#الاخوة🪐
الحلقة السابعه✨
ايات//
نضت الصبح مصدعة بكل وحاسة جسمي مكسر معنديش نية لـ حاجة
طلعت نغسل وجهي وندير قهوة بش نصحصح اول مافتحت باب داري طحت علي طول ومحسيتش علي حاجة
مصعب//
كنت سارق سماعة صهيب من داره ومولع اغاني من الصبح نغسل في دبشي وجوي سمح وفجأة نشوف حد طايح فتحت عيوني وصكرتهن نلقاها ايات مشيتلها نجري مع طلعت صهيب من الدار
صهيب: شن في كنها شن صاااير
مصعب: مش وقته دايخه امشي ولع السيارة وكلملي سراج ولا وسيم يستقبلونا
صهيب: تمام " وطلع يجري للباب"
وانا لبستها عباية وحطيتلها وشاح وطلعت نجري بيها للسيارة وركبت وطلعنا
صهيب رن علي سراج: الووو
سراج: ايوا
صهيب: يا سراج في المستشفى انت
سراج: اها كنك
صهيب عندي حالة اسعاف
سراج: تمام نستنا فيك علي الباب "وصكر "
مصعب: شن قالك
صهيب يبحت في ايات: قاعد غادي
مصعب: تمام
وفي اقل من 10 دقايق كنت مدرس جنب المستشفى شفت سراج برا قدام باب المستشفى
سراج: كنها شن صاير
مصعب: شوفها انت مش عارف لقيتها طايحة
سراج: تو نديرلها تحليل اكيد هبوط في فيتامينات" خششها لـ غرفة التحاليل"
مصعب بحت في صهيب: عندك جامعة ولالا
صهيب: اها عندي
مصعب: امشي قرايتك
صهيب: مش حنسيبكم
مصعب: انا قلت امشي لقرايتك
صهيب: وانتم كيف تبو تروحوا ؟
مصعب: ساهل توا نروح بسيارة واحد من الشباب امشي
صهيب: كلمني بعدين طمني عليها
مصعب: تمام امشي
صهيب: تمام "وطلع"
بعد عدا صهيب طلع سراج من غرفة التحليل مشيتله
سراج: اهمال بكل يا مصعب معقوله هكي
مصعب: شن صاير
سراج: الضغط والسكر هابطات ودرتلها تحليل شامل
مصعب: امته تطلع النتيجة
سراج: بكرا ان شاء الله، توا نبي نديرلها تغذية
مصعب: تمام
مع طلعت الممرضه وايات معاها
مصعب: شنو ياطشه كويسه
ايات ابتسمت: كويسة
مصعب: خوفتيني عليك معقوله باهي يلي روحتوا امس
ايات مش قادرة تحكي: الحمدلله
سراج بحت في الممرضه: حطيها في قسم التغذية علي السرير "التفت لمصعب" تعال هي " مشينا للغرفة"
ايات//
فقت لقيت روحي في دار ومعايا سراج يسحبلي في دم وجنبه الممرضه
انا وصوتي رايح: انا وين
سراج رفع راسه فيها: الحمدلله على سلامتك ، شنو انتي كويسة مصحصحه معايا
ايات جمعت وتذكرت الشاب متاع المخزن نفس صوته و نفس كلمته يلي مزال لعند توا في عقلي " انتي كويسة "
سراج قعد يشير قدام عيوني بيده فقت علي روحي
