لا تنسون تصلون على النبي
قراءة ممتعه ❤️
في مركز الشرطه:
الضابط: اعترف وقول كل الي عندك ياسيف احسن لك
سيف: صدقني مالي دخل بالممنوعات
الضابط : اجل وش جابهم عندك
سيف تنهد وقال: انا قبل فتره رحت لمحل ذهب .................
شرح سيف السالفه
سيف: وهذا الي صار
الضابط: سجل المعلومات الي قالها ياشرطي
الشرطي: ابشر
الضابط: اسمعني ياسيف، حنا مجبورين نحبسك على ما نقبض عليهم
سيف بحزن: طيب اقدر ادق على محاميتي؟
الضابط قام وقال: تمام خذ راحتك
سيف: طيب ممكن جوالي ، لاني مب حافظ رقمها
الضابط اعطى سيف الجوال واخذه سيف ودق على ليان
ليان: هلا سيف
سيف بصوت حزين: ليان
ليان حست انه فيه شي : سيف شفيك!!
سيف تنهد: انا بالمخفر
ليان فزت من مكانها بخوف: ليه
سيف: مالي ذنب والله مالي ذنب
ليان: وش صاير! سيف شفيك! خوفتني
سيف : اسمعي انا في مخفر ال.... تعالي واشرح لك كل شي
ليان بخوف: طيب طيب هذاني جايه
طلعت ليان من مكتبها بسرعه واتجهت الى مركز الشرطه
في الفندق:
تجهزوا سلطان وسلمى وكان سلطان يلبس شماغه وبنفس الوقت يدق على سيف لكنه مايرد
سلمى: انا خلصت
سلطان: وانا بعد
سلمى ترددت وبعدين قالت: فيك شي؟
سلطان ابتسم: لا بس احاتي سيف مايرد علي
سلمى: يمكن مشغول بيرد بعدين ان شاء الله
سلطان: ان شاء الله ، يلا مشينا
سلمى: يلا
اخذوا اغراضهم واتجهوا لبيت ابو سلطان
وفي بيت الجد عقاب :
كان جالس في الصاله ويتقهوى ويتكلم بالتلفون
الجد عقاب: هذا احلى خبر سمعته ، لك الحلاوه انت واخوك، اوصلوا بالسلامه ويوصلكم المبلغ الي يسركم ..... ادري فيك ذيب ، والله يانها احلى صدفه صارت ...... انا كنت متاكد انك بتسويها وتدخله السجن مره ثانيه....... بعطي عمر خبر ابدق عليه وابشره .... اهم شي ما يطلع من الحبس مره ثانيه وانت واخوك انتبهوا .......... ادري انكم ذيابه ما ينخاف عليكم ........ مع السلامه مع السلامه
سكر عقاب الخط وهو مبتسم لان الي يبيه يصير
—————————————————————————-
قبل فتره كان عقاب جالس ورن جواله وكان المتصل ( ابو ثنيان)
الجد عقاب: يا هلا ، وينك مختفي
ابو ثنيان: والله اشغال ياعمي ، وشلونك انت وش اخبارك
الجد عقاب: انا بخير دامك بخير. امريني بغيت شي ؟ ناقصك انت واخوك شي
ابو ثنيان: خيرك سابق ياعمي ، لكن ابقولك شي
الجد عقاب: خير
ابو ثنيان: اليوم جاني المحل حفيدك سيف
الجد عقاب عقد حواجبه: سيف! من معه
ابو ثنيان: اي اي سيف ومعه سلطان
الجد عقاب ابتسم بخبث : اجل اسمعني ، خله يجي عندك مره ثانيه
ابر ثنيان: بيجي بيجي ، وبيشتغل عندي
الجد عقاب: حلو حلو، اسمعني ابيك تطيحه بمصيبه ترجعه للحبس مره ثانيه ، واذا طيحته لك شي يسر الخاطر انت واخوك ، ومنها تتخلصون من المحل الي ابتلشتوا فيه
ابو ثنيان: وش اسوي
الجد عقاب: انا اقولك وش تسوي! عيب عليك ، انت ورني وش بتسوي ولك الي تبيه
ابر ثنيان: ابشر
—————————————————————————
نرجع لوقتنا الحالي:
جت الجده مزنه لعقاب وجلست قباله وقالت: من كنت تكلم
الجد عقاب: سيفوه سود الله وجهه فشلنا للمره الثانيه
الجده مزنه بفضول: وش مسوي !
الجد عقاب: صايدينه الشرطه متلبس ومعه ممنوعات سود الله وجهه فشلنا
الجده مزنه: حشى مايسويها سيف
الجد عقاب بغضب: وشلون ما يسويها وهو قاتل ولد عمه ماتبيه يتعاطى ولا يتاجر ممنوعات، وش اقول للعربان والناس ، وش اقول اذا سالوني عنه ، فشلنا الله لا يوفقه
الجده مزنه: الله يهديه
الجد عقاب: خليه لاتدعين له هذا المفروض تدعين عليه الله لايوفقه
الجده مزنه: خلاص ياعقاب ماعلينا منه
الجد عقاب: تدرين انه بيعرس
الجده مزنه: صدق!
الجد عقاب: ايه لكن والله ما يعرس دام راسي يشم الهوا، والله ما اخليه يفرح ويتهنى بحياته
قبل لاتتكلم الجده مزنه جاهم ابراهيم
ابراهيم : سلام عليكم
الجده مزنه: وعليكم السلام
ابراهيم: شدعوا جدي رد السلام
الجد عقاب: لو انت كفو رديت عليك
الجده مزنه: السلام لله ياعقاب
الجد عقاب: وين بتطس
ابراهيم: بطلع
الجد عقاب: انثبر مافيه طلعه
ابراهيم: ليه!
الجد عقاب بحده وغضب : قلتت انثبرر مافيهه طلعهه
ابراهيم: بس...
الجد عقاب قاطعه: ان طلعت من الباب والله ما تعتبه مره ثانيه ، انقلع غرفتك يلا
صعد ابراهيم غرفته فوق وهو متضايق ومعصب
الجده مزنه: الله يهديك ليه ماتخليه يطلع
الجد عقاب: خليه ينثبر بالبيت احسن له من الهياته مع ربعه الي مدري منهم ومدري وين يذلفون
