لا تنسون تصلون على النبي
الصباح في بيت ابو ليان:
نزلت لين وكانوا امها وابوها يفطرون
ليان : صباح الخير
الكل: صباح النور
ليان: يبا ، انا اليوم بروح اقابل سيف
ابو ليان : منهو سيف!
ليان : هو يبا شفيك نسيت ، سيف الي قلت لك عنه امس
ابو ليان: اي اي صح خلاص يابنيتي
ام ليان: اقول حبيبتي ، ام زيد صديقتي عزمتني على ملكه بنتها وقالت خلي ليان تجي معاك، وشرايك تجين
ليان: متى؟
ام ليان: بكرا ، ها وش قلتي
ليان: على حسب شغلي يما اشوف وارد لك خبر
ام ليان: على خير
في بيت الجد عقاب :
الجد عقاب: يا مزنه انا معزوم اليوم على العشاء عند ابو عبدالله
الجده مزنه: يعني اقول لعمر ما يجي
الجد عقاب: علامك انتي ، خليه يجي مع مرته وعياله يتغدون معنا وباليل يجي معي
الجده مزنه: على خير
الجد عقاب: وينهم محد نزل يفطر معنا
الجده مزنه : تدري اليوم جمعه واجازه خلهم ينامون تو الناس الساعه ١٠
الجد عقاب: وخير يا طير، خليهم يقومون عشان نروح للمسجد
الجده مزنه: بيقومون بيقومون قل لا اله الا الله
الجد عقاب وهو يتافف: لا اله الا الله لا اله الا الله
نزل ابراهيم: صباح خير
الجده مزنه: صباح النور
الجد عقاب بغضب: انت وينك ها بياذن وبعدك خامد
ابراهيم: جدي الله يهديك تو الناس الساعه ١٠
الجد عقاب: انطم بس
ابراهيم: اقول جدي بكلمك بموضوع
الجد عقاب: خير
ابراهيم بتردد: ياجدي انا ودي افتح لي ورشه تصليح، انت تدري احب الاجهزه و....
الجد عقاب قاطعه: انطم انطم اخر عمري ارمي فلوسي على خرابيط
ابراهيم: بس
الجد عقاب : اقول انطم لا اقطع العقال على ظهرك فهمت ولا لا وش تخربط انت وش تقول
الجده مزنه: الله يهديك مافيها شي
الجد عقاب بغضب: اقول بدال ما تفكر بهالخرابيط تعال اشتغل بالشركه مع اخوك وولد عمك ابرك لك من الخرابيط
ابراهيم : جدي مستحيل اشتغل تحت رحمه سامي
الجد عقاب: عنبو دارك سامي اخوك اخوك مب عدوك
ابراهيم: خلاص جدي انسى اشتغل معاه في نفس المكان
الجد عقاب: اجل انثبر بالبيت ازين لك
ابراهيم : اقول يما مزنه
الجده مزنه: خير
ابراهيم: امس باليل شفت جيرانا الي قبالنا يطلعون وكان في نقل عفش
الجده مزنه: ايه ايه باعوا البيت ، عدل يا عقاب
الجد عقاب: ايه ايه باعوا لواحد ينقال له ابو راضي واظن اليوم بيجون يسكنون
ابراهيم: اها
الجد عقاب: قم صب لي قهوه
ابراهيم: ابشر
وعند ليان الي وصلت للسجن وقالت لهم انها محاميه سيف وبتقابله :
دخلت ليان على سيف الي كان منزل يناظر الطاوله واول ما رفع راسه شاف بنت جميله حيل وملامحها طفوليه ( ليان ماكانت منقبه بس متحجبه كان لو بشرتها ابيض وعيونها عسليه وكان طولها طولها تقريبا ١٧٠ ) وجت ملاك جلست قدامه
ليان: سلام عليكم
سيف : عليكم السلام
ليان: كيف حالك سيف ، معاك المحاميه ليان بنت عدنان ال عبدالرحمن
سيف : والنعم
ليان: انا طلبت اقابلك لان ولد خالتك سلطان كلمني امس وقال لي الحكايه كلها، بس انا طلبت اني اقابلك واسمع منك كل شي
سيف: الي صار....... وقال لها كل شي
وهو يسولف كانت ملاك تدقق في ملامحه لحيته الكثيفه شوي وملامحه الحاده كانت ملامح سيف حاده وجذابه ولون بشرته حنطيه ولون عيونه بني غامق شوي وطوله تقريبا ١٨٧
ليان: طيب انت علاقتك فيها من قبل الي صار كيف كانت
سيف: كانت عاديه ومابينا مشاكل ، وماكنت اضغط عليها بس هي اختي طبيعي اخاف عليها ، بس بدت طلعاتها تكثر وماترجع الا آخر الليل وابوي الله يرحمه وجدي ماكانوا يقولون لها شي ومحد يحاسبها حتى اخوي الكبير سامي ماكان يقول لها شي وانا بديت بس اسال عنها واشوف وين تروح ووين تجي وهي تعصب وتقول لجدي وجدي يهاوشني ويقول مالك دخل فيها بس انا ماقدرت اتحمل وبيوم من الايام قررت الحقها وصار الي صار
ليان:شوف يا سيف وضعك صعب جدا خصوصا ان اختك ومرت عمك شهدوا ضدك بالمحكمه ، بس في شي ممكن يساعدنا
سيف باستغراب: وشنو هالشي!
ليان: بقابلهم واقولهم وبشوف وش يرضيهم ويتنازلون عنك
سيف بغضب: لا لا لا مابي منهم شي ولا ابيهم يتنازلون عني
ليان : طيب هدي هدي وتعوذ من بليس ، اسمعني هالشي عشانك تبي تضيع عمرك كله بالسجن، وفكر بامك وسلطان الي سنين يركض ورا قضيتك عشان يطلعك من هالمكان
سيف: صدقيني ماراح يتنازلون وخصوصا عمي
ليان: لا تحاتي خلها علي ، خذ اكتب لي العنوان وخل الباقي علي
سيف : على خير
اخذ سيف الورقه والقلم وكتب لها العنوان
و قام سيف ورجع للسجن وقال له خالد
خالد: وين كنت
سيف: جتني محاميه ، سلطان كلمها وبتشوف موضوعي
خالد بفرح: صدققق الحمدالله الحمدالله جاك الفرج
سيف ابتسم: تهقى راح تطلعني؟
خالد: ان شاء الله لا تحاتي
سيف: هي قالت خلها علي ولما قالتها حسيتها واثقه بنفسها
خالد: ان شاء الله بتحلها وتطلع من هنا
سيف: وش رايك اخليها تشوف موضوعك
خالد : لا وش يطلعني وبيني وبينك خلني هنا ازين ، وبعدين حتى عيالي ما يبوني ، تدري امهم غسلت مخهم وقالت لهم ابوكم يضربني
سيف: خلها حسبي الله عليها ، وش تبي فيهم اطلع وعيش حياتك
خالد: الله كريم
جلس سيف وهو يفكر بالموضوع ويقلبه براسه
