#الاخوة🪐
الحلقة اثنا عشر✨
صهيب//
صهيب: الو
ناصر:....
صهيب: الو سلام عليكم
ناصر:....
صهيب: سلام عليكم من معايا؟
ناصر:...... "صكر"
استغربت ورديت رنيت عليه الرقم من جديد عطني مقفل عزقت الموضوع في الساس وفتحت علي سفيان باب الدار
سفيان مسك صهيب من رقبته: حركات العبيطه فكني منهن
صهيب: تستاهل كم مره وعيتك
سفيان: مهو تحسابني فاضي زيك انت
صهيب: ما عرفتكش كم عندك شركه
سفيان طلقه وسقم دبشه: خمس شركات
صهيب: ما شاء الله ما شاء الله
مع فتحت الباب خشت ايات ومصعب
مصعب: اوي
صهيب: شن جوكم
ايات: لوز اللوز
صهيب: اليوم الافتتاح ولالا
مصعب: اها امس سفيان ستفلي كل حاجه تقريبا
سفيان: اها كسدت عليه
ايات: ان شاء الله فتحت خير عليك يارب
مصعب: يارب ، قتلك صهيب
صهيب: انعم
مصعب: شيل اختك لعرب خوك
صهيب: من؟ عيت منصور
مصعب: اها
صهيب: لا اعفيني انا توا يشيلها سفيان
سفيان: معناها هي نحطك ونكمل مشوار ونجي
ايات: خمس دقايق ونكون واتيه "وخشت للدار"
صهيب: انا ماشي لي اياد وسند
مصعب: المهم ساعه 4 تكونولي هنا
صهيب: تم
مصعب: جايني سراج ووسيم تحت نبدل ونطلعلهم
صهيب: اوك طلعت انا
مشيت للكافي كسدت مع الشباب
ايات//
لبست وطلعت انا وسفيان حطني وقالي نص ساعه ونكون عندك نزلت دقيت الباب حلتلي لُجين اخت تهاني
لُجين: مرحبا ايات كيف حالك
انا: الحمدلله وكيف حالك انتي
لُجين: بخير واللهِ خشي تفضلي
انا: كيف حالها نور كويسه
لُجين: اها كويسه الحمدلله يدها نكسرت بس
انا: وينهن
لُجين: اهما سمعو صوتك
البنت اول ما شفوني جوني يجرو طبست حضنتهن
انا: كيف حالكن حبيباتي
نور: كويسين يا عميمه
انا: ياخيه الف لاباس عليك الحمدلله على سلامتك
هدى: شوفي يا عميمه بابا شن جابلي " ورتني البنبلينه متاعها"
انا: تهبل زي متاعي تتذكريها
نور: حتى انا عندي وحده
انا: وشن سميتوهن
نور: انا سميتها هدى وهي سمتها نور
انا ضحكت: ياخيه "فتحت الشنطه وطلعت منها لعبتين وعطيتهن لهن " هذينا من عمو مصعب
هدى: جاء معاك
انا: لالا هو عند شغل بس
وانا نحكي معهن جت تهاني قدامي ومربعه يديها صبيت
انا: خير ياتهاني
تهاني رفعه حاجبها: اهلاً
انا: كيف حالك وحال منصور
تهاني: كويسين الحمدلله
انا: كلم منصور سفيان قالها له نفجعت عليها
تهاني: مافيها شي كويسه
انا: باهي الحمدلله يلي بخير "طبست علي البنت" تبو حاجه
تهاني ردت بسرعه قبل بناتها: مش مستحقين لحد الحمدلله
انا صبيت: باهي دومها عليكم النعمه ، مع سلامه "وطلعت صبيت في السقيفه نرن علي سفيان"
