#وكأنها_بالهجر_أخطأت

P:111

في شقة ابو راكان
كانو كلهم جالسين بالصاله ويسولفون وحاطين قهوه وحلا ومبسوطين وراكان جالس معاهم
راكان : بكرا ان شاء الله بطلعكم
ريف : اي احس لنا فتره ماخرجنا
ام راكان : اي ودنا نغير جو
راكان : من عيوني
تكلمت ريم وهي خايفه من راكان يعصب عليها
ريم بخوف : ممكن اقول شي ي راكان
راكان : وش قولي
ريم : ليه ماتسامح رائد وترجع له السياره
راكان بأستغراب : هو شك لك
ريم بتوتر : لا بس احس حرام كذا معاقبه
راكان : يستاهل ماحد قال له مايسمع الكلام
ريف : معليش على التدخل بس صادق راكان
ريم : مالك دخل
ريف : وش اللي مالي دخل كلنا جالسين نتشارك الحوار
ريم : انا اكلم راكان ماكلمتك
ريف : لا والله بس نسيتي لما كان راكان يصرف علينا ونسيتي لما تعب عشانا تبين اكمل
ريم : ورائد حرام كذا
ام راكان : خلاص اسكتو
ريف بقهر : معليش يمه اسفين بس بتكلم اللي عندي
راكان تعب عشانا عشان ننجح في المدرسه وعشان نلبس احسن الماركات عشان الناس ماتتكلم علينا ورائد جا من السفر وماهمه الا نفسه
راكان بابتسامه : خلاص حبيبي ريف ماعليه انا احبكم واسوي كل شي عشانكم
ريف قامت حضنت اخوها وقالت
ريف : انت احلا اخ بالدنيا
راكان : وانت بعد احلا اخت بالدنيا
ريم انقهرت وقامت ودخلت الغرفه
ام راكان : اوف زعلت ريم
راكان : يمه ريم تدافع عن رائد ولا همه احد خليها عشان تتعلم لان صادقه ريف وش سوا رائد من جا
ام راكان : الله يهديكم كلكم يارب
ريف : يمه مو قصدنا نزعلك بس لازم كلمت الحق تنقال
ام راكان : انا اللي مزعلني ان  رائد مو حاسس بالي نمر فيه
راكان : ماعليه يمه بيتعدل
جا رائد وسمع اسمه وقال
رائد : سمعت اسمي
راكان : اي وش في
رائد : تحشون فيني
راكان : الحين ماحد له خلقك امي تعبانه لاتزيد عليها
طنشهم رائد وراح المطبخ عشان ياكل
.
.
في فيلة ابو لؤي 
صحيت تالين وجسمها كله متكسر بسبب ضرب لؤي لها ومالها خلق شي دخلت الحمام (الله يكرمكم) واخذت دش دافي تريح جسمها وبس خلصت خرجت ولبست ملابسها وجلست تمشط شعرها
تالين بتفكير : لازم افكر بشي احرق قلبهم واخطط عليه زين وربي لايندمون وما اكون انا تالين
بعد ماخلصت من شعرها فتحت الباب وراحت للمطبخ تسوي لها حاجه تاكلها ونادت العامله
تالين : بابا لؤي لسه في نوم
العامله : ايوه
تالين : تمام روحي رتبي الغرفه حقي 
العامله : حاضر مدام
كملت تالين الاكل وبس خلصت راحت الصاله وجلست شوي على ماتخلص العامله تنظيف غرفتها وجلست تقلب بالجوال
تالين : خل ذي اليومين احاول اخرج من البيت وبعدها اعرف وش اسوي
خلصت العامله غرفتها وهي جاي تمشي لغرفتها صحي لؤي وخرج من الغرفه وقال
لؤي : سوي لي قهوه اصحصح
تالين : مو فاضيه لك تضربني في الليل ومن تصحى سيد لؤي تبيني اخدمك واسوي لك ماحد قال لك تخلي ريماس عند اهلها
لؤي : واضح لسه ماشبعتي من ضرب امس
تالين : وش بتسوي بعد يعني انت كذا يوم تحبني ويوم تحب ريماس ماعاد احد يعرف لك
لؤي بعصبيه : انقلعي
تالين : زعلت من الحق هذا انت مايعجبك شي
لؤي : قلت انقلعي
راحت تالين غرفتها وماهتمت له سكرت الباب وجلست على جوالها وبدت تشغل اغاني تروق
وهنا لؤي انقهر لان العامله ماتعرف تظبط له القهوه بس قال لها لان مافي احد يسوي له شي
لؤي : ياريت تظبطين القهوه
العامله : تمام
سوت العامله القهوه واعطته الكوب وجا يشرب ماعجبتها
لؤي بصراخ : كم مره بنعلمك تسوينها
العامله : انت بس تعصب
لؤي : انطمي
العامله راحت وهي تبكي بسبب اسلوبه نزلت تحت لان مالها خلق تشوف لؤي مره ثانيه جات لها ام لؤي
ام لؤي بأستغراب : ليه تبكين
العامله : بابا لؤي عصب علي
ام لؤي : استغفر الله هذا ينام ويصحى ويسوي مشاكل خلاص لاتزعلين خليك اليوم هنا
العامله : تمام ماما
راحت العامله المطبخ اللي تحت وام لؤي مقهوره من ولدها اسلوبه صاير معفن ويعصب على رايح والجاي وماهمه احد
ام لؤي : ذا لازم ابوه يشوفه اليوم بس يرجع من الشركة لان الوضع كذا ماينفع لان حتى انا مايسمع مني تعبت منه
نزل لؤي وخرج من الفيله حتى من دون مايقول شي لامه وهنا ام لؤي انقهرت زياده
ام لؤي : حتى سلام ماسلام شفيه ذا اخ بس منه
.
.

في الديره
جا ابو روان وهو مره معصب بعد مادري ان العنود هربت ومو لاقين لها اثر
ابو روان بعصبيه : ليه ماتنتبهون لها
ام روان : كانت بالغرفه ماخرجت منها انت مقفل عليها وخليت المفتاح بالغرفه
ابو روان : ماتفتحون تشيكون عليها او تشوفونها وش تخطط عليه
ام روان بصراخ : بس فالح تعصب علينا وانت اللي خاطفها وجبتها عندنا والحين هربت لو درت الشرطه وش بتستفيد انت الحين
ابو روان : انطمي الله ياخذكم بطلع اودور عليها
جات روان عند ابوها وقالت
روان : يبه
ابو روان : وش تبين مو فاضي لك
روان : يبه احسها هربت مع سيف
ابو روان بصدمه : وش تقولين
روان : اي يبه لان ماتعرف احد غيرنا هنا وهو بعد
ابو روان : انا اوريها بنت الكلب
خرج ابو روان معصب وركب السياره يدور عليها
ام روان : الله يقلعك ليه قلتي له
روان : اي يمه ذا الصدق ليه اكذب
ام روان بخوف : ياويلي خرج معصب لو صار له شي
روان : اف منكم لو ابوي ماخطفها كان احسن
ام روان : ابوك بيودينا في داهيه
روان راحت الغرفه اللي كانت فيها العنود ولقت الجوال فتحته ودخلت محادثة سيف وانصدمت
روان : يمه يمه
ام روان : وش في
روان : شوفي
ام روان : يارسي طلعت تخطط معاه
روان : شفتي اني صادقه
جلس يدور عليها ابو روان وقرر يروح يشوف الفندق ويتأكد اذا هي هناك او لا
وصف لهم شكلها وقالو له
الرجال : اي موجوده هنا
ابو روان : وش رقم غرفتها
الرجال : 203
ابو روان : تمام
طلع ابو روان فوق والعنود حست بضيق فجأة وتصلت على سيف

رايكم على كل البارتات وتوقعاتكم بيقدر سيف يلحق عليها ووش تخطيط تالين ؟
#وكأنها_بالهجر_أخطأت