لاتنسون تصلون على النبي
قراءة ممتعه ❤️
دخل سيف المستشفى واتجه الى غرفه جدته والكل كان يناظره ومسكه عمر من ذراعه بقوه وقال : لك دقيقتين
سيف سحب ايده وتجاهل عمر ودخل ، ورن جوال عمر وكانت جميله
عمر ابتعد ورد : الو
جميله بغضب: انت وينك ، يومين مختفي ولا تدري عني
عمر: ياقلبي كنت مشغول ما عليه ، والحين امي تعبت
جميله: طيب عالاقل دق علي تطمن!!!
عمر: خلاص ولا يهمك اليوم اجي
جميله: مابي
عمر: طيب وش يرضيك
جميله: ولا شي
عمر ابتسم: انا اعرف وش يرضيك ، الليله اجي
جميله: زين
عمر: مع السلامه
جميله: باي
جت شيخه عنده وقالت: من تكلم
عمر بغضب: مالك دخل ، وخلي الشغاله تجهز شنطتي ، الليله بسافر
شيخه: مع من ، وليه بتسافر ؟!
عمر تقد حواجبه وقال بغضب : قلتت لك مالك دخل وسمعي الكلام الي قلته اخلصي علي ، وبعدين ماله داعي وجودنا هنا يلا عالبيت
شيخه : طيب لاتعصب
راح عمر وجت حنان وقالت: يما شفيك متضايقه، وشفيه ابوي معصب
شيخه: ابوك متغير، كل ما قلت له وين رايح قال مالك دخل وفجاه بيسافر
حنان: متى؟!
شيخه: الليله
حنان : طيب يمكن شغل
شيخه: مادري قلبي ناغزني
حنان : ماعليه يا يمه لا تشيلين هم ، يلا خلينا نروح البيت
شيخه: الا وين النطيحه والمترديه
حنان: من!
شيخه: شوق وفاطمه
حنان: رجعوا مع سامي ، وانا بجي معك انتي وبابا
شيخه: انتي هبله! كيف تتركينه معاهم
حنان قالت لنفسها( من زينه عشان اروح معاه)
حنان: يما قلت برجع معاكم يلا
شيخه : زين يلا
الكل رجع للبيت الا ابراهيم وطبعا جده جلس يهدده ويتوعد فيه
دخل سيف الغرفه واتجه لجدته
سيف ابتسم وماسك دموعه و تقدم يبوس راسها : الحمدالله على السلامه
الجده مزنه بتعب: الله يسلمك
سيف: امريني بغيتيني
الجده مزنه: اي ، اسمعني ياولد محمد ، انت طلعت من السجن والحمدالله على سلامتك ، الي ابقوله لك ابيك تحطه ببالك وما تنساه، اسمعني زين مابيك تقرب مننا ولا من حنان ، حنان خلاص اعرست واخذت اخوك وهي الحين زوجته وشرفه وعرضه ، مابيك تسوي مشاكل ولا تسبب لنا قلق ولا تفسد راحتنا
سيف بحزن: الحين انا الي صرت افسد راحتكم
الجده مزنه: لا تقاطعني ما خلصت كلامي ، بيتي ما ابيك تطبه ولا تقرب منه انت طلعت من السجن باتفاق مع جدك وعمك ولا تخرب هالاتفاق ، والحين رح والله يوفقك ويستر عليك
طلع سيف بحزن والجده مزنه نزلت دموعها وماكانت مقتنعه بكلامها لكنها قالته عشان عقاب وعمر ما ياذونه
ابراهيم: وش صار
سيف: تكفى ابراهيم لاتكلمني ولا اكلمك
ابراهيم بغضب: وش فيك؟! علامك قلبت علي
سيف : مافيني شي
سيف طلع من المستشفى وجا سلطان
سلطان: سلام عليكم ، علامه ذا طاير
ابراهيم: اندري عنه
سلطان: كيف خالتي مزنه؟
ابراهيم: الدكتور قال انها بخير وتحتاج ترتاح
سلطان: الحمدالله
ابراهيم: ما قلت لك وش صار...........
وقال له السالفه وسلطان تعجب وانصدم
سلطان: اوف! لاحول ولاقوة الا بالله ، طيب وش صار بينها وبين سيف؟
ابراهيم: طلع متضايق ، ودي ادخل عندها بس ماتبي احد ، المهم انا رايح للمحل
سلطان: طيب ، انتبه للطريق
ابراهيم: ابشر ، سلم عالاهل
سلطان: يوصل ، يلا مع السلامة
ابراهيم: مع السلامه
