#وكأنها_بالهجر_أخطأت

P:19

في شقة ابو هتاف
طلع ابو هتاف من المستشفى وقالو انه بخير بس لازم ياخذ دواء معين عشان مايرجع يتعب
ام هتاف : الحمدلله على سلامتك
ابو هتاف : الله يسلمك
ام هتاف : تبي شي
ابو هتاف : ايه جيعان
راحت ام هتاف تسوي اكل ل عبدالرحمن وهتاف كانت مخططه من كثر ماهي مقهوره من اهلها وعشان ماتدرس ولا عندها شي تسويه قررت تهرب عند العنود
خرجت من الغرفه تشوف الوضع كيف عشان تقدر تهرب
بعد مالقت اهلها كل واحد مشغول بشي قررت تهرب من شباك غرفتها
بعد ما هربت وام هتاف تودي الاكل لزوجها قررت تروح تشوف بنتها دخلت الغرفه وما حصلتها قالت شكلها بالحمام (الله يكرمكم) مرت ساعتين وهتاف مالها اثر في البيت
ام هتاف : عبدالرحمن شفت هتاف
ابو هتاف : لا ماشفتها ليش
ام هتاف : مابعرف مالقيتها بالغرفه ولا بالحمام (الله يكرمك)
ابو هتاف : ارجعي تأكدي بالغرفه
راحت ام هتاف تتأكد ومالقتها وهنا ابو هتاف عصب وقام يدور عليها ودخل الغرفه يتأكد بنفسه ولقى الشباك مفتوح عرف انها هربت
ابو هتاف بعصبيه : الحيوانه هربت
ام هتاف بصدمه : ايش
ابو هتاف : انا اوريها الحيوانه
من الصدمه تعب ابو هتاف ثاني وطاح على الارض ونقلوه على المستشفى ثاني وام هتاف مو عارفه ايش تسوي تلاقيها من بنتها اللي هربت ولا من زوجها اللي طاح ودخل المستشفى
ام هتاف بدموع : يارب كن معي واحفظ بنتي وزوجي يارب انا ايش سويت عشان يصير معي كل هذا
.

في قصر ابو سلطان
جات هتاف عند العنود ونصدمت من المكان اللي هي في
هتاف بصدمه : انت ليه هنا
العنود : سالفه طويله انت وش جابك
هتاف بحزن : هربت من عند اهلي
العنود بصدمه وحزن : ليه وش صاير
هتاف قالت كل شي مرا فيه للعنود
العنود بحزن : كل ذا صار معك
هتاف : ايه شايفه
العنود : اخ الله يصلح الحال بس ليه هربتي ماهو حل
هتاف : قولي وش صاير معك انت كمان
العنود تكلمت وقالت كل شي وكيف يعاملها سلطان هو واسيل
العنود : انا كرهت نفسي بسببهم
هتاف : انا ايش اقول لا دراسه ولاشي زي الناس
العنود : وش بتسوين الحين
هتاف بحيره : مدري وشكلي بجلس عندك كم يوم وبعدين ارجع لهم
العنود : تمام حياك
هتاف فكرت في اهلها بعدين خافت ابوها يصير له شي
هتاف بخوف : اخاف بابا يصير له شي
العنود تطمنها : مارح يصير له شي ان شاء الله
هتاف : ان شاء الله
جلسو يسولفون مع بعض وتحاول هتاف تشغل نفسها مع العنود عشان تنسى خوفها وما تخاف من اي شي ممكن يصير معاها
العنود : اف الحين يرجع سلطان وبس يعصب عليا
هتاف : مع نفسه مايقدر يسوي لك شي
العنود : كل يوم يتهاوش معي
هتاف : مجنون ذا
سمعهم سلطان وجاه لهم
سلطان : مين المجنون
العنود بخوف : ولا احد
هتاف : انت مجنون وش بتسوي
سلطان : هذي كيف جات عندك
هتاف : مالك دخل وروح من هنا
سلطان : باروح من هنا بس عشانها موجوده ولا كان شفتي شغلك ي العنود
هتاف بضحك : هههههه شفيك خفتي
العنود : مافي شي يضحك ما تعرفين كيف عصبيته
هتاف : وربي يضحك مسوي فيها قوي وهو من جمبها
جلسو مع بعض وهتاف ماتدري ان ابوها بالمستشفى وحيل تعبان بسبب اللي سوته
.

في فيلة ابو ريماس
جا موعد زواج ريماس قامت ودخلت الحمام ( الله يكرمكم) وتروشت وخرجت لبست ملابسها ورتبت كل شي تبيه بالشنطه اللي بتاخذها معاها القاعه عشان بتلبس هناك وقبلها بتروح الصالون عشان تسوي المكياج والشعر وكل شي
كانت متوتره وخايفه ومو عارفه ايش تسوي جات تمنت ان عندها اخت تساعدها دق باب الغرفه قالت ريماس
ريماس : تفضل
الهنوف : هاي ي احلا عروسه
ريماس بفرح حضنتها وقالت
ريماس : الله جيتي عندي بالله ساعديني مني عارفه ايش اسوي متوتره
الهنوف بفرح : بتكون معك خطوه بخطوه لين تنزفين
الهنوف ساعدت ريماس بكل شي تحتاجه وجهزو الشنطه جات لهم ام ريماس تشوفهم اذا خلصو عشان يلحقون يروحون للمشغل
ام ريماس : خلصتو
ريماس : ايه يمه كل شي جاهز
كانت الهنوف تصور كل شي مع ريماس عشان يكون ذكره لهم لبعدين
وصلو المشغل ونزلو وبدو يختارون المكياج اللي يبونه والتسريحه وبدو كل شي خلصت اول شي ام ريماس قبلهم وراحت القاعه عشان هي راح تستقبل المعازيم
بعد ما خلصو جا لهم السواق ووصلهم القاعه ريماس راحت الغرفه تجلس فيها لين موعد الزفه والهنوف نزلت عند ام ريماس تساعدها وتوقف جمبها قبل تنزل قالت
الهنوف : ريماس اذا محتاجه شي دقي عليا
ريماس : تمام
نزلت الهنوف وصارت الناس تيجي وشغلو الاغاني ويرقصون وفرحانين لهتاف
(عند الرجال)
جو كلهم ويباركون لابو ريماس ولؤي ويرقصون رقصهم بالسيف ومتحمسين
ابو ريماس : مبروك ي اخوي
ابو لؤي : الله يبارك فيك عقبال مانشوف عيالهم
ابو ريماس : امين يارب
يسلمون على لؤي ويباركون له بعدين خلوه يقوم ويرقص معاهم وفرحانين له مرا صار موعد الزفه
ابو لؤي : لؤي
لؤي : هلا يبه
ابو لؤي بفرح : يلا موعد الزفه عدل غترتك
راح لؤي قدام المرايه يعدل غدرته بعد ١٠ دقايق طلع فوق عند ريماس عشان ياخذون مع بعض كم صوره قبل ينزلون تحت وبعد ما خلصو و بدت الزفه وكانو حاطين اغنية ادخلي عمري
وصلو الكوشه والكل فرحان وزغرطون من الفرحه

#وكأنها_بالهجر_أخطأت