طبعا اخيرا خلصت اختبارات وابشركم نجحت الحمدالله المهم ما اطول عليكم
لا تنسون تصلون على النبي
قراءة ممتعه❤️
وفي بيت الجد عقاب :
كان الجد عقاب يتقهوى ودخل ابراهيم وهو منهلك من الفراره والتنظيف
ابراهيم: السلام عليكم
الكل: وعليكم السلام
الجد عقاب: انت وينك ها ، دقيت عليك ماترد
ابراهيم ضرب راسه بخفه: يوووه جوالي كان طافي
الجد عقاب بغضب: وينك انت وينك
ابراهيم بتوتر: كنت بالسينما
الجد عقاب قام : زين زين ، اوريك انا بعدين
الجده مزنه: وين رايح
الجد عقاب: ابروح مكتبي
راح الجد عقاب لمكتبه وجلس ابراهيم : علامه
الجده مزنه: وش دراني عنه ، جدك ماتعرفه؟ كله معصب خله الله يهديه
ابراهيم: ان شاء الله ؟ مافي اخبار عن سامي
ام سامي: هو قال الطياره تقريبا ٦ ساعات و ٥٥ دقيقه، يعني ٧ ساعات تقريبا
الجده مزنه: هم وين راحوا؟
ام سامي: قال بياخذون جوله في اوروبا ، اول شي فرنسا وبعدين بياخذون جوله في اوروبا
ام مزنه: ياويلي وش حادهم يروحون ذيك الديار؟ خل ياخذون جوله في دول الخليج ازين، عالاقل اقرب مب اخر الدنيا
ابراهيم ضحك: وش دعوا يا مزنه ، انتي وجدي ما بقى دوله ما رحتوا لها
الجده مزنه: هذاك قبل ، لما جدك كان عنده شغل يا ملقوف
ام سامي: والله مادري عنه ياخالتي ، انا احاتي فاطمه المسكينه، راحت للديره وانقطعت اخبارها
ابراهيم: من حقها الله يلوم الي يلومها ، فوق ما ان تزوج خطيبه اخوه وفوق ذا سافر وشهر بعد
الجده مزنه بغضب: اسكت انت اسكت ، وش تخربط ؟ ها وش تخربط لا عااد اشوفك تقول خطيبه اخوه فهمت انت ماعندك اخو غير سامي
ابراهيم : ياجده ...
الجده مزنه قامت اتجهت لغرفتها وقالت ام سامي: شفيك انت ماتعرف تسكت
ابراهيم: هذا الصدق يما
ام سامي: الا سيف وينه؟
ابراهيم : يما شفيك سلطان قال طلعوا للبر واكيد ماعندهم شبكه
ام سامي: اي اي صح نسيت ، بس من امس هم هناك
رن جوال ابراهيم وكان سيف المتصل
ابراهيم : الطيب عند ذكره، الو
سيف: هلا برهوم اخبارك
ابراهيم: هلا والله ، الحمدالله انت شخبارك ، كيف البر
سيف: الحمدالله بخير ياحبيبي انت ، والله صدق فاتك الاكشن الي بالبر عاد المره الجايه لازم تجي معنا
ابراهيم : ابشررر ما طلبت شي ، الوالده تسال عنك
سيف: عطني اياها فديتها
ابراهيم: افا جحدتني
سيف ضحك: عطني عطني اياها
ابراهيم ضحك: طيب بس ها بكرا لازم اشوفك
سيف : ان شاء الله
ابراهيم: هاك يما سيف بيكلمك
ام سامي : عطني عطني ، الو هلا يما سيف هلا حبيبي وش دعوا ما تقول امي ولا تسال عني
سيف : افااا اخسي ما اسال عنك ، ماعليه سامحيني ، سلطان ما تركني ابد
ام سامي ابتسمت: ادري فيه سلطان ما يقصر ، المهم اخبارك يا امي شلونك وش مسوي
سيف: الحمدالله انا بخير ، انتي كيفك يا حلوه اللبن
ام سامي: الحمدالله انا بخير يا حبيبي ، اليوم بجي لخالتك ، خلني اشوفك عاد
سيف : ابشري
ام سامي: يلا حبيبي ، بحفظ الرحمن
سيف: مع السلامه
ام سامي: خذ جوالك
ابراهيم: وش دعوا يا حلوه عطينا وجهه، ايه سيفوه ماخذ قلبك
ام سامي قامت وقالت: اترك عنك هالحركات، انا ابروح غرفتي
ابراهيم ضحك: طيب ابشري ، الا ملاكوه وينها
ام سامي: وش دراني عن اختك ، سيارتها وين؟ برا؟
ابراهيم:لا
ام سامي: خلاص اجل يا عبقري دام سيارتها مب هنا طبيعي انها برا البيت ، يلا ابروح انام تصبح على خير
ابراهيم ابتسم: وانتي من اهله
صعدت ام سامي لغفرتها ودخلت ملاك مستانسه وقال ابراهيم : وين كنتي
ملاك تاففت: مالك دخل ، وبعدين انا اكبر منك فهمت
ابراهيم: تراك اكبر مني بسنه لاتصدقين نفسك واجد ، وسالتك سوال جاوبي ، وين كنتي
ملاك صرخت: قلت لكك مالكك دخل فهمتتت، انا ما صدقت افتك من سييف تجي انتتت
ابراهيم سحبها من ايدها وقال: سيف لا تجيبين طاااريه فهمتي ، انتي السببب بالي صار فيههه وبعدين كم مره قايل لك لا تلبسين الحجااب كذااا ، لبسيه عدلللل
ملاك : ماالك دخل
سمع عقاب الصراخ ونزل : ابراهيم وجععع نزل ايدكك
ملاك ركضت ورا جدها وقالت: هذي مو اول مره يمد ايده علي
ابراهيم بغضب : لا تكذبين
الجد عقاب بغضب: انطممم ، كممم مره قايل لك مالك دخل فيها ولا تمد ايدك عليها هااا كم مره قلت لك ها كم مره قلتت لكك ما تفهم انت
ابراهيم: يا جدي سالتها وين كنتي وماجاوبت، ابفهم وين كانت ليه ما ردت علي تقول مالك دخل
الجد عقاب: وهي صادقه مالك دخل
ملاك: شوفها كيف مو لابسه حجابها عدل
الجد عقاب: ماالك دخل وانقلع غرفتك يلا يلااا
صعد ابراهيم غرفته لان وهو مقهور بسبب جده الي مو معطيه قيمه وكله مهاوشه وعند الجده مزنه الي نزلت دموعها بسبب سيف هي تحبه تموت عليه لان سيف طيب وحنون جدا وكان اقرب واحد لها وهي تدري ان سيف مستحيل ياذي احد ومتاكده انه بريء بس قلبها محروق على عقاب ولد عمر راحت عند الدولاب وفتحته وكان في خرنه حطت الرقم السري واخذت الصوره ، صوره سيف مع محمد وعقاب ومزنه لما تخرج من الثانوي جلست تناظر الصوره وتناظر ابتسامته ، مزنه وصل لها خبر ان سيف طلع من السجن وودها تشوفه وبنفس الوقت ماودها ماتقدر تحدد مشاعرها
