لا تنسون تصلون على النبي
قراءه ممتعه ❤️
بعد مرور ٢٤ ساعه
في قطر :
صحوا الصبح ينزلون للفطور ، كل واحد حط في صحنه الاكل الي يبيه وجلسوا في طاوله عند الشباك
سلطان وهو ياكل : اهلك شخبارهم
سلمى وهي تحط كاسه الشاهي على الطاوله: الحمدالله ، امي كلمتي قبل لا ننزل
سلطان ابتسم: الحمدلله
سلمى: اقولك سيف ماكلمك!؟ غريبه مالهم حس بالعاده يدق عليك
سلطان : والله مادري ، انا مع الفندق والمطار والطياره نسيت ، شكلهم نايمين، اصايل ماكلمتك؟
ضحكت سلمى ورفعت جوالها توري سلطان: لو طارين مليون ازين
سلطان ضحك: ردي
اصايل: الو
سلمى ضحكت: تونا حاشين فيك انا وسلطان
اصايل : وش تسوون
سلمى: نفطر
اصايل: طيب
سلمى عقدت حواجبها: فيك شي
اصايل: لا يلا باي
سلمى: اصايل شفيك صاير شي؟
اصايل : صدقيني مافي شي يلا باي
سلمى : باي
سلطان: شفيها؟
سلمى: مدري عنها تقول وش تسون وبعدها تقول يلا باي
سلطان: اخاف صاير شي
سلمى: دق على سيف
اخذ سلطان جواله ودق على سيف وحطه باذونه : مغلق
سلمى: اصبر شوي وبعدها دق
سلطان: طيب، المهمم ماقلتي لي وش تبين نسوي اليوم
سلمى ابتسمت: سوق
سلطان ضحك: طيب
في المستشفى، جالس على الكرسي منتظر الدكتور وابراهيم عنده يواسيه ويطبطب عليه، انتشر الخبر بين افراد العايله
، ورفض احد يجيه لكن امه جت تطمنت عليه شوي وراحت وفجاه سمع صوت عالي
ام ليان: بنتي وين بنتي ويننن يالظالم وش سوييت ببنتي
سيف قام من مكانه: بنتك بخير، منتظرينها تطلع من العنايه
ام ليان بصراخ: حسبي الله ونعم الوكيل فيك من دخلت حياتنا ماشفنا يوم حلو ، تزوجت بنتي وابوها مات والحين بنتي كانت بتموت بسببك
ابراهيم بغضب: سيف ماله دخل هذا قضاء الله وقدره مابيدنا شي ، بنتك بخير وسيف الي انقذها
سيف : ابراهيم خلاص
ام ليان ببكاء: والله ماراح اسامحك ، خل تصحى بنتي واشوفها واخليها تتطلق منك حسبي الله ونعم الوكيل فيك حسبي الله عليك
فيصل تقدم لام ليان: يا ام ليان تعوذي من بليس وارتاحي ، بنتك بخير صدقيني
الضابط : سلام عليكم
الكل باستثناء ام ليان الي جالسه وتبكي : وعليكم السلام
الضباط: سيف؟
سيف: انا
الضابط: حبيت ابلغك اننا قبضنا على تركي ، تركي هذا مجرم خطير ومسوي عده جرايم ومن زمان مطلوب ، خصوصا ان يهرب ممنوعات هو وعصابته
سيف: الي ابي اعرفه كيف عرف بمكان مزرعتنا وش دراه ان حنا هناك
الضابط: ماتكلم ولا قال اي شي حاولنا معاه بس للاسف معاند
سيف: يمديني اشوفه؟
الضابط: لازم تاخذ اذن من النيابه
سيف: تمام
الضابط : عن اذنكم
سيف: اسمعوني ، لايكون تقولون لسلطان شي، الرجال مسافر ومابي انكد عليه
ابراهيم: معليك ماراح نقول شي
فيصل: وش عندك بتقابل تركي؟
سيف : ابعرف كيف عرف مكاننا ووش دراه اننا هناك
ابراهيم : تتوقع بيتكلم! اذا الشرطه ما قال لهم شي
سيف: بروح واجرب حظي ، المهم انتم ارجعوا البيت
ابراهيم: وش ارجع منجدك!
سيف : اي ارجعوا من امس وانتوا معي
فيصل: ياشيخ عادي
سيف ابتسم: ماعليه ارجعوا
ابراهيم: طيب، انا برجع باخذ شور واروح للمحل شوي وبعدها برجع لك
سيف: تمام
فيصل: ماتبي شي؟
سيف: سلامتك
ابراهيم : يلا سلام
سيف: مع السلامه
فيصل: معلش راح اتعبك شوي، ودني للمزرعه اخذ سيارتي
ابراهيم ضحك: حاضرين
طلع الدكتور وفز سيف وراح له
سيف: طمني
الدكتور ابتسم: لا الحمدالله امورها مستقره، وراح ننقلها لغرفه عاديه الحين
سيف من الفرحه خم الدكتور يحظنه وضحك الدكتور
