لاتنسون تصلون على النبي
في دوره الرسم :
خلصوا اصايل وفيصل الدوره وطلعوا من المكان
فيصل ابتسم: شكرا على الدعوه
اصايل: العفو ما سويت شي ، في كوفي قريب من هنا ، شرايك نجلس
فيصل تردد بس ما حب يردها : وين؟
اصايل اشرت: هنا
فيصل: يلا
اتجهوا فيصل واصايل للكوفي وجلسوا
اصايل/ وش حابب تشرب؟
فيصل: على ذوقك
اصايل: تم
راحت اصايل تطلب ٢ امريكانو واستلمت الطلب وراحت للطاوله وجلست
اصايل مدت القهوه لفيصل: تفضل
فيصل ابتسم: مشكوره، راح ارد لك العزيمه المره الجايه
اصايل ابتسمت: ان شاء الله ، الا ممكن اسالك؟
فيصل اخذ رشفه من القهوه وقال: تفضلي
اصايل: الحين انت تحب الفضاء والرسم صح؟
فيصل: ايوه
اصايل: ووش تخصصت ؟
فيصل ابتسم: ولو اقولك اني تخصصت بشي ماله علاقه بالاثنين
اصايل: صدق؟ وش تخصصت ؟
فيصل ضحك: محاسبه
اصايل ضحكت بصدمه: محاسبه ! كيف وليه؟
فيصل: تقدرين تقولين ضحيت بالاشياء الي احبها عشان ابوي وجدي طلبوا مني اتخصص محاسبه عشان اشتغل بشركه جدي
اصايل ابتسمت: حلو انك ضحيت بشي تحبه عشان اهلك
فيصل: وانتي؟
اصايل: انا تخرجت من كليه التربيه ، تخصص تربيه فنيه واشتغلت مدرسه لمده سنه بس بعدها طلعت لان حسيت اني مقيده وما اسوي الشي الي انا ابيه ، يعني كان في منهج واشياء محدوده لازم امشي عليها ، طلعت من مهنه التدريس وفتحت لي ورشه وحساب وابيع رسوماتي والحمدالله انا جدا مرتاحه بشغلي واسافر لدورات واقابل فنانين عالميين ومتوفقه بشغلي
فيصل ابتسم : الحمدالله ومنها للاعلى يارب
اصايل : امين
في بيت العمه حصه :
راشد : يما كلمتي امها ولا لا
العمه حصه: يوووه يا راشد تراك ازعجتني بعدني ماقررت ولا قلت لابوك واخوك لا تحن فوق راسي خلاص عاد
راشد: بس يما
العمه حصه بغضب : خلاص ياراشد قلنا اصبر
راشد بضيق : طيب
في المستشفى:
كانوا متجمعين وطلع الدكتور
الجد عقاب: طمنا يادكتور
الدكتور: الحمدالله ، هي بخير بس الي صار لها نتيجه صدمه او شي خوفها عشان كذا تحتاج عنايه وراحه
سامي: نقدر نشوفها؟
الدكتور/ تقول تبي تشوف سيف
سامي: سيف مب موجود انا ولدها الكبير
سيف : انا موجود
الكل انصدم من وجوده والي يعرفونه انه بالسجن
ملاك: انت وش جايبك، بسببك امي طاحت
سيف: بشوفها
سامي: ومن بيسمح لك تشوفها
الجد عقاب: خلاص انت وياه ، مشكور يادكتور الحين سيف يشوفها
راح الدكتور وقال الجد عقاب بغضب : اسمعني انت وياه انا موجود احترموني فهمتوا ولا لا
ملاك بصوت عالي: خلووه يروح هذا قاتل ومريض نفسي كيف طلع!!!
سيف: طلعت وانتهى الموضوع ، والي ورطوني انسجنوا
ملاك:خلوووه يروووح بسبببههه امي تعبتتت
الجده مزنه: اص وقص انطمي ولا ترفعين صوتك
ابراهيم بحده: ملاك احترمي نفسك خلاص عاد تراك زودتيها
ملاك: انت مالك دخل
سيف: ابراهيم
ابراهيم مارد وخاف من جده يهاوشه
سيف : تعال
ابراهيم ناظر جده وقال سيف: تعال يا ابراهيم
اتجه ابراهيم لسيف ودخلوا لام سامي سوا
ام سامي بتعبت: سيف!
سيف تقدم يبوس راسها وايدها: الحمدالله على السلامه يا حلوه اللبن
ام سامي : الله يسلمك يا حبيبي ، وش صار عليك كيف انسجنت
ابراهيم: وش صار يا سيف
سيف : الي صار...........
شرح لهم السالفه بالتفصيل
سيف: والحين قبضوا عليهم وانا طلعت
ام سامي بكت: الف الحمدالله على السلامه يا حبيبي
سيف: افاا ليه ليه تبكين ياقلبي انتي ، امسحي دموعك يلا ، وانت
ابراهيم: سم
سيف ابتسم وتقدم يحظنه: تراني اشتقت لك
ابراهيم ضحك: وانا بعد
سيف: يلا يما انتي ارتاحي
ام سامي: وين!
سيف: بروح لعمي ابو ليان، نسيتي موضوع زواجي انا وليان! البنت منتظرتني وابوها بعد ، لازم اعتذر منه لاني اختفيت ولا كلمته ولا زرته
ابراهيم: قول لهم انك مسافر او مشغول
سيف : هذا الي بيصير ، ابوها شخص طيب ويحبني ، يلا يا حلوه اللبن توصين بشي!
ام سامي: لا حبيبي، انتبه لنفسك
سيف: انتبه لها
ابراهيم: ابشر
طلع سيف من الغرفه وهو متجاهل الكل ولحقته الجده مزنه
الجده مزنه: ياولد محمد
سيف وقف في مكانه وجمد
الجده مزنه قربت منه والتفت لها
سيف: سمي
الجده مزنه طلعت ورقه من شنطتها واعطتها لسيف: خذ
سيف: وش ذا
الجده مزنه تنهدت: هذا نصيبك من ورث ابوك الله يرحمه ، هذا الشيك حقك خذه وسو فيه الي تبيه
سيف: ومن وين لك الشيك هذا!
الجده مزنه: جدك عقاب حول نصيبك لي، وانا برجعه لك ، وراك زواج ومسؤوليه
سيف اخذ الشيك: مسرع ما انتشر خبر زواجي
الجده مزنه: نصيبك ورجع لك ، لا تقرب من عايلتنا يا سيف
سيف: نسيتوا شي ثاني ما رجعتوه لي
الجده مزنه: وش هالشي؟
سيف: اسهمي ،
سامي: اي اسهم !؟
سيف: اسهمي الي بشركه جدي يا استاذ سامي
الجده مزنه: سامي، وش جايبك
سيف: لا خليه ، خل يسمع الي ابقوله ، انا اطالب باسهمي الي خذيتوها مني ، انا لي حق مثل ما انتوا لكم حق بالاسهم
سامي ابتسم بستهزاء: اي اسهم تتكلم عنهم! انت طلعت من السجن مقابل تنازلك عن الاسهم والورث
سيف: صحيح، بس الحين الوضع تغير، ووراي زواج وسفر ولا بس انت الي تتزوج وتسافر وتسوي الي تبيه وانا لا!
سامي: نجوم السماء اقرب لك . انسى انك تاخذ سهم واحد من الاسهم اسهمك عند عمي وقريب باخذ نصهم
سيف ابتسم : اي صح نسيت انك حرامي
سامي بغضب: اقول احترم نفسك
سيف ضحى: وشفيك زعلت اهدى ، ولا الحقيقه ينزعل منها؟ افا ياسامي الحين الحقيقه صارت تزعل؟ ولا نسيت انك سرقت صاحب عمرك يوسف ؟ وقلت له ندخل شراكه وخليته يدفع ملايين وبعدها قلت المشروع فشل وسرقت كل فلوسه الي دفعها؟
سامي تقدم بيضرب سيف بس قبل لا يضربه وقفته الجده مزنه
الجده مزنه: ساميييي ، تمد ايدك على اخوك وانا واقفه يالي ما تستحي !
سامي بغضب: لا والله! ماسمعتيه وش يقول! انا حرامي!!!
الجده مزنه: خلااص اسكت ، وانت توكل يلا توكل
سيف ابتسم: شفت هذي الورقه؟! ، هذي فيها نصيبي من ورث ابوي كله ، كلها فتره وبصير اقوا منكم كلكم ، راح ادمركم وشفت شركتكم هذي ؟ راح انهيها
طلع سيف من المستشفى وهو مبتسم وواثق من كلامه وتاكد انه رفع ضغط سامي وهذا الي يبيه
سامي: من وين له الشيك!!! من اعطاه!
الجده مزنه: انا
سامي: انتي!!! متى وكيف!
الجده مزنه: ايه انا ، اسمعني زين يا سامي اهجد واعقل احسن لك فهمت
—————————————————————————
قبل يوم :
دخلت الجده مزنه على الجد عقاب الغرفه عشان تنام
الجده مزنه: عقاب! ساعه١١ ونص مانمت
الجد عقاب: لا
الجده مزنه: علامك!
الحد عقاب: ضايقه فيني الدنيا ، انا مب خير
الجده مزنه: اسم الله عليك
عقاب اخذ الورقه من الدرج الي عند راسه واعطاه للجده مزنه
الجد عقاب: خذي
الجده مزنه: وش ذا
الجد عقاب: بكرا سيف بيطلع من السجن وابيك تعطينه له
الجده مزنه تمثل الغضب: لا والله مابيه ولا ابي اشوفه لا اسمع صوته
الجد عقاب: يا مزنه ادري انك تحبينه ماله داعي الغضب والتمثيل ، هذا الشيك فيه نصيبه من ورث محمد الله يرحمه
الجده مزنه: انت مسخن ولا مريض ولا وش فيك
الجد عقاب: لا
الجده مزنه: انت تحبه؟
الجد عقاب تنهد وماقال شي
الجده مزنه: كابر كابر ياعقاب ونشوف اخرتها ، الله يهديك ويلين قلبك وابشر بكرا ابعطيه
————————————————————————-
في بيت ابو ليان:
وصل سيف ودق الجرس وفتحت ليان الباب وانصدمت
ليان بصدمه وفرحه نفس الوقت: سيف
سيف ابتسم: سلام
ليان: متى طلعت!
سيف: اليوم
ليان بفرح/ الحمدالله الحمدالله ، حياك! ، امي طالعه وبابا فوق تعال
دخل سيف وليان طايره من الفرحه وصعدوا فوق واتجهوا لغرفه ابو ليان
ليان: بابا معي سيف
ابو ليان: خليه يتفضل
سيف ابتسم: السلام عليكم
ابو ليان ابتسم: وعليكم السلام ، لا لا تراني زعلان عليك بالحيل
سيف تقدم يبوس راسه: ادري والله ياعمي وش اسوي كنت مشغول شوي وسافرت للبحرين
ابو ليان: تبيني ارضى ؟
سيف: اكيد
ابو ليان: اجل طلبتك
سيف بدون تردد: عطيتك
ابو ليان: ملكتكم بعد اسبوع
سيف ناظر ليان: انا ماعندي مشكله بس ليان!؟
ليان حست بحراره واحراج : احم، انا عادي انا مااعندي مشكله
ابو ليان: خلاص اجل على خير ، ايوه يا سيف قول لي كيف الشغل في محل الذهب
سيف : طلعت امس
ابو ليان: افا ليه
سيف: مادري حسيت اني مب مرتاح كثير ، بشوف لي شغله ثانيه
دخلت ام ليان البيت والشغاله قالت لها ان سيف موجود وصعدت ودخلت الغرفه
ام ليان : سلام
الكل : وعليكم السلام
ام ليان: عدنان ما نمت؟
ابو ليان: لا ،توني صاحي وبعدين سيف عندي ليه انام؟
ام ليان: ايه سيف ، شلونك
سيف ابتسم: بخير طال عمرك
ام ليان : الا صدق بسالك ، وين كنت مختفي
سيف: مسافر
ام ليان: وين!!
سيف: البحرين
ام ليان: ليه!
ابو ليان تنحنح وسكتت ام ليان
ام ليان: خل اروح اسوي قهوه
طلعت ام ليان من الغرفه وقالت لنفسها( كذاب ونصاب ، مسافر اجل ها والله لو يدري عدنان انك كذاب وكنت بالسجن وكذبت علينا كلنا والله ما يخليك تجي هنا مره ثانيه ، وانا وش دخلني فيك، خليني ساكته احسن ، هين حسابي معاك بعدين)
