#الاخوة🪐
الحلقة الرابع عشر ✨
سفيان//
بعد صارت عركه صهيب ومصعب رد عليا شريط منصور كله اكثر شي خفت عليه ايات لان متعلقه بينا واجد بكل
طلعت وراه علي اساس نلحق عليه ما لقيتش له ولا اي اثر مشيت لمحل اياد صاحبه
سفيان: خير يا اياد
اياد: مرحبا نورت
سفيان: كيف حالك شن اخبار الوالد "اياد عايش هو وباته بعد امه توفت"
اياد: واللهِ في الحمدلله بخير
سفيان: ربي يدوم عليه صحته
اياد: سلمك يا حبيبي ، خش تعال قعمز
سفيان: لا وين مستعجل جاي نسال علي صهيب
اياد: صهيب ليا من اول امس جاء الصبح وطلع حتى المحاضره ما خشش ونرن عليه مقفل
سفيان: تمام صحيت ياايدو لو رن عليك ولا حصلته دورني "وطلع"
اياد لحق عليه: شن صاير
سفيان: طلع وسيب الحوش وقاعدين ندورو فيه
اياد: ان شاء الله خير
سفيان ركب للسياره: خير خير
وطلعت من عند اياد وانا عارف ان صاير حاجه في الجامعه بس شن دخل مصعب في الموضوع تكيت راسي علي الكرسي واستغفرت وروحت اول ما خشيت لقيت ايات في الصاله وتبكي جت تجري
ايات: شن صار يا سفيان لقيته
سفيان حك راسه: لالا بس اكيد عند واحد من اصحابه
ايات: ما عندكمش رقم سند ولا الاخر
سفيان مسك راسها: امشي ارقدي خلاص توا يجي ما تخافيش
ايات: حتى مصعب طلع
سفيان: مصعب قاعد في المحل تحت "مع فتحت الباب وخش مصعب" اهو مصعب
مصعب: شن صار
سفيان: مافيش
مصعب: خشي تريحي يا ويته كنتي في الجامعه اكيد تعبانه
سفيان: انا بنخش اندوش ونرقد "وخشيت للدار"
ايات قعمزت علي الصالون: ياربي شن يلي قاعد يصير اووف "وخشت للدار"
خشيت دوشت واول ما حطيت راسي علي المخده معش شفت شي نسمع في التلفون يرن وعارف ان رِتاج بس مش قادر نرفعه ونرد عليه عليها
سراج//
كان راقيلي كل ما نرن علي ايات تقولي مشغوله مشغوله الحق انشغلت عليها بس هي ما تبيش تحكيلي شي خشيت للعياده وانا متعصب لقيت وسيم مقعمز في مكتبي
وسيم: ليا وين نقولك تعال تعال ماتبيش تجي جيتك انا
سراج عزق الجاكه علي الكرسي وقعمز وخط راسه بين يديه: وصل حدي يا راجل
وسيم: كنك شن في
سراج: طحت طيحه سوده يراجل
وسيم ابتسم: اكثر واخد كان يتهزاء عليا تهايلي ولالا
سراج: ما تخلينيش نطلعهن فيك انت توا
وسيم: ومن سعيده الحظ هذي
سراج: اخت مصعب
وسيم قرن حواجبه: ايات
سراج بحت فيه بنص عين: ما تقولش اسمها خيرلك
وسيم: باهي ليش ماتمشي تطلبها طول من خوها
سراج: هي ماتبيش قالتلي نتعرف عليك قبل نبيش نتزوج حد ما نعرفش
وسيم: ردبالك يا صاحبي عارف مصعب كيف يعزك
سراج: مهو هذا يلي صايرلي ياراجل معش قدرت اني نعطي فيه في ظهره
وسيم: ربي يفتحها عليك ان شاءالله ويحققلك يلي تبيه
سراج تنهد: يااارب
