#الأخوة🪐
الحلقة العاشرة ✨
ايات//
اتصلت بـ سراج بعد سكنان فرح رد علي طول
سراج بعد من جنب البنات: باهي يلي رنيتي كلهن جيات يسالوا علي المحاضره درهولي كبدي
انا: انت مداير سريب لروحك
سراج: مش موضوعنا
انا: وشنو هو موضوعنا
سراج: بصراحه ياايات انتي عاجبتني وفي نفس الوقت ما نبيش نلف وندور وناوي الحلال علي طول
انا نصدمت: بس انا ما نعرفكش يا سراج
سراج: عادي نعطيك وقت تتعرفي فيه عليا ماعنديش مشكله
انا: لا ما نقدرش
سراج: عليش في حد في حياتك؟
انا: لا
سراج: معنها عطيني فرصه
انا: مش عارفه خليني نفكر
سراج: ما تطوليش في التفكير في الليل نبيك تردي عليا يا موفقه يا لا
انا: باذن الله
سراج: ما تخافيش من شي طول ما انا معاك
انا: تمام "وصكرت"
فرح: شن قالك عليش تبتسمي
انا نبتسم: قالي انا ناوي الحلال موفقه ولالا
فرح حضنتني: واخير وحده فينا تبي تتزوج
انا بعدت من عليها: مش هكي يشوف فينا وبعدين قتله نفكر الاول
فرح: في شنو تبي تفكري راجل ودكتور وولد ناس وصاحب خوتك
انا: نعرف نعرف مش كل شي هذا ما نعرفش طبعا وشخصيته واسلوبه
فرح: وعادي تعرفي عليه شن المناع
انا: ما نبيش نخون ثقة مصعب وبذات مع صاحبه
فرح: هو قالك ان ناوي حلال فا خلاص اسكتي ، صار ابتسمتي معنها موفقه صح
انا: اس اس "رن نقالي وكان سفيان" الو
سفيان: قتلك
انا: نعم
سفيان: خال رِتاج توفى
انا بحتت في فرح: إن لله وإنا اليه راجعون الله يرحمه
سفيان: جاي ناخذك مش نمشو
انا: تمام كملت اصلا محاضرتي كنت بنرن علي مصعب
سفيان: اها قاعد جايك بسيارته اصلا
انا: تمام نراجي فيك "وصكرت"
انا: خال توجي توفى
فرح: ينعليا الله يرحمه ويصبر عميمه سالمه وتوجي
انا: ان شاء الله يارب
فرح: مااشيه توا؟
انا: اها جاي سراج
فرح: كيف سراج
انا فطنت لروحي: قتلك سفيان سراج من هذا
فرح بحتت فيا: صار قتلك سفيان عقلك عندا انتي
انا: اسكتي تعالي نطلعوا نراجوه برا
وطلعنا قعدنا نراجوا في سفيان
صهيب//
مشيت للامتحان وشفت حياه بس واضح علي وجها ان في حاجه خشت اخر وحده للقاعه وطلعت اول وحده طلعت ندور فيها في الكافيتريا ما لقيتهش مسكت نقالي بنرن عليها شفت سميه جايه من بعيد
سميه صوتها داهش: صهيب ما قليتش الا انت
صهيب: كنك شن في
سميه: حياه دخت شكله السكر هبط عليها
صهيب فتح عيونه ونصدم وعدا يجري لقاءها طيحه على الكرسي ومتجمعات عليها البنات وهي طايحه
صهيب: سميه ساعديني نشيلها للمستشفى
حياه يادوبك تحكي: انا كويسه مش لازم
صهيب: عنجد مش لازم صبي غصب عنك
حياه: واللهِ كويس يا صهيب
سميه: باهي صبي نتطمن عليك
حياه: عليك تصكير راس صبيت ها "وصبت واتكت علي سميه وصهيب يمشي جنبها"
صهيب: حنشيلكم انا رهو اركبوا في السياره
سميه بحتت فيه: سيارتك ولا سيارتي
صهيب: كله واحد المهم انا يلي نبي نسوق
حياه: خلاص روحي بيا للحوش مش مستاهل الموضوع
صهيب: كلمه وقلتها ما تقعدش اثنين اكبي هي اهيا السياره
