لا تنسون تصلون على النبي
اعتذر عن التاخير كان عندي اختبارات المهممم
قراءه ممتعه ❤️
في البر :
بعد ما اكلوا راح سيف يجهز الشاهي بالنعناع
انسدح سلطان وقال: عاد الحين شاهي سيف يعدل المزاج
سيف ضحك: تحسسني ما تشرب شاهي
سلطان: الا بس حقك غير ياعمري انت
سيف ضحك: صدق ياقلبي
سلطان: اي حياتي
سيف: دامك تقول لي هالكلام الحلو وش خليت لمرتك
سلطان قام وحذف نعاله على سيف وجت على ظهره وقال سيف : وجععع يا حماار
فز سيف من مكانه وقام سلطان يركض وسيف وراه وقدر يصيده وطيحه عالارض
سلطان: خلاص خلاص ما عيدها والله
سيف وهو ماسكه: لا والله، تبيني اعطيك كف يطيح ملامح وجهك
سلطان: لا لا لا خلاص اخر اخر مره
سيف بعد وهو يضحك وسلطان وراه وقال سيف: عناد ماراح تشرب ولا جغمه من الشاهي
سلطان: لا تكفى خلاص وش يرضيك
سيف: قل انا حمار
سلطان: لا عاد
سيف: وبصوت عالي
سلطان: تخسي
سيف: خلاص اجل مافي شاهي لو تموت
سلطان: عادي ماراح اموت اذا ما شربت
سيف صب الشاهي وراح عند سلطان يشربه
سيف وهو يشفط الشاهي ويناظر سلطان : ياااا سلاااام
سلطان يناظره بطرف عين
سيف وهو يشفط الشاهي بصوت عالي ويستفز سلطان
سلطان: اشرب عدللل علامك ، شايب انت
سيف : اذا تبي تشرب اشرب
سلطان: والله ؟
سيف ضحك: والله
قام سلطان وعلى طول صرخ: انحششش انحشششش
سيف فز: علاامك
سلطان: عقرررب عقرررب
سيف فز: وين وينن
سلطان: انحشششش ياااولدددد
قام سيف من مكانه ويدور العقرب عشان يذبحه ويصرخ يقول ويننن
سلطان طاح بالارض من الضحك على شكل سيف وهو يدور العقرب
وقف سيف يشوف سلطان ميت من الضحك
سيف: لا والله ، تبي اجي ادوس ببطنك
سلطان وهو يضحك: لا تشوف شكلك وانت تدور العقرب
سيف راح له عشان يكفخه وفز سلطان: لا لا لا خلاص خلاص توبه توبه
سيف : اوريك انا
سلطان: طيب ممكن شاهي
سيف ابتسم بخبث : افا عليك انت انسدح وانا اصب لك
سلطان انسدح وقال: جعلني فداااك يابعد قلبي
سيف: افا عليك كم سلطان عندي
راح سيف يصب شاهي لسلطان ولف لسطان الي كان منسدح
سيف بصوت عالي : كم ملعقه سكر تبي
سلطان : حط اصبعك كافي
سيف ضحك : صدق كم
سلطان : وحده
اخذ سيف شويه تراب وحطه بالشاهي وحركه وقدمه لسلطان
قام سلطان : تسلم ايدك
سيف : عافيه
سلطان شفط من الشاهي وتفله
سلطان: سسيفوووه ووجع
سيف مات من الضحك وقام سلطان بعصبيه وسيف فز يركض وسلطان يلحقه وسيف يضحك بقوه ووقف وسلطان دفه عالارض
سيف وهو يضحك: الدنيا دارت بسرعه
سلطان وهو يناظر سيف ميت من الضحك وماقدر يمسك نفسه وضحك ومد ايده لسيف عشان يقومه وسيف ليلحين يضحك وسلطان يضحك معاه واشكالهم فلم وملابسهم كلها تراب
في بيت ابو ليان :
دخلت ليان البيت بعد ما قضت وقت حلو مع دلال
ليان: سلام
ام ليان بضيق: وعليكم السلام
ليان خافت من حال امها وراحت لها بسرعه: شفيك يما
ام ليان: ابوك تعب شوي اليوم
ليان بخوف: بابا شفيههه
ام ليان: ضغطه نازل والسكر بعد
ليان: وينههه
ام ليان: فوق
ليان ركضت فوق وراحت عند ابوها
ليان بخوف : بابا
ابو ليان: هلا حبيبتي
ليان بغصه: بابا حبيبي شفيك
ابو ليان: حبيبتي مافيني شي
ليان نزلت دموعها: شلون مافيك شي وانت وجهك مرا تعبان
ابو ليان: يا حبيبتي مافيني شي صدقيني
ام ليان دخلت وقالت: ليان حبيبتي خلاص خليه يرتاح ولاتصيحين عنده خليه يرتاح
ابو ليان ابتسم بتعب : خليها خليها
ام ليان ابتسمت: طيب ابروح اسوي لك شوربه
ابو ليان : طيب
طلعت ام ليان وخافت من ابو ليان هل راح يقول حق ليان عن مرضه ولا لا، اتجهت ام ليان للمطبخ
ليان: بابا حبيبي خلاص لا تشتغل ، هذي مو اول مره تطيح تعبان
ابو ليان : ياحبيبتي شلون اترك الشغل واجلس بالبيت
ليان: بابا انت تعبان خلاص انت سنين تشتغل
ابو ليان: يا بابا انا بخير لاتشغلين بالك
ليان: اكيد
ابو ليان: اي اكيد
ليان: طيب طلبتك
ابو ليان: عطيتك
ليان: لاتروح للدوام بكرا
ابو ليان ابتسم: تم ، يلا روحي حبيبتي انا بنام
ليان: لا لا ماراح ارتاح الا لما انت تاكل وتنام
ابو ليان: طيب طيب
