انتي اجمل من تفاصيل الجمال!

الحياه تبينا نلتقي وانا مابي لقاك...

في الصباح اجتمع ابو عبدالعزيز و عبدالعزيز و ليث يفطرون
ابو عبدالعزيز: انا اليوم بسافر عندي شغل ابي واحد منكم يخاويني
عبدالعزيز  : ودي والله يايبه بس اليوم ماني قادر ارجع البيت عندي شغل وفي كم شغله يبيني اخلصها القائد
ليث : ولا يهمك يبه انا اخاويك
ابو عبدالعزيز  : كفو اجل بقول لجارنا ابو سيلين يخاوينا
ليث : تم
عند صلاه الظهر خرج ابو عبدالعزيز لصلاه وقابل ابو سيلين
ابو عبدالعزيز: أرحب ابو سيلين
ابو سيلين: ياهلا
ابو عبدالعزيز: تخاوينا للعاصمه
ابو سيلين  : انت ومن؟
ابو عبدالعزيز  : انا وولدي ليث عبدالعزيز عنده شغل
ابو سيلين: ابشر اخاويك بس متى؟
ابو عبدالعزيز: اليوم بعد العصر
ابو سيلين: توكلنا على الله

في بيت جمان
ام جمان : جمان اليوم عبدالعزيز متى بيجي
جمان : قالي احتمال ما اجي
ام جمان : ليه ؟ غريبه
جمان : مدري عنه يقول عندي شغل وكم شي يبيني القائد اخلصها 
ام جمان : الله يوفقه
جمان : امين

في بيت سُهاد
تدق سُهاد على سيلين
سيلين: هلا
سُهاد: أرحبي وش حالك
سيلين: الحمدالله وانتي
سُهاد: بخير بس وش رأيك تتقهوين عندي
سيلين: جيتي في وقتك خلاص ابشري بس....
سُهاد: اي عادي جيبي جمان حياها الله
سيلين: ياقلبي على الي تفهمني
سُهاد  : اقول بس اعجلي
سيلين: ابشري

تذهب سيلين و جمان مع ليث الى بيت سُهاد
سُهاد: ياهلا ومرحبا
سيلين: هلابك
جمان : يازين هالقهوه منك
سُهاد: تسلمين يابعدي
سُهاد: اقول غريبه ليث الي جابكم وين عبدالعزيز
جمان : يوه تكفين لا تتكلمين عنه عنده شغل اكثر من شعر رأسه
سيلين: ابرك
جمان : وش قلتي؟؟
سيلين: لا ابد اقول الله يسهل عليه
جمان : اي اشوى
سُهاد تضحك
سُهاد: وش رأيكم تنامون عندي امي اليوم رايحه عند خالتي
سيلين بدق على امي وخالتي ام جمان باستأذن
سُهاد: تم
بعد مده
جمان : ها بشري وافقوا
سيلين: اي قالت اصلاً مافيه احد يجيبكم اجلسوا الى بكرا العصر وبعدين ارسل عبدالعزيز يجيبكم
سُهاد  : كفو

الساعه ١٠ الليل بينما سيلين و سُهاد يسولفون لاحظوا  ان جمان وجهها مصفر وكانت تتنفس بصعوبه
سيلين: جمان وش فيك
سُهاد تلمس جبين جمان
سُهاد: حرارتك مرتفعه بسم الله وش الي جاك
جمان : مادري احس  بدوخه وماني قادره اتنفس
سيلين: انتي اكلتي شي عندك حساسيه منه
جمان : لا بس شربت القهوه
سُهاد: من اي دله شربتي
جمان : من الدله الي بجنبك
سيلين: خبله انتي هذي فيها مسمار [اي قرنفل]
سُهاد: وإذا فيها
سيلين: عندها حساسيه منه
سهاد : ياليل وش الديره
سيلين: لازم نروح المستشفى
سُهاد: الحين مستشفى الديره يسكر
سيلين: في مستشفى بالقريه الي قريبه منا بس مين يودينا
سُهاد: اهم شي انتي تعرفين وينه صح
سيلين: اي بس مين يودينا؟؟
سُهاد: ازهليها....