اعتذر عن التاخيييرررر❤️
لا تنسون تصلون على النبي
قراءة ممتعه ❤️
في مكتب ليان:
كانت ليان تشرب قهوتها بعد ما اخذت القرار لكن داخلها تردد وخوف كبير واخذت جوالها ودقت على سيف الي كان بالمحل
سيف ابتسم من شاف اسمها ورد: الو
ليان: الو
سيف: هلا استاذه ليان، آمريني
ليان: ما يامر عليك عدو ، كيفك؟
سيف : الحمدالله بخير دامك بخير
ليان: دوم يارب، ممكن اليوم تجينا البيت؟ ابيك ضروري
سيف تذكر الموضوع وقال بتوتر: اا خير صاير شي؟ ابوك فيه شي؟
ليان: لا لا بس ابكلمك ضروري اذا ممكن
سيف: تمام مافي مشكله ، خليني استاذن من مديري واجيكم بعد صلاه المغرب
ليان: تمام
في بيت الجد عقاب :
كان الجد عقاب في مكتبه يتكلم بالجوال
ودخلت عليه ملاك
الجد عقاب: خلاص بعدين اكلمك
ملاك: مشغول
الجد عقاب ابتسم: لا تعالي
ملاك جلست وقالت: ابيك بموضوع
الجد عقاب: آمريني
ملاك: ما يامر عليك عدو، بصراحه ابسافر
الجد عقاب: وين!
ملاك: صدقاتي بيروحون للبحرين ٣ ايام وبخاطري اروح معاهم
الجد عقاب: متى ؟
ملاك: الويكند الجاي
الجد عقاب: تم ، روحي
ملاك بفرح: صدقق
الجد عقاب ابتسم: اي اي ، وبعطيك فلوس بعد
ملاك تقدمت له بفرح وقالت: الله لا يحرمني منك
الجد عقاب ابتسم: ولا منك
في بيت عمر:
كانت شيخه جالسه تتقهوى ودق الباب وفتحت الشغاله وكانت حنان ودخلت حنان وفزت شيخه بفرح تحضنها
شيخه: الحمدالله على السلامه الحمدالله على السلامه
حنان : الله يسلمك
شيخه: شلونك يامي ، شخبارك
حنان: بخير يما بخير، سامي راح للدوام وقلت اجيك
شيخه: زين تسوين ، اشتقت لك ياحبيبتي والله شهر كانها سنه
حنان: هذاني عندك وبجلس عندك طول اليوم
شيخه: حبيبتي انتي ، ايييه قولي لي وين رحتوا وش سويتوا
حنان: بقولك بقولك
بدت حنان تسولف لامها عن سفترها وامها فرحانه لانها واخيرا صارت زوجه سامي
في الديره كانت فاطمه وامها واختها يتجهزون عشان يرجعون لبيتهم في الرياض ، ركبوا مع السواق والخال جمعه وزوجته ودعوهم
وطول الطريق كانت فاطمه تفكر كيف بتعيش مع ضره والي هي حنان حنان صديقتها وحسبه اختها
بعد مرور ساعات وتحديدا في بيت الجد عقاب وصلت فاطمه مع بنتها والكل استقبلها بحب
ام سامي : الحمدالله على السلامه يابنيتي ، شدعوا لاتدقين ولا تسالين
فاطمه ابتسمت: ما عليه يا خالتي انشغلت مع اهلي في الديره مع زمان ما شفتهم
الجده مزنه: مسموحه يابنيتي ، بس ها لا عاد تعودينها ترانا اشتقنا لك ولبنيتك بالحيل
فاطمه: ان شاء الله
سامي دخل : السلام عليكم
الكل : وعليكم السلام
ركضت نوره لسامي : بابا اشتقت لك
سامي ببرود : وانا بعد
دق الجرس وفتحت الشغاله الباب وتجمد سامي من مكانه
شوق : سلام عليكم
الجد عقاب عقد حواجبه وناظر البنت من فوق لتحت كانت بنت جميله حيل وريحه عطرها وبخورها انشرت في المكان كله وكانت لابسه عبايه رماديه وحجابها مو لابسته عدل
الجد عقاب: عليكم السلام، لحظه كاني عرفتك؟ انتي شوق كنتي تشتغلين في شركتنا
شوق ابتسمت: اي صح كنت اشتغل عندكم ، وانا الحين زوجه ولدكم سامي
الجد عقاب بغضب: وش تخربطين انتي وش تقولين
دخلت حنان البيت وشوق ناظرتها واشرت عليها : هذي الي ماخذها علي ؟
الجد عقاب : وش صاير تكلمي
شوق طلعت عقد الزواج من شنطتها ومدته للجد عقاب: تفضل
اخذ الجد عقاب العقد وجلس يقراه وقال: هالكلام صحيح يا سامي
شوق: صحيح ، وعلى فكره انا حامل بالشهر الاول تفضل هذا السونار ، حنا متزوجين لنا٣ سنوات
الجد عقاب : هالكلام صحيح ياسامي ولا لا جااوب
سامي بلع ريقه: صحيح
الجده مزنه: ودامه صحيح ، ليه خبيت زواجك منها
سامي سكت وماقال شي
الجد عقاب تقدم لسامي : ماترد ، جدتك تسالك ليه خبيت زواجك منها
سامي: وليه اتكلم؟ وليه اقول ، اساسا انا سكت عشان ما احرجها ولا احرجكم مع اهلها هالشي لصالحها وانا كان بامكاني اني اقول اني متزوج عليها محد حاس فيني ....
ام سامي: خلاص اسكت اسكتتت
شوق جلست وحطت رجل على رجل وقالت للشغاله: ودي اغراضي لجناح سامي
اخذت الشغاله اغراض شوق وسامي تقدم لشوق وقال لها : امشي معي
شوق : هو سامي شفيك، تو الناس خلنا نجلس مع اهلك ، ابغى اتعرف عليهم
ملاك همست لامها: والله جت الي بتسوي اكشن في البيت
ام سامي ضربتها بخفه: انطمي
سامي شد على اسنانه : قلت لك امشي
شوق ضحكت: طيب طيب هدي حبيبي شفيك
قامت شوق وسحبها سامي لجناحه وصعدت فاطمه فوق وحنان وراها
دخلت فاطمه لغرفتها وكان سامي مع شوق في غرفه ثانيه
سامي: انتي انهبلتي!؟ كيف تجين وتدرعمين كذا وبدون ما تعطيني خبر
شوق: لااا والله وانت عطيتني خبر انك بتتزوج علي! وفوق ذاا ماخذ حنان الي تحب اخوك
سامي : اسككتييي ولاعاد تجيبين طاريه فههمتي
شوق: اسمعني زين يا سامي لاترفع صوتك علي ولا صدقني والله ثم والله اوديك ورا الشمس وانت عارف قصدي ، والاثباتات والاوراق كلها عندي
سامي خاف وقال: يااا حبيبتي انتي ، اسف صدقيني مب قصدي ارفع صوتي عليك انتي الي حديتيني وبعدين انا سامي حبيبك وابو ولدك ان شاء الله ، يهون عليك انسجن؟
شوق جلست على السرير: لا ما يهون علي، بس قهرتني انا تتزوج علي يا سامي؟!
سامي جلس على ركبته قدامها: افا بس، على فكره انا تزوجت مو عشانها حلوه ولا عشان شي، انا تزوجتها عشان فلوسها واسهمها الي بشركه جدي
شوق : وانت ما تشبع
سامي : وكل هذا لمن؟ ها
شوق: لي؟
سامي ابتسم: اكيد لك وللي في بطنك
شوق ابتسمت: ويلوموني بحبك
سامي: الله يهديك بس خوفتيني ، المهم خليني اروح لجدي انا وارجع لك
نزل سامي وقالت له امه جدك ينتظرك في مكتبه واتجه سامي لمكتب جده ودق الباب ودخل
الجد عقاب: تعال تعال اجلس
جلس سامي وقال الجد عقاب: ليه ما قلت لي انك متزوج ، وليه تزوجت بدون ما تشاورني وتعطيني خبر
سامي: ياجدي صدقني كنت بقولك ، بس ترددت كثير وخفت انك ترفض هالفكره
الجد عقاب ابتسم: ومن قالك برفض هالفكره، بالعكس انا مثلت الغضب بس قدامهم، انت رجال والنعم فيك ومعروف ومقتدر وكل الناس يبغون يناسبونك
سامي بفرح: يعني ما زعلت مني
الجد عقاب ابتسم: لا
فز سامي بفرح وتقدم يبوس راس جده
