الحلقة الثالثة✨
بعد مرور اسبوع كامل بدون ولا اي شي جديد علي ابطالنا غير ان🤍
-ريان جت لحوشنا واستقرت عندنا هي و نورس واشتراكت مع سواقه تشيل فيها للمعهد ، بس مع هذا كله مزال ما تلقتش مع مصعب لان يروح متاخر ويطلع بدري لظروف الفرح✨
-حياه قاعده تحاول انها تقرب من صهيب بكل الطرق وهو متجاهل وجودها ✨
-سفيان بين الدار والجامعة بس امتحاناته ويقرا بحكم ان سمستر التخرج ✨
-ملاك حاولنا ان في الاسبوع هذا انا وفرح ورِتاج ننسوها محمد لان ما يستاهلهش والحمدلله قدرت ان تتخطى✨
-وصهيب قاعد يحاول ان يتخطى ويبعد عن الحوش لان كل ما يشوف نورس يتذكر نورهان وحاير في الشي هذا فا يحاول ان ما تجيش في وجه نورس✨
-اما انا قاعده في الحوش علي اعصابي نستنا في النتيجة ✨
—————
ايات//
كان الوقت تقريبا ظهر ومقعمزه لبسه سماعات ومشغله اغاني من تلفوني
"الحقيقة إن الحياة ضحكت علينا،
لا الفراق ولا اللقا كانوا بإيدينا
لما يومها حضنتني وبعدين مشينا
ليه ما قلتش إن ده الحضن الآخير😔"
نورس "طلعت جتني": ويه عارفه ان صوتك جميل بكل
انا: عارفه عارفه
نورس: وثقه يعني انتي
انا: صقع عليك ،صح نضت متاخر اليوم مالقيتش ريان
نورس: مشت للمعهد مع السواقه
انا: ربي يوفقها ،شن رايك نمشو نديرو كيكه
نورس: بعدك غاليه عليا كيكتك
انا: يلا بينا على المطبخ
خشينا وقعدنا نهدرزو ودرت كيك ونورس درت نسكافيه دق الباب
نورس: نمشي نلبس وشاحي
انا: تمام توا نمشي نفتح
فتحت الباب وكان مصعب
انا: صعوبه "وحضنته" لك فتره معش تغديت في الحوش
مصعب: خلاص اليوم زفتها اخته وسيم لان هو ديما يصبيلنا وبعدها حنقعدلك في الحوش
انا: اها مهو مكلمين عميمه سالمة ورِتاج
مصعب: وانتي كنك ما تمشي
انا: لالا ماعنديش نيه علي المهم انا ونوسة مدايرين كيكه ونسكافيه نحسابك
مصعب: ياريت قاعد برا انا وطلع
وتيت صفره وجت نورس وطلعنا لمصعب
نورس: خير يا مصعب
مصعب: خير يانورس كيف حالك
نورس: الحمدلله بخير
مصعب: متزرطه مع اختك انتي
نورس: ينعليا ريان كان انجلطت اعرفها ان منك
انا: ريان رغم انها اكبر مني ومنك بس طايشه بكل نحس فيها ومش مفهومه
نورس: عقلها طفولي شويا ومتعبتني انا
مصعب: ربي يهديها
انا: ان شاءالله
نورس: عارفه نفكر في الجامعة
مصعب: كيف امته
نورس: بداية الشهر الجاي
انا: شنجو الجامعة غادي
نورس: مزاط بكل
وقعدنا نهدرزو مع بعضنا
صهيب//
كان عندي محاضره كل مره نخش للجامعة تتغير نفسيتي على المره يلي قبلها ونحس بتحسن
خشيت لقيت المحاضره بدات مابيتش نخش برمت وطلعت
وانا ماشي نسمع في صوت حد ينادي ورايه برمت وجاء في وذني كان نورهان
