#الاخوة🪐
الحلقة الثالثة عشر ✨
مصعب>>
طلعت من الحوش وكنت نازل من الحوش للمحل ونا نصكر في باب شفتنا انفتح باب الشقه يلي مقابله وطلعت جنى تبكي ومنهاره
مصعب: كنك شن؟، في اهدي .
حنى: بابا مش قاعد يامصعب
مصعب "توترت معاها":كنك احكي يا بنت
جنى: ماما داخت عليا وحتي ولد حاجه فتحيه مش قاعد😭
مصعب: ايات مش قاعده بس لبسي امك واركبن معايا في سياره من لاوراء ،بدون تفكير عدت وطلعت وهي وامها وقعدت تركب في امها في السياره وعدينا وطول الطريق تمسح في دموعها وعيوني عليها وقعدت نحاول نحولهن من عليها بس ما قدرتش.
وصلنا ولقيت وسيم واستلم ام جني وطمنا عليها.
وسيم:شويه هبوط درتلها تغذيه والف لابأس عليها
جني "تنهدت براحه":بارك الله فيكم
وسيم :واجبي "وعدا".
جني "بحتت في مصعب":شكراً واسفه علي فجعه وتقدر تمشي لشغلك
مصعب "ابتسمت":واجبي وكيف ماجبتكم نردكم
جني" ابتسمت ورن تلفونها وكان باتها وردت عليه ومسافه الطريق وجاهم.
باتها سلم عليا بحراره:ببارك الله فيك ربي جابكم رزق طيب جيران
مصعب:تسلم ياباتي واجبناً وكيف هلنا توا انتم
باتها:يبارك في عمرك.
مصعب :هي نستأذن انا "وطلعت وتمنيت باتهم ماجش استغفرت ربي وعديت شور المحل".
.
.
.
صهيب>>
خشيت للجامعه ندور في حياه زي كل يوم ما لقيتهش لقيت سميه مشيتلها
صهيب: سميه
سميه: تفضل
صهيب: نبي نسالك علي حياه
سميه: كنها حياه
صهيب: كيف كنها لها قريب اسبوع ما شفتهش بكل وتلفونها مقفل
سميه: حياه عندها مشكله
صهيب: مشكله واللي هي ؟
سميه بحتت في صهيب: صهيب ما نقدرش نعطي في صاحبتي لكن حياه مش لك انساها
صهيب "ضحكت": شنو اللي مش ليا؟
سميه: بالعربي حياه زبونه عند خوك
صهيب: مصعب؟
سميه:هزيت راسي
صهيب:كيف ما عمرهش قالتها ليا ، وبعدين وكان يعني ؟
سميه: صهيب ما تصعبش الامور عليا
صهيب ضغطت علي سنوني:احكي ولا نتصرف حاجه ماتعجبكش لا انتِ ولا صاحبتك
سميه:حياه ديرتك شماعه عشان توصل لاخوك
صهيب: كيف كيف؟ في شن تخرفي حضرتك ؟؟
سميه:كل شيء واضح شوف روحك ومش ناقصناً مشاكل ابتعد بخيرك وشرك وانساها وحتي نزيدك من بيت شعر انخطبت يعني باالعربي لا لك ولا لاخوك طلعها من راسك ماتجيبش مشاكل لك
عطيتها نظره مش مفهومه وعديت حسيت روحي كليت كف وطلع مضحوك عليا وركبت سيارتي ومتحتها.
.
ايات>>
ايات:شنو يحساب روحه
رتاج:اسكتي
ايات قعدت نهز في كراعي ورن تلفوني ولقيته مصعب:ايوه؟
مصعب:انا برا اطلعي
ايات :هي ،وبحتت في رتاج وقالتلها هي وطلعنا
مصعب:كنك قالبه وجهك
ايات:شيء وبيش تحط رتاج في حوشهم
مصعب "بحت في رتاج اللي غاطسه في تلفونها ونابشتها :وحده غاطسه وثانيه قالبه وجها كنكن
رتاج تضحك:غير راسها صداع كنك معاها
مصعب ضحكت وطلعت شور حوشهم.
