لاتنسون تصلون على النبي
طبعا هذا البارت كتبته من زمان وقررت انزله والحمدالله اختباري كان تمام التمام
قراءة ممتعه❤️
ليان تنهدت: اسمعني، طلبوا انك تتنازل عن اسهمك الي بشركه جدك
سيف بصدمه: اتنازلها لمن!
ليان: لعمك ، وطلبوا انك تتنازل عن ورث ابوك وماتاخذ منه ولا شي وماتزورهم ولا يزورونك ولا تشوفهم ولا يشوفونك وما تتواصل مع اي احد فيهم وما تجيهم البيت ، ولا تطلب منهم اي شي
سيف بغضب : اجل اطلع من السجن وش اسوي! وين اروح ، كيف اعيش يبوني اصير مشرد
ليان: اسمعني يا سيف القرار قرارك وانا معاك باي قرار بتاخذه
سيف: هذي اكيد فكره عمي
ليان: ايه فكرته
سيف فكر وابتسم: دام يبونها كذا انا موافق
ليان : وش بتسوي
سيف: ماعليك ، هم يبونها تحدي
ليان: يا سيف لا تسوي مشاكل عشان ما ترجع السجن
سيف: قولي لهم موافق على كل شروطكم
ليان: تمام ، انا الليله اروح لهم واعطيهم خبر
قامت ليان وقام سيف وهم مبتسم ورجع سيف للحبس وشاف خالد وقاله السالفه
خالد بصدمه: منجدهم!!! ، كيف بتعيش لا فلوس ولا بيت ولا شي
سيف ابتسم: هم يبوني اطلع عشان يذلوني
خالد: وش بتسوي
سيف : خل اطلع ويصير خير
خالد : الله يستر
سيف ابتسم وهو يدري بخبث جده وعمه وناوي يتحداهم ويشوف اخرتها معاهم
وعند ليان الي وصلت مكتبها ورن جوالها:
ليان: هلا يما
ام لين: ماعطيتيني خبر!
ليان: لا يما ماقدر اجي عندي شغل
ام ليان: الله يعينك يا حبيبتي، يلا مع السلامه
ليان: مع السلامه
بعد مرور ساعات باليل تحديدا الساعه ٧ في بيت الجد عقاب:
ابراهيم: جدي
عقاب: خير
ابراهيم: الحرمه الي جت ذيك المره جت مره ثانيه
عقاب: منهي
ابراهيم: المحاميه
عقاب : اي اي زين خلها تروح للمجلس وروح بيت عمك وقوله يجي
ابراهيم: ابشر
اتجه ابراهيم لبيت عمر وفيصل فتح له الباب
فيصل: هلا هلا حياك يا ولد العم
ابراهيم ابتسم: الله يحيك ، جدي يبي ابوك
فيصل: ابشر الحين اناديه لك، حياك تعال تقهوى
ابراهيم: مره ثانيه ان شاء الله ، يلا مع السلامه
فيصل ابتسم: بحفظ الرحمن
عمر: من
فيصل:ابراهيم جاي يقول جدي يبيك
عمر : زين زين ، يلا انا ماشي وماراح ارجع الا متاخر معزوم على العشاء
شيخه ( ام فيصل) : الله معاك
شيخه: وش يبي فيه !
فيصل: وش دراني يما
شيخه: زين زين
عند عقاب وعمر وليان
ليان: انا اسفه جايتكم من غير موعد
عقاب: لا حياك البيت بيتك وتجين باي وقت
ليان ابتسمت وقال عمر: ايوه وش صار!
ليان: وافق
عقاب: صدق!
ليان: اي
عمر ابتسم: خير خير ان شاء الله ، خلاص خليه يطلع
ليان: لازم تجي معاي بكرا ونخلص الموضوع
عمر: تم
ليان: يلا عن اذنكم
عقاب : مع السلامه ، اسمعني يا عمر جهز الاوراق وخلي المحامي يضبط الموضوع
عمر: ابشر
عقاب: مانبي نشوف وجهه فهمت، خل المحامي يخلص موضوع الاوراق والاسهم ويحول الاسهم لك
عمر: لي!
عقاب ابتسم : اي اي لك وحقه من ورث محمد نص لك ونص لي
عمر ابتسم: ابشر
