Song Recommended - Only Then
__________________________
'ဒါး ဒါး ဒါး 🎵🎵'
ခရစ်စမတ်သစ်ပင်အတွက် ပစ္စည်းတွေကို မနက်က သူ့ဘာသာ တစ်ယောက်တည်း Martသွားပြီး မနိုင်မနင်းဝယ်လာပြီး အခုလည်း တစ်ယောက်တည်း သစ်ပင်ကို အလှဆင်ရင်း သီချင်းညည်းနေတာမို့ ရစ်ခီမှာ အသံမထွက်အောင် ကြိတ်ရယ်မိသည်။
ရန်သာမဖြစ်ထားရင် 'နော် လုပ်ပါကွာ နော်' ဆိုပြီး တနော်နော်နဲ့ အချွဲခံရမှာပေမဲ့ မနေ့ကလေးတင် ရန်ဖြစ်ကာ စိတ်ဆိုးထားကြသည်မို့ ရစ်ခီမှာလည်း မသိချင်ယောင်ဆောင်နေရကာ ဂယူဘင်းမှာလည်း တစ်ယောက်တည်း လုပ်ချင်ရာ လုပ်နေတော့သည်၊
ရန်ဖြစ်ရတဲ့ အကြောင်းအရင်းကတော့ ထုံးစံအတိုင်း ပတ်ဂွန်းဝုဂ့်ပင်, ကြီးကြီးမားမား မဟုတ်ပေမဲ့ တမင်ရစ်ချင်၍ ရစ်နေခဲ့သည်ကို ဂယူဘင်းက သူ့ကို အတည်ကြီးတွေ ကောလာတာမို့ ရစ်ခီစိတ်ဆိုးနေခြင်းပင်...
အဲ့ဒါကို သူကအကောင်းပြောတာ ရစ်ခီက စိတ်ဆိုးရသလားဆိုပြီး သူက ရစ်ခီကို ပြန်စိတ်ဆိုးနေလေသည်, ဝါး တကယ်ပါပဲ အလိုလိုက်ထားလို့ အံ့ဩစရာကောင်းလောက်အောင် ပြောင်းလဲနေပြီ...
ဒီနှစ်ခရစ်စမတ်က ဂယူဘင်းရော ရစ်ခီရောအတွက် ထူးခြားသည့် ခရစ်စမတ်ဖြစ်သည်၊ အထင်လွဲခြင်း အမျိုးမျိုးကြောင့် ဂယူဘင်းနှင့် ရစ်ခီ ခရစ်စမတ် အတူတူမလုပ်ရသည်မှာ နှစ်နှစ်ကြာပြီ ဖြစ်သည်၊ ဒီနှစ်က သူတို့နှစ်ယောက် အတူပြန်ရှိတဲ့ ခရစ်စမတ်ဖြစ်သလို၊ ချစ်သူအနေနှင့် ဖြတ်သန်းရမည့် ပထမဆုံးခရစ်စမတ်လည်း ဖြစ်သည်။
"ဒူ ဒူ ဒူ 🎵🎵 အ့! ဘာလုပ်တာလဲ လန့်သွားတာပဲ"
သီချင်းလေးညည်းပြီး လှုပ်တုပ်လှုပ်တုပ်နဲ့ ခရစ်စမတ်သစ်ပင်ပြင်နေတဲ့ ကျောပြင်လေးကို ကြည့်ရင်း အသည်းယားလာတာမို့ ရစ်ခီမှာမနေနိုင်စွာ အနောက်ကနေ ဖက်ရင်း မေးကို ပခုံးပေါ် တင်တော့ အလန့်တကြား အော်လာသည်၊
"ကိုယ့်ရည်းစား ကိုယ်ဖက်တာကို"
"ဖယ်စမ်းပါ စိတ်ဆိုးမပြေသေးဘူး"
နှုတ်ခမ်းထော်ကာ စိတ်ဆိုးမပြေသေးကြောင်းပြောနေပေမဲ့ ဖက်ထားတာကိုတော့ ရုန်းကန်ခြင်းမပြုပေ၊ ဒီလောက်ဆို သိလိုက်ပြီ စိတ်ဆိုးချင်တာထက် အချော့ခံချင်နေတယ်ဆိုတာ...
YOU ARE READING
~GAMBLE~
Fanfictionတစ်ခုတော့ရှိတယ်၊ ချစ်မိသွားလို့တော့ မရဘူး Gyuvin, မင်းက ငါ့တစ်ယောက်တည်းရဲ့ အပိုင်မို့လို့