انتي اجمل من تفاصيل الجمال!

"الدنيا حظوظ وأول حظوظي انتي"

الساعه 7 الصبح سيلين خرجت من غرفتها
الاب يهمس قولي لها
ام سيلين : يامرحبا ياهلا ببنتي
سيلين: صباح الخير وش فيه
الام : ابد مافيه شي
سيلين : بس الوضع مايطمن
الام بتوتر : ها لا ابد مافيه شي
ابو سيلين : الا فيه جاينك خطابه
سيلين تجلس وتصب لها قهوه
سيلين : يالله صباح خير ومين ذا المره
ابو سيلين : واحد راح يعزك ويرزك
سيلين : انا ما احتاج احد يرزني
ابو سيلين : اقول بدون شوفه ولا شي راح تاخذينه  فاهمه عمرك 25 وانتي ماتزوجتي الا بعمرك عندها عيال
سيلين بكل برود : كم عمره
ابو سيلين: ماهو كبير
سيلين: اي كم يعني
ام سيلين: 50
سيلين تضع فنجال القهوه وتقوم
سيلين : شكراً يبه انا ماني محتاجه اب ثاني في حياتي عن اذنكم
ابو سيلين: اقول قسم بالله ما تشمين ريحه الكليه اليوم الا وانتي مخطوبه فاهمه !!!
سيلين: يبه !!!
ابو سيلين يصرخ : هذي كلمتي ولا بعدها كلمه
سيلين: تبين اتزوج واحد كبرك ماعندك مشكله
ابو سيلين : اي ماعندي مشكله اهم شي تتزوجين
تخرج سيلين من البيت
ابو سيلين : قسم بالله ان رحتي ياويلك

تطق سيلين باب بيت جمان وهي تبكي
يفتح الباب عبدالعزيز ببدلته العسكريه وهو ينضر متفاجئ
عبدالعزيز : علامتس مين الي مزعلك وريني اياه بس!!!
سيلين تصرخ : وين جمان
عبدالعزيز : راحت للكليه
سيلين وهي تبكي : كيف لازم  اكلمها
عبدالعزيز : انتي قولي لي وش الي صاير يمكن اقدر اساعدك
سيلين تصرخ : ماتقدر
عبدالعزيز : انطقي وش فيه شلعتي قلبي
سيلين تنفجر : ابوي راح يزوجني شايب عمره 50 متخيل كيف قدر يبيعني بس عشانه يبيني اتزوج والله اتزوج بس مابي واحد عمره 50!!!

عبدالعزيز بغضب : راح اساعدك اوعدك انه ماراح ياخذك
سيلين: كيف
عبدالعزيز: ماعليك انتي ارجعي البيت والمغرب بقولك كيف اساعدك
سيلين : توعدني
عبدالعزيز : لا تشيلين هم

المغرب الساعه 6
تخرج سيلين من غرفتها وتجد جمان وام عبدالعزيز في المجلس
سيلين : جمان !!
جمان : سيلين تعالي اجلسي

تجلس سلين وهي ماتدري وش السالفه
ام عبدالعزيز : اعذريني يا ام سيلين جايتك بدون موعد بس والله عبدالعزيز ابلشن
ام سيلين : وش دعوه مابيننا يا ام عبدالعزيز آمري
ام عبدالعزيز : حنا جاينكم اليوم نبي سيلين لودي عبدالعزيز على سنة الله ورسوله
ام سيلين: هذي الساعه المباركه
سيلين : ها؟ وش ؟
جمان : عن اذنكم شوي
تسحب جمان سيلين الى المطبخ
جمان : سيلين عبدالعزيز قالي عن الي صار وهذا الحل الي وصلنا له وش رأيك تبين الشايب ولا عبدالعزيز
سيلين : انا ماكنت ادري انه كذا راح يساعدني
جمان : الصراحه هو كان رايح يذبح الشايب بس انا وقفته ماتدرين وش كان صار
سيلين : مادري
جمان : المهم انتي فكري زين الشايب ولا عبدالعزيز
سيلين: جمان تستهبلين صح اكيد مارح اختار الشايب
جمان : بذي السرعه فكري على الاقل
سيلين: مايبيلها تفكير ابوي يبيني اتزوج وإذا ما وافقت على عبدالعزيز راح يزوجني الشايب غصب
جمان تحضن سيلين
جمان : واخيراً راح اشوفك كل يوم
سيلين: جمان كلن على همه سرى ، انتي وين وانا وين
عادوا سيلين وجمان الى المجلس
ام عبدالعزيز: ها فكرتي
سيلين : موافقه
ام سيلين : اثقلي شوي !!
ام عبدالعزيز: الف الف مبروك

مجلس الرجال
ابو عبدالعزيز: انا جيت يأبو سيلين اخطب سيلين لعبدالعزيز على سنه الله ورسوله وأمر بشروطك وشروطها ولاتشيل هم المهر ابد بيكون واجد
ابو سيلين يتنحنح :  علامك مستعجل فيه واحد متقدم لها خلي  اشوف مين تختار بعدين نجي عند الامور الثانيه
عبدالعزيز يتنهد

عندما ذهبوا اهل عبدالعزيز اتى اب سيلين الى ام سيلين و سيلين
سيلين: يبه انا موافقه
ابو سيلين: انتي موافقه عشانك ماتبين تاخذين ابو  50 سنه
سيلين: لا مين قال انت ماتفرق معك اهم شي اني اتزوج صح؟ خلاص انا ابي الأصغر اكيد مابي عيال يكبرون وابوهم شايب
ابو سيلين: شكلك مستعجله على العيال هاا؟
سيلين: مو مهم المهم بلغهم اني موافقه
ام سيلين: بلغهم بعد اسبوع بنتي ثقيله الحين يحسبون مايتين على ولدهم
ابو سيلين: انتي في وادي وحنا في وادي ....