشد : لا أنا مب موافق تخلص دراستها و يصير خير
حسين : خلاص عيل على شورك
كملو الطلعه و طول الطلعه كأنو وديمه و حمد طالعون بعض و يفكرون ردو الشقه دخل حمد الغرفه معصب و وديمه اول ما دخلت قالت بتنام و يلست تصيح ف الغرفه عقب دخلت ميثه الغرفه و شافت وديمه تصيح
ميثه : ودوم !! تصيحين !!
وديمه : ياخي ميثوه ليش بابا يوقف في طريجنا إذا احنا راضين
ميثه : ليش مستعيله ترا إنتي لين الحين صغيره
وديمه : ميثه خلاص خليني
حضنتها ميثه و تمت تصيح لين ما نامت