لا تنسون تصلون على النبي:
الصبح في بيت الجد عقاب:
نزل ابراهيم يفطر تحت مع امه وجده وجدته
ابراهيم لاحظ جده ما ياكل ويناظر الاكل
ابراهيم: جدي
الجد عقاب: خير
ابراهيم: علامك ما تاكل؟
الجد عقاب: مالي نفس
نزل سامي : صباح الخير
الكل ماعدا ابراهيم: صباح النور
سامي: علامك ما ترد يا استاذ ابراهيم
ابراهيم قام: عن اذنكم
سامي: وين وين؟
ابراهيم تنهد : مالك دخل
سامي بغضب: خير خير، ما اسمع
ابراهيم: سامي مب فاضي لك طيب؟
سامي بغضب: اقول احترم نفسك انا اخوك الكبير ، جدي ترى ابراهيم فتح له محل وعصى امرك وكلامك
ابراهيم توسعت عيونه بصدمه كيف عرف ومتى!؟
الجد عقاب عقد حواجبه: هالكلام صحيح يا ابراهيم
ابراهيم بلع ريقه بخوف : اي
سامي : شين وقوي عين! صدق انك ما تستحي وشلون تعصي كلام جدك ها!!!
ابراهيم : مالك دخ...
الجد عقاب قاطعهم بغضب : اقطع صوتك انت وياه! عجيب والله ترفعون صوتكم على بعض قدامي ، انت( اشر على ابراهيم) احترم اخوك الكبير ، وانت ( اشر على سامي) مالك دخل باخوك فهمت
سامي: بس يا جدي انت قلت له لا ، وهو راح اشترى له محل واجهزه وعده وخرابيط!!! انا مدري كيف عطيته الفلوس هذا بزر ، مب كفو ورث
الجد عقاب بغضب : خلاص اسكت ، فلوسه وهو حر فيها ، خلاص محد له دخل بالثاني مفهوم
طلع سامي وهو متنرفز من جده واتجه لبيت عمه ودق الباب وفتحت له الشغاله
سامي: وين بابا؟
الشغاله: داخل
سامي: قولي لهم سامي جاء
عمر: من؟
الشغاله: بابا سامي
عمر : خليه يدخل ، يا شيخه ادخلي
شيخه: زين
سامي دخل وشاف عمه وتقدم يبوس راسه
عمر ابتسم: هلا بزوج بنتي هلا والله
سامي بضيق: هلا فيك
عمر: افا ، علامك ضايق
سامي: عمي انا خلاص فعلا ايقنت ان جدي خرف
عمر: ليه وش صار
سامي: تخيل ابراهيموه فتح له محل جوالات
عمر: والله؟
سامي: وجدي ما قال له شي
عمر: قلت لك يا سامي قلت لك بس ما صدقتني
سامي: اهخخخ انا مقهور من ابراهيموه مدري كم دفععع اهخخخ ياقلبي
عمر: طيب اسمعني ، دام ابوي بدا يخرف لازم تخليه يجن زياده
سامي: كيف؟
عمر: تغير امكان ادويته
سامي : وبعدين؟
عمر: بس غيرهم خليه يشك بنفسه وبعدهت انت رح له وقول له يمكنك غيرتهم وانت ناسي عادي وغير اشياء واجد خله فعلا ينسى ويقتنع ان خرف خلاص
سامي: طيب بسيطه جدا وسهالات
عمر: ماوراك شغل؟.
سامي قام: الا الحين ابتوكل ، يلا مع السلامه
عمر : الله معاك
طلع سامي وعمر طلع جواله وارسل لجميله انه بيجي
عمر: يااا شيخه
شيخه جت: سم
عمر: جهزي شنطتي ابروح للشاليه
شيخه : كم ليله بتنام؟
عمر: مدري
شيخه: ابشر
في الفندق :
فتح عيونه بتعب وحس الم بظهره ورقبته بسبب نومته عالكنب ناظر السرير يحسبها موجوده اعتدل وقام واتجه يغسل وانفتح باب الحمام ( وانتوا بكرامه) وطلعت بوجهه وخافت ليان وهو بعد
ليان: بسم الله ، الله يهديك ياسيف خوفتني
سيف وهو دايخ وراسه وجسمه يعورنه و معصب : وانا وش دراني انك داخل
ليان: ماشفتني بالسرير
سيف بغضب : لا ما شفتك ، ابعدي خل اغسل
ابعدت ليان وانصدمت من سيف اول مره يعصب عليها ، حست ودها تصيح ورجعت تنسدح مره ثانيه وغطت نفسها طلع ، طلع سيف وشافها نايمه مره ثانيه وراح يطلب فطور وبعد دقايق وصل
سيف: قومي افطري
ليان ماردت عليه
سيف : قومي
ليان حقرته
سيف عصب واتجه للفراش وسحب الغطا وقال بغضب: ليه تحقريني ، ادري انك تسمعيني ، اخلصي علي قوومي
ليان عدلت جلستها وصرخت: مب على كيفك تعاملني بهالطريقه ، احترم نفسك يا سيف ولاعاد ترفع صوتك علي فهمت
سيف جلس يستوعب الي صار وبعدها قال: اانا اسف
ليان حقرته واتجهت تفطر
سيف بهدوء: ليان اسف
سيف اتجه لها وجلس جمبها: اسف ، مو قصدي اصرخ عليك والله مو قصدي
ليان : حصل خير
سيف: شوفي ليان، صدقيني انفعلت واساسا مصدع وجسمي ورقبتي يعوروني اسف
ليان: محد جبرك تنام عالكنب ! سرير وش كبره تركته ونمت على كنبه صغيره
سيف : ما حبيت اضايقك
ليان: من قال تضايقني بالعكس !، اقصد يعني خلاص انت زوجي ومافيها شي اذا نمت عالسرير عادي
سيف ابتسم: خلاص ابشري ، بس سامحيني اسف والله مو قصدي اصرخ عليك
ليان ابتسمت بخفه: حصل خير
