الحلقة الخامسة✨
حياه//
ونحن في الطريق خطمنا من قدام محل "ايات"
حياه: سميه وقفي وقفي
سميه وقفت فأجاء: كنك شن في
حياه وهي تسقم في روحها علي المرايه: نبي ننزل للمحل
سميه: اي محل
حياه: محل يلي خذينا منه الفستان المره يلي فاات
سميه: كنك عليش
حياه: مزال عندي كلام ماكملتش مع صاحب المحل "ونزلت من السيارة"
مشيت وخشيت للمحل
حياه: سلام عليكم
مصعب رفع راسه: وعليكم السلام ، كيف صار ماجش القفطان
حياه ضحكت لان عرفها: لالا جاء دوب الدوب
مصعب ضحك لضكتها: باهي كويس
حياه تقلب في الدبش وماسكه نقالها تبحت في الفيس: حي مش هذا انت
مصعب: وين
حياه رفعت تلفونها كان ايميله على الفيس
مصعب: اها هذا ايميلي
حياه: عجبتني الصوره
مصعب دزي طلب كانك بنت امك
حياه دزت طلب: بنتها حتى انا
مصعب رفع نقاله بغد سمع بالاشعار ابتسم ووافق على الطلب
حياه رفعت اللبلوزه وهي تبتسم: هذي علي كم
مصعب بحت فيها: لك انتي ب90
حياه: مكتوب عليها 120
مصعب ضحك: مهو قتلك لك انتي ب90
حياه ضحكت وطلعت من المحل ومشت للسياره
سميه: الابتسامه تبي تشرط وجهك
حياه: عارفه شخصيته حلوه بكل
سميه: عارفه من يكون
حياه: خو صهيب عارفه
سميه: ومش خايفه يفطنوا لبعضهم
حياه: لالا غير اطلعي منها بس
سميه طلعت بالسيارة: انتي حره
وروحوا للحوش
مصعب//
اما عندي بعد طلعت حياه قعدت نبحت في النقال ونبتسم ومش عارف بشنو حاس احساسي ملخبط معش فطنت لروحي الا
سراج وفي يده طاستين: اويييي
مصعب: ايوا خير نورت
سراج: ليا ساعه نضبحلك
مصعب: مش فاطن لروحي
سراج: في شن تفكر
مصعب: لا شي غريبه جاي
سراج: جيت نسال عليا ياتافه وعندي توكه في العياده يلي جنبك
مصعب: اها باهي خش تعال نطلبلك قهوه
سراج: ويلي في يدي شنو
مصعب: ياراجل خش خش قعمز
قعمز سراج وقعد يقصقص منه في شنو كان سارح
ايات//
بعد روحت نورس ورِتاج ماشيه لعيت خوالها كسدت بروحي انا وسفيان نتفرجوا علي التفزيون
انا: رد يابارد علي المسلسل
سفيان: خاطيني نبي نتفرج على المباراة
انا: امشي تفرج عليها على النت
سفيان: ملحي توا يعني مش عارفه شن يبي يصير
انا: لا في لقطه فاتتني
سفيان: انا يلي مانحبش امه المسلسل هذا متفرج عليه 100 مره مستعد نسمعه عليك
انا: يااااا سفيان خليني نتفرج
سفيان: اس اس اس قوووووول
انا صبيت: ان شاء الله تخسرو باهي
سفيان: في راسك
مشيت طلعت للجنان قعمز علي الكرسي مع فتحت الباب خش صهيب
صهيب: يامرحباااا
انا: اهلا ، شنجو الجامعة
صهيب: ميه ميه واللهي
انا: باهي ربي يوفقك
صهيب: كنك قاعده هنا
انا: البارد خوك يتفرج علي المباراة
صهيب: ما تقوليش وقت مسلسلك
انا: اها
صهيب ضحك: عارفك ، انا نبي نخش نرقد تعبان بكل
ايات: باهي خش تريح ، نحطلك حاجه تاكلها قبل
صهيب: لالا الحمدلله
ايات: باهي تريح اركب
صهيب قرص خدي: تمام
