بعد اسبوع الساعه 2 الظهر
ام عبدالعزيز جالسه في المجلس يدخل البيت عبدالعزيز
ام عبدالعزيز: يامرحبا ياهلا أسفرت وانورت
عبدالعزيز يضحك ويسلم على امه
جمان : ماشاءالله على فكره حتى انا راجعه من الدوام ما اشوفك تهلين بي كذا ولا عبدالعزيز غير
ام عبدالعزيز: لا ابد انتي عيوني مايحتاج بس عندي خبر حلو
عبدالعزيز: بشري وش فيه
ام عبدالعزيز: ام سيلين دقت علي تبشرني انهم وافقوا
جمان : الحمدالله من جد واخيراً
ام عبدالعزيز: عبدالعزيز علامك
عبدالعزيز: وش
ام عبدالعزيز : مادري ما أعطيت رده فعل
عبدالعزيز: ادري انها ماهي رافضتني
جمان : ترا عرفنا انك مزيون بس مو تغتر ترها ازين منك بكثير
عبدالعزيز: يمه وش رأيك بكلامها سيلين ازين مني؟
ام عبدالعزيز : اي والله ازين منك ، اقول بس تعالي ساعديني بروح اجهز الغدا
جمان بصوت منخفض : تسأل امي على اساس ماقد شفتها
عبدالعزيز يبتسمالساعه ٦ المغرب
في المجلس يدخل عبدالعزيز مع اباه و ليث ليجد ابو سيلين ورجلين
عندما رحب بهم وجلسوا
عبدالعزيز يأشر على الرجلين : ياعم ماعرفتنا
ابو سيلين: هذول من اخوان سيلين سعود وفهد
عبدالعزيز: اعز من اشوف والله ماكنت ادري ان عندها اخوان
فهد بصوت حاد : اخوانها كثير مو بس حنا
عبدالعزيز: الله يحفظكم
ليث يهمس : اقولك حنا جاين نخطب ولا نطلق وش فيهم يعاينونا كأننا ماخذين حقهم
عبدالعزيز: ماعليك منهم هذولي اخوانها من ابوها بطقاق الي يطقهم
عبدالعزيز: متى الشوفه
ابو عبدالعزيز ينغزه
ابو سيلين: شوفه وش حنا ماعندنا شوفه
فهد اخو سيلين يغمز لعبدالعزيز
عبدالعزيز مستغرب
ابو عبدالعزيز: اكيد هو قصده شوفه اخونها الباقين
ابو سيلين: ابد بالعرس كلهم بيجون ان شاء اللهبعد مده جاء وقت صلاه العشاء
ابو عبدالعزيز: وش رأيك نروح للصلاه يابو سيلين
ابو سيلين : على سيارتي اجل
ابو عبدالعزيز : الي تشوفه
عندما ذهب الجميع يمسك فهد عبدالعزيز
عبدالعزيز : هلا بغيت شي
فهد : كلنا عارفين انك تقصد الشوفه الشرعيه
عبدالعزيز: اي
فهد : رح للمجلس بتلقاها وانا انتظرك برا نروح نصلي بس خمس دقايق
ذهب عبدالعزيز للمجلس
ويرى ذات الفستان الاحمر وهي رافعه شعرها لتبين رقبتها
عبدالعزيز يبلع ريقه
ويذهب ليجلس
سيلين : ما كنت ادري ان هذا حلك
عبدالعزيز : وش تبيني اسوي هذا الي فكرت فيه
سيلين : شوف انا جيت مو عشان ابي اشوفك
عبدالعزيز: اجل؟
سيلين : ابي اقولك حنا قدام الناس زوجين بس في البيت اقل من اخوان
عبدالعزيز : اكيد ماني صاير اخوك
سيلين: قلت لك أقل من اخوان مو اخوان افهم
عبدالعزيز : وليه ان شاء الله
سيلين : لاني اصلاً مابي اتزوج ولا كنت جاهزه بس تزوجت عشان أهرب من الشايب
عبدالعزيز : نشوف
سيلين : وش نشوف ؟؟
عبدالعزيز : لا ابد سلامتك
ذهبت سيلين وذهب عبدالعزيز للصلاة.....
أنت تقرأ
انتي اجمل من تفاصيل الجمال!
Romanceفتاه عايشه في روايات الحب ولكنها لا تؤمن بالحب في الواقع وتنصدم عندما قابلت ذالك الرجل الذي جعلها تؤمن به ، مستوحى من قصه حقيقيه .