لا تنسون تصلون على النبي
دخل سيف لبيت جده بعد ٥ سنين ومعاه ليان والكل كان منتظر دخلوه
فز ابراهيم مبتسم وحظنه: تو مانور البيت
سيف ابتسم : منور بوجودكم
ام سامي تقدمت تحظنه وتحظن ليان: الحمدلله على السلامه
ليان ابتسمت : الله يسلمك حبيبتي خالتي
الجد عقاب: يا ابراهيم خل الشغاله تصعد الاغراض لغرفه سيف
ابراهيم: ابشر
الجد عقاب: حياكم اجلسوا
سيف مد ايده لليان: لا ماله داعي زوجتي تحتاج ترتاح، يلا
ليان مسكت ايده: يلا
قبل لا يصعد سيف ناظر جدته وترك ايد ليان وتقدم لها يبوس ايدها وراسها
الجده مزنه: كيف حالك
سيف: الحمدلله الحمدالله
تركها سيف واتجه مع ليان لغرفته، فتح باب الغرفه وشافها مثل ماهي من خمس سنين، ماتغير ولا شي صحيح امه كانت تدخلها وتجلس فيها بس ماحركت ولا شي ، تقدم عند مكتبه الصغير وشاف صورته مع ابوه وامه واخوانه وقت تخرجه من الثانويه ، اخذ الصوره واتجه يجلس على سريره وجلست ليان عنده
ليان مدت ايدها تاخذ الصوره وسمح لها سيف
ليان وهي تناظر الصوره: تشبه ابوك الله يرحمه
سيف ناظرها بحزن : صدق؟
ليان ابتسمت:اي
سيف: دايما يقولون لي اشبهه، بس انا اشوف سامي الي يشبهه مب انا
ليان: سامي يشبه جدك وابراهيم فيه شبه منك وملاك فيها شبه من امك
سكت سيف يناظر الصوره وقالت ليان: غرفتك حلوه مره
سيف: ماكان ودي نجلس هنا، لما دخلت داهمتني الذكريات
ليان تركت الصوره ومسكت ايده: سيف ، انا تعمدت اوافق عشانك انت، ابيك تصلح علاقتك مع اهلك وترجع قويه
سيف: انا مكتفي فيك
ليان: وانا مابيك تكتفي فيني! سيف انت ماشفت كيف جدك يناظرك! حسيته وده يحظنك وحتى جدتك
سيف: جدي يحبني ادري، بس عمي لعب بعقله كثير، امس جدي احتمى فيني وتذكرت لما كنت احتمي فيه لما كان عمي يضربني
ليان: ليه يضربك!
سيف: مايحبني ، من زمان مايحبني ، كان يشوف سامي الافضل سامي الاحسن حتى ابراهيم ما يحبه بس ملاك وسامي
ليان: اهلك غريبين!
سيف: ماعلينا ، انتي متاكده تبين تجلسين هنا!
ليان: ايه
سيف: وامك!
ليان: خالتي بتجلس عندها الين تنقضي العده، ماراح نطلع من هنا الا لما تتصلح علاقتك مع اهلك، وتنكشف كذبه ملاك الي بسسبها ضاع من عمرك ٥ سنين
سيف:هالموضوع صفحه وانطوت بالنسبه لي
ليان: براحتك
في مكتب الجد عقاب
عمر بغضب: منجدك يبا! كيف تخليه يخطي خطوه وحده داخل البيت؟
الجد عقاب : لاترفع صوتك وانت تكلمني فهمت
عمر : يبا هذا قاتل ولدي قااتل ولدي يا يبا
الجد عقاب: والله مدري كيف انت ليلحين هنا قدامي وبييتي وانت وسامي خططتوا تسرقوني وتثبتوا اني ناقص الاهليه وغيرتوا اماكن ادويتي وعطيتوني دوا يتلف الاعصاب وتحسبوني غبي وسامي كل شوي يغير اماكن الاوراق عشان يثبت اني نسيت ومن هالخرابيط وانا كنت امثل اني نسيت واني خرفت ، تبي تسرقوني انا، تسرق ابوك ياقليل المره صدق ماعرفت اربيك
عمر انصدم من كل كلمه قالها عقاب وقال بخوف وتوتر: ييبا الله يهدديك وش ههالكلام من قاالك!
الجد عقاب قاطعه بغضب : اقطعع صووتك ، انقلع من بيتي ولا اشوفك تخطي خطوه وحده هنا فاااهم
طلع عمر بدون مايقول شي وبصدمه كبيره وجلس يفكر من قاله ووش داره الجد عقاب بالخطه
