#الحلقة_الاولى✨
تبدا حكايتنا من ايات بنت وحيده بين اربع خوت ♥️
منصور الخو الكبير المتحكم متزوج من "تهاني" وزواجهم تقريبا من 7سنوات وعلاقتهم فاشله جدا بس مستمره علشان عندهم بنتين "نور وهدى" ....
مصعب الاخ يلي الحمل كله ع كتافه وفضل ان يسيب مستقبله وقرايته علشان يعيشو خوته يلي اصغار منه حياتهم ...
صهيب الاخ يلي حياته متدمره من يوم ما اتصلت بيه اختى حبيبته قالتله ان توفت يا صهيب😔....
سفيان الاخ الصغير الفرفوش يلي عايش الحياه طول بعرض ومش همه ولا حاجه الا ان يصبح جنب خوته وبس ...
وفى الاخير فرفوش العائله واصغر فرد "ايات" 😂
ايات طلبه شهادة ثانوية وهي محور القصتنا ♥️
فـ رغم تلك الصعوبات الا انها تستمر الحياة ♥️
البداية🫶🏻
ايات //
نضت الفجر وكان اخر امتحان ليا وانا فرحانه ان خلاص قريب تكمل مسرية ال 12 عام واخير 😔♥️
طلعت للصاله لقيت مصعب مقعمز وكان يصلي
انا: صباح الخير
مصعب: صباح الخير ، الفطور قاعد ع المرمره افطري مش تبدي تراجعي
انا: نصلي بس ، من يبي يوصلني اليوم؟
مصعب: تهايلي صهيب لان قال ان بدا قرايه امس يوصلك ف طريقه
انا: واخيرا الحمدلله ان بدا ، انت شكلك طلع
مصعب: اها بنمشي نجيب خبزه ونبرم برمه شور امي وعمي وونروح ع المحل
انا: نبي نمشي معاك خليها بكرا جمعه
مصعب: توا نشيلك بكرا مهو فاتحة اخت وسيم عندي جرد للمحل وعمك معش جاء للمحل احتمال ياخذ حصته منه
انا: تمام باهي ربي يرفقك "ومشيت للحمام حشاكم وتوضيت وطلعت صليت وقعمزت نراجع "
مصعب //
طلعت جبت الخبزه وتكيت ع حوش جيرانه " عمتي سالمه عايشه هي وبنتها رِتاج تقرا مع ايات حارتنا الساس بالساس واقرب حد لنا " دقيت
عمتي سالمه: من
مصعب: انا ياعمتي
عمتي سالمه" فتحت الباب": خير ياصعوبه كيف حالك
مصعب: الحمدلله قتلك ياعمتي هذي خبزتكم تبي حاجه اخرا كلميني
عمتي سالمه: سلمك جياب يا صعوبه صحيت ياوليدي
طلعت من عندهن بحتت ف ساعة كانت قريب ال 7 الا ربع شعلتها وقمزت فيها وحطيت راسي على الدومان ...
————-
✨flash back 5years-
رن تلفوني وكان باتي يرن رديت عليه
مصعب: ايوا يا حاج
شخص غريب: سامحني ياوليدي باتك خابط السياره ومعه الحاجه وبنت صغيره تعال للمستشفى "######"
مصعب: كيف شن صاير هما كويسين
الشخص: تعال والله مش عارف نقلنهم لااقرب مستشفى فى المنطقه
عزقت النقال بدون مانصكر على الراجل وقعدت ف سباق بيني وبين نفسي مش عارف كيف وصلت للمستشفى في اقل من 10 دقايق رغم بعد المسافة
