بعد اسبوع من ذالك تحديداً يوم الجمعه وهو يوم الملكه رائحه البخور تملأ المكان
وضحكات النساء من المجلس اختفت فجأه عندما دخلت سيلين بفستانها الاسود الماسك على جسمها وشعرها الغجري على كتفها
ام عبدالعزيز تهمس لجمان
ام عبدالعزيز: جمان ماشاءالله كأنها ملاك على الارض
جمان : يمه انا قلبي شوي ويوقف كيف اخوي
ام عبدالعزيز: متأكده هذي صديقتك
جمان : مدري بديت اشك
اتى الشيخ وعقد القران وكان ابو سيلين ميت من الفرحه وفي وسط أصوات الرجل والضحك سمعوا فجأه صراخ سيلين فز عبدالعزيز الى باب المجلس الذي يفصل بينهم ويوقفه سعود اخ سيلين
عبدالعزيز: وش تبي انت ماتسمع صراخها
سعود : اقول في حريم خل عنك الحين انادي احد واشوف وش السالفه
ليث : عبدالعزيز امسك اعصابك
في مجلس الحريم
تصرخ سيلين : ماتشوفين انتي عمياء
نسرين : بالغلط طاح الجمر لا تكبرينها
سيلين : لا أكبرها وهو احرق فخذي ماتشوفين
نسرين بخبث : ليه تصرخين كل هذا عشان خايفه عبدالعزيز يشوف فخذك ولايبيك
سيلين تصفقها كف وتمسكها من شعرها
سيلين : اصارخ عشانه عورني مو عشان احد فاهمه ياتبن
نسرين : فكي شعري والله لا أعلم ابوي
سيلين تضحك : على فكره تراه ابوي والحين راح افكك عشان تكملين شغلك وقهوي جمان لاتنسين
سعود ينادي سيلين
سعود: علامكم
سيلين : اختك احرقتني الله ياخذ ابليسها
عبدالعزيز كان بجانب سعود
عبدالعزيز: صار لك شي
سعود ينضر الى عبدالعزيز
سعود : وش جابك انت
عبدالعزيز : وش الي وش جابني ترها زوجتي من حقي اتطمن عليها
احمر وجه سيلين
عبدالعزيز: صار لك شي وش فيك ؟؟؟
سيلين بتوتر : لالا بس انحرق الفستان
سعود ذهب وبقي عبدالعزيز يكلم سيلين
عبدالعزيز: متأكده !!!
سيلين : وفخذي بس شوي ما عورني مره
عبدالعزيز : وريني وين الحرق
سيلين: مجنون انت فيك بلا
عبدالعزيز : تمام راح اعالجه لك بس بعدين
يغمز عبدالعزيز لسيلين
سيلين تخرج اعينها
ذهب عبدالعزيز
جمانه : سيلين الووو ردي وش فيه وجهك احمر
سيلين: اكيد انا فهمت غلط صح
جمان : فهمتي ايش ؟؟
سيلين: بسم الله وش جابك انتي
جمان : لي ساعه اكلمك بس والله أعجبتني احسن تستاهل
سيلين : وينها الحين
جمان : شفتها تبكي في الحوش
سيلين تضحك : خلي نروح نكمل رقص
جمان : يلاااا فيني طاقه ...
الساعه ١٢ الليل سيلين الى الان تفكر في عبدالعزيز ويحمر وجهها
سيلين: اكيد فهمت غلط صح ياربيه وش فيني ليه وجهي احمر وقلبي يطق بسرعه لالالا سيلين افهمي انتي ماتحبينه مافيه حب على الواقع هذا بس في الروايات
يرن التليفون تسرع له سيلين
سيلين: الو
جمان : هلا بزوجه اخوي
سيلين: جمان مجنونه تدقين الحين بغيتي تقومين البيت
جمان : تمام اسفه بس وش رأيك تجين
سيلين: الحين !!!! فيك بلا انتي
جمان : بكيفك بس تراي شابه في السطح ومسويه الشاهي الي تحبينه
سيلين : خلي الباب مفتوح جايه
جمان : ابشري
دخلت سيلين السطح ومعها كتب
جمان : اكيد انك تستهبلين جايبه رواياتك معك
سيلين: مالي دخل انتي جيتي في وقت قرايتي
جمان : تمام اجلسي بروح اجيب فصفص واجي
سيلين: تمام
بعد مده
جلست سيلين امام النار غارقه في رواياتها خرج عبدالعزيز ليستنشق بعض الهواء ورءى تلك الملاك امام النار تشرب الشاي و معها كتبها
ذهب عبدالعزيز وجلس امامها
سيلين تبعد الكتاب عن عينها وتلتقي اعينهم
يخرج عبدالعزيز زقاره ويشعلها
سيلين تغلق الكتاب وتقوم
عبدالعزيز : تراك زوجتي وش فيك قمتي
سيلين : طف الزقاره وبعدين تكلم
عبدالعزيز : ليه حطيتي شهر بين الملكه و العرس
سيلين: .....
عبدالعزيز يقوم ويمسك يد سيلين
عبدالعزيز: إذا كلمتك ردي
سيلين: طف الزقاره واكلمك
عبدالعزيز : ماني مطفيها وش بتسوين
تحاول سيلين تبعد يد عبدالعزيز
عبدالعزيز يضغط على ايدها
سيلين : ابعد يدك عورتني
جاءت جمان
ابعد عبدالعزيز يده
جمان : عبدالعزيز وش جابك انت
سيلين : بكرا اشوفك مع السلامه
ذهبت سيلين
جمان : وش سويت انت
عبدالعزيز :ماسويت شي
جمان : واضح ....
أنت تقرأ
انتي اجمل من تفاصيل الجمال!
Romanceفتاه عايشه في روايات الحب ولكنها لا تؤمن بالحب في الواقع وتنصدم عندما قابلت ذالك الرجل الذي جعلها تؤمن به ، مستوحى من قصه حقيقيه .
