#الاخوة🪐
الحلقة السادس عشر ✨
بعد مرور أسبوع
آيات//
أنا : يشكلك ع الصلايه ديما .... حصلتي سمح التبسيمه
فرح ادربك: نرجو فيه سنين طويله... عرسك يا دلوع العيل
انا: ان شاءالله تجينا زيه هو .. لا يغارك لا يحب الدوه
ملاك: وين الي قالوا ما يجيها ... جاب تريس وكلم فيها
أنا: يا مبروك عليه وليته .. تغسل وتحدد سوريته
جنى: مبروك عليكم وعقبالي ... إن طول عزيز اللي في بالي
مع خشت مصعب من برا قعد يضحك علي هبالهن
جنى كرست ف المطبخ: نهار اسود من امته يسمع فينا
فرح: عادي ما دوريش ما يعدلوش عيال عمو طيب رهو
جنى: حتى وكان عليك حشمه
ملاك: فكيني من النوبجه الزايده واطلعو خلونا نكملو
طلعنا وقعدنا نكملو غناء ومصعب خاش طلع ويرتب في الحاجات شويا وطلع صهيب من الدار
صهيب: توا سوال انتي وهي
انا التفتت عليه كان لبس بدال عربيه وطالعه عليه تهبل ونسخه من بابا علي طول تجمعوا عيوني
صهيب حظنها: انتم ما غنيتولي بكل كله علي صاحبتكم وخطيبها انا كني ولد البطه السوده
فرح علي طول: سلم ولد العم الداني ... ماخلاها للبراني
ملاك: ياسلم ولد عمك ياحنة .. دارك تحت جناحه
فرح: ياسلملي ولد السيد .. ماخلاش الرزق بعيد
وانا قعدت نرقص وهو يضحك وجنى تتفرج علينا من المطبخ هي وجارتنا في العماره عمتي فتحيه وكنتها وام نهى وكان جونا جميل جدا لعند ما خش عليا مصعب
مصعب: هي يا صهيب ليا ساعه نراجي فيك انزل يا راجل
صهيب وهو يضحك: ديما بصلتك محروقه انت
مصعب: انزل قدامي هي ويا فرح باتكن تحت رهو قاللكم هي لان بيمشي للفاتحه
انا: عليك براده خليك معانا توجي معاها بنت خالتها
مصعب: ريحي عظامك
فرح: توا نكلمك فيديو غادي
ملاك: امشي انتي انا بنقعد مع ويته
فرح لبست كندرتها علي طول: تم يا حبي مع سلامه
انا: مع سلامه حبيبي
وطلعو انطلقوا للفاتحه صهيب وسفيان . سفيان؟ يلي صار هذاك اليوم ...
———————
قبل اسبوع عند مصعب//
وصلت لحوش عيت رتاج وبما اني طلبت نشوف عم رتاج عشان نطلبها رسمي لقيت عمها وولد عمها قاعدين خشيت ، وطلقت السلام عليهم وردوا عليا .
مصعب: كيف حالك يا عمي
عمها وهو رافع خشمه: بخير تفضل
مصعب قعمز: بارك الله فيك
عمها: ايوا لعيت من انتم
مصعب: لعيت ######
عمها: اها شن سماك ربي
مصعب: مصعب
عمها: يا مصعب نجيك من الاخير رتاج بنت خوي لولدي مانعطوهش لي حد براني
مصعب نصدم: كييف ياعمي بس؟مش اتفقنا.
ولد عمها: لا بس لا شي هذا هو
مصعب صبا يبي يطلع خشت سالمه.
سالمه:السلام عليكم خش يامصعب
مصعب طبس راسه ورد سلام:وين ياعمتي شكله ماعندنش نصيب
سالمة:اسمع ياحاج انا بنتي ربيتها وتعبت عليها المرحوم كان رافض زيزت الاقارب وانت توا جاي تبي تطلبها بأي حق؟حتي يوم اللي تمرض ولامرض خوك ماجيت فَـ ماعندكش حق تحكم توا
عمها:جايه تعارضي في كلامي يامراه خويا؟
سالمة:اللي عندي قلته وانا مكلمتك عشان تقابل مصعب وتتفاهموا بما انك عم البنت.
عمها:مجالس الرجالة مايخشوش فيهن رجاله تي انتِ خليتي فيها عم بنت "وصبا" انا لاني عمها ولاانتِ مراه خويا شوفي خوتك اصلاً لو عبروك وطلع هو وولده
وسالمه نهارت بكاء.
مصعب:ياعمتي ماتزعلش روحك وربي ماهم رجالة
سالمه:مصعب توا نكلم واحد من خوتي وخليك برا لعند يجو وتفاهموا ورتاج لسفيان بأذن الله.
