انتي اجمل من تفاصيل الجمال!

سُهادٍ سمهلت رمشه وعينه...

في عصر اليوم التالي جمان في بيت سيلين
سيلين : ياهلا ومرحبا وش عندتس من علوم
جمان : وش رأيك تروحين انتي وخالتي معنا للبر انا وأهلي
سيلين :اكيد جت في وقتها ابي اغير جو اجل خلي ادق على سهاد نخليها تخاوينا
التليفون يرن.....
سيلين: الو سهاد؟
سهاد بصوت منخفض: هلا والله
سيلين: انتي توك تقومين
سهاد : اي والله
سيلين : علامتس بتغيب الشمس تعبانه فيك بلا؟
سهاد : لا ابد بس ارهاق شوي
سيلين : تخاويننا للبر انا وامي وجمان واهله
سهاد : اكيد شويات واجيك بجي مع امي تمام
سيلين : الله يحيها
في سياره عبدالعزيز جمان وسيلين وسهاد
سياره ليث ام جمان و ام سيلين وام سهاد
وصلو الي مكان الكشته انزلوا القعود [اي القهوه والشاي] وفرشو فرشتين واحده للرجال والثانيه للنساء
ليث: يازين الجو
عبدالعزيز وهو يشرب القهوه وينضر إلى سيلين
عبدالعزيز: اي والله يازينه
ليث : ترا الجو مهب في وجه ام شعر احمر
عبدالعزيز: اقطع واخس وش يدريك بشعرها
ليث : علامك صرخت دايم اسمع امي تقول ام راس احمر
ينظر عبدالعزيز الي ليث بغضب
ليث : خلاص ماني عايدها

سيلين : بنات وش رأيكم نطاعس شوي
جمان : خلاص الحين اقول لعبدالعزيز
سيلين : لااا ماصدقت نزلت من السياره تبين اركب معه مره ثانيه
سهاد : ليه علامه هو
سيلين : ها لالا مافيه شي بس عندي فكره ازين
جمان : وش هي
سيلين تنضر الى سهاد
سهاد تبتسم : ابشري
سيلين : يعجبني الي يفهمني
جمان : وش السالفه
سيلين : سهاد تسوق
جمان : بروح اقوله يارب يوافق
عبدالعزيز نظر الى جمان وهي قادمه
عبدالعزيز: وش بغيتي ناقصكم شي
جمان: عبدالعزيز ابي مفتاح سيارتك
عبدالعزيز: نعم خير
جمان : نبي نتمشى شوي بسياره
عبدالعزيز: مع من؟
جمان : سهاد والله تعرف تسوق
عبدالعزيز : اقول بس ارجعي لهم واقظبي ارضك[اي انطقي]
جمان : عزيييز طالبتك
يرمي ليث مفتاح سيارته على جمان
ليث : وش تبين اكثر من شاص
عبدالعزيز: مهبول انت
ليث : ياشيخ خلهم يستانسون وبعدين اكيد انها ماقالت لهم انها تعرف تسوق الا انها صادقه
جمان : كفو اطلق اخ
جمان تنظر الى عبدالعزيز بإنتصار وتذهب
عبدالعزيز: اقسم بالله انك خبل

تأتي جمان إلى البنات وهي تتمايل وتهز المفتاح
سيلين : كفوو يابنت الفزعات
ترمي جمان المفتاح على سهاد
سهاد : مشينا اركبوا
تشغل سهاد الشاص وتعطيها جمان شماغ ليث لتغطي وجهها فيه
سهاد : جاهزين
سيلين: دوسيي
تبدا سهاد بالابتعاد عن مكان الكشته وتذهب للمرتفعات وتبدأ تطاعس وهي متحكمه بسياره

سيف نازل من شاصه يجيب شي من الشنطه وينظر إلى الشاص من بعيد
سيف : حي ذا الشاص الي قراطيسه وكاله وحي من يسوقه على الطعوس خلي اروح لمه بموت واعرف من يسوقه ذا السواقه الزينه

جمان : بنات وش الشاص الي ورانا
تنتبه سهاد : ماعليكم
ويأتي سيف جنمب الشاص وينتبه لهيأت الشخص الذي يسوقه ويتذكر محمد
سيف : حي نظرة العيون الي تتكلم بدون ماتنطق
سهاد تحاول تبتعد عنه و سيف مستغرب
سيف : مستحيل ماعرفني من سيارتي
جمان : بنات وش نسوي 
سيف يفحط على جمب ويتوقف امامهم
جمان : بنات انا خايفه
سهاد : لا تخافين اعرف كيف اتعامل مع ذي الاشكال

ولم ينتبه سيف فجأه سياره حمراء تقف بجانبهم
ينزل عبدالعزيز من السياره
سيف ينزل
سهاد تنزل وتذهب الى سيف الذي كان متلثم
عبدالعزيز: يابنت ارجعي
ليث: هذا مو شماغي
تخرج من جيبها المسدس وتصوبه على سيف ....