الحلقة السادسة✨
مصعب//
بعد الغداء طلعت للمحل شويا لين جاء الشاب يلي يصبي مكاني طلعت وانا طلع شفت سيارة وسيم قدام العيادة وهو فيها
مصعب: طيري
وسيم ياكل: اووو مصعب كيف حالك
مصعب: صحه صحه الحمدلله بخير كيف حالك انت
وسيم: الحمدلله واللهي تعال اركب كول
مصعب: لالا ياغالي صحيت
وسيم: اهو وراك سراج
مصعب التفت: شنجوك يا صقر
سراج: ميه ميه ، شن الخيانه هذي يا وسيم
مصعب: حسيتها صح وجنب المحل اخرى
سراج: الحمدلله انا كل ما تقعد في المحل نتكي عليك
مصعب: هذا خاين اصلا
وسيم: مجتمعين عليا انتم يعني
مصعب: نبصرو نبصرو
سراج يشير علي مصعب: هو يبصر بس انا لا
وسيم: دمك خفيف يا صقر
سراج: طلعلك "وفتح الباب وركب في السيارة وبحت في مصعب" اركب لاوراء انت
مصعب: المشكله اني اكبر منكم انتم الاثنين "وركب لاوراء"
وسيم بحت في سراج: شن المثل يلي ديما يقول فيه لنا
مصعب: الكبر مش بالعمر الكبر كبر العقل والحمدلله عقلي كبير
سراج ضحك: صح واللهِ مصعب عقله عقل شايب
مصعب: مش لدرجه عاد
وسيم ياكل: صح ما قلتلكم
مصعب وسراج: شنو
وسيم: باركولي
مصعب: ماتقولش قالتلك جيب هلك
وسيم هز راسه
سراج ضحك وحضنه: مبروك مبروك ياطيري
مصعب: مبروك يا وسيم واللهِ فرحتلك واخير واحد فيك تزحزح
وسيم: توا مش قال انا اكبر واحد
سراج قعد يضحك
وقعدنا نهدرزو لعند العشاء بعدها طلعت من الشباب ركبت في السيارة وروحت درستها ونزلت فتحت الباب لقيت صهيب سفيان في الجنان
مصعب: اوي
صهيب: اوي
رن تلفوني رفعته كان محمد "ولد عمي علاء خو ريان ونورس" استغربت رديت عليه
مصعب: ايوا
محمد صوته كان متغير: خير يامصعب
مصعب: خير كيف حالك كنه صوتك
محمد: الحمدلله قتلك
مصعب: نسمع فيك
محمد: حني مرضت نبدري وقاعده تنادي با اساميكم بالك تجو
مصعب انشغل عليها: كويسه باهي طمني عليها
محمد صوته تغير: الحق تعبانه واجد اول مره حني توصل للمواصل هذينا
مصعب: لا ياراجل ما تشغلنيش عليها
محمد: توا قاعدين بيها في المستشفى
مصعب: باهي شن قالوا الدكاترة
محمد: توا كيف خشينا بيها للمستشفى صكر والضغط هابطات
مصعب: خلاص جاي انا
محمد: قالك باتي جيب معاك ريان وايات
مصعب: تمام هي توصي علي شي من هنا
محمد: لالا غير ماتعطلوش
مصعب: تمام تمام "وصكرت منه وبحتت في خوتي يلي يراجو فيا نحكي حاجه"
مصعب: حني تعبانه قالي
صهيب صبا: كنها امس كنت هنا مافيها شي
مصعب: علمي علمك قالي تبيكم
سفيان: كيف كيف في شنو تراجوا هي
مصعب: قالي جيب معاك البنات نمشي نكلمهن
صهيب: وانا توا نولع السيارة " وطلع وهو يرعش"
وطلعت وراه ومشيت دقيت علي حوش عمتي سالمه وانا عقلي مش معايا ومش مستعد نخسر حد اخر في حياتي
