#وكأنها_بالهجر_أخطأت

P:27

في قصر ابو سلطان
بعد ماصحي سلطان استغرب كيف نام وتلحف وهو كان طالب من العنود ترتب له الغرفه وليه نام طول المده ذي
سلطان بعد ماشاف الساعه وانصدم انها وحده الظهر
سلطان بأستغراب : انا نايم كل ذا الوقت ولا ليكون العنود سوت لي شي
قام ودخل الحمام (الله يكرمكم) وبعد ما خلص خرج يشوف العنود وين
سلطان : ي عنود 
ماردت عليه لان هي مو سامعته وهو يحسب متعمده تطنشه عشان اللي سوته له
سلطان بعصبيه وصراخ : عنىد ي زق ردي
طلعت العنود من غرفتها تشوف مين ذا اللي يصرخ
العنود : شفيك معصب وتصرخ 
سلطان : اعترفي وش مسويه لي
العنود بأستغراب : بسم الله وش في
سلطان : اتكلمي اخلصي
العنود : اتكلم اقول ايش
سلطان بعصبيه : اي ماتبي تقولين انك سويتي لي شي يخليني انام طول ذا الوقت عشان تاخذين راحتك في البيت
العنود تنرفزت : وش تقول انت وش بسوي لك مثلا يعني
سلطان : امس قلت لك رتبي الغرفه وبعدها انا صحيت ذا الوقت ذا اللي افتكره
العنود تذكرت اللي صار استحت وقالت
العنود : اي انت وانا ارتب تعبت ومالقيتك غير نمت وانا غطيتك وقلت لهم لاحد يزعجه نايم تعرف الخدم مزعجين
سلطان : وانتِ ليه مو في القن
العنود : حرام عليك تعبت ارحمني خلاص
سلطان : خلاص بس اليوم وسو لي اكل جيعان
راحت العنود تقول لهم يسون له اكل وهو راح دخل مكتبه عشان يشوف اشغاله على مايخلص الاكل
قالو للعنود تروح تقول ان الاكل جاهز وخلص عشان يجي ياكل
دقت الباب العنود
سلطان : تفضل
العنود : سلطان
سلطان : نعم
العنود : الاكل جاهز
سلطان : تمام الحين اجي
العنود : تمام الاكل في طاولة الطعام
طلعت العنود وهو بعد كم مده خرج وراح ياكل وهي راحت غرفتها تكلم هتاف تعلمها على اللي صار امس معاها
.
عند اسيل بالقصر
كانت جالسه بالغرفه وتسمع اغاني وترقص ومسويه ازعاج بالقصر انزعجت العنود وراحت لها
دقت الباب العنود وكانت اسيل مو سامعه بسبب ان الاصوات عاليا عندها بالغرفه
دخلت العنود بدون ماترجع تدق الباب لان اسيل اصلا مو سامعتها
اسيل لما لفت انفجعت تحسب حرامي بالغرفه
اسيل : الله يخرش عدوك دقي الباب
العنود بعصبيه : وانت تسمعين احد دقيت وماسمعتي
اسيل انقهرت : وتدخلين بدون اذن 
العنود حبت تنرفزها : اقول وطي صوت الاغاني مزعج كل اللي في القصر 
اسيل : مالك دخل قصر ابوي وكيفي
العنود : اقول انطمي ووطي الصوت
اسيل دفتها وطاحت العنود على الارض وصارو يتضاربون ويشدون شعور بعض
اسيل : بعدي يدك عن شعري
العنود بعناد : واذا مابعدت يدي وش بتسوين
اسيل : انا اوريك
وتضاربو زياده شافتهم وحده من الخدم راحت جري عند سلطان تقول له
الخادمه : استاذ سلطان الحق اسيل والعنود يتهاوشون
قام بسرعه عندهم عشان يفكهم من بعض
اسيل بدت تسوي نفسها مسكينه قدامه
اسيل : ماسويت شي لها حات تضربني من غير سبب
العنود انقهرت وقررت تسوي حركات لسلطان تجذبه عشان مايسوي لها شي ويرجعها القن ولا هي مو بالعته
العنود بصوت ناعم : وربي ماسويت شي لها بس عشان دقيت الباب وماسمعت ودخلت اقول لها وطي الصوت
سلطان تخرفن على صوتها والاشياء اللي تسويها في يدها قام قال
سلطان : اسيل انت غلطانه انت مو عايشه لوحدك عشان تخلين الصوت عالي وتزعجينا وانت ماسمعتي دقت الباب
اسيل بقهر : ايه اوقف معاها يالخروف بس عشان حركات سوتها دافعت عنها
سلطان توتر : مالك دخل واسمعي الكلام وسكري الزفت
طلعو وراحت العنود جري على غرفتها تضحك عشان انتصرت عليهم ذي المره
.

في شركة الياس
مرة الايام والياس كان لازم يرتاح بالمستشفى كم يوم عشان الخيط اللي براسه بعد الحادث اللي صار وامه درت انه مسوي حادث
بالصدفه كانو هتاف وسمير يتكلمون كذا عادي عشان موضوع الياس الا يشوفون سالم يحاول يسمع كلامهم ويشوفوهم وش يقولون
هتاف : سمير
سمير : هلا
هتاف : كأن في احد يراقبنا
سمير : مين ووين 
هتاف : في احد واقف هناك لاتخليه ينتبه
سمير : اسكتي شكله احد يتسمع لكلامنا
هتاف : ممكن لازم نتتبه
قامو وسو نفسهم مشغولين يرتبون عشان ما يحسسونه بشي او يكون سمع كلامهم 
هتاف : اف واضح انه احد من الشركة يكره الياس
راحت هتاف مكتبها وهي تمشي سمعت سالم يقول انا اوريكم كيف بخلي الياس يموت واخذ الشركة طبعا كانت فاتحه تسجيل عشان لو قال شي احد تسجل ويكون عندها دليل
راحت عند سمير وقالت له
هتاف : تعال بسمعك شي
سمير بعد ماسمع وعرف صوت مين انصدم وقال
سمير : معقوله واستاذ الياس كان يعامله احسن معامله
هتاف : عشان تعرف ان حتى اللي يبين لك الحب يكرهك ويبي لك الشر
سمير : وش بنسوي
هتاف : ذا دليل بيدنا نروح عند الاستاذ الياس ونقول له عشان اكيد الشرطه لسه تحقق له عن الموضوع
سمير : تمام انتِ خلي عندك الدليل والحين مانبي نحسس احد بشي نمشي ولا كأن ندري عن شي
هتاف : تمام
راحو كل واحد يكمل شغله ولا كأنهم يدرون عن شي وسالم مادري ان هتاف سجلت صوته وهو يتكلم
كل ذا كره وحقد في قلبه على الياس عشان الياس اعلى منه في المكانه اللي هو فيها
سالم بحقد : الله ياخذك ي الياس اصبر عليا بخليك تموت وكل الشركه لي بإذن الله
طلع وراح يتشغل شغله وسمير لو عليه ذبحه بس مايبي يحسسه بشي عشان تقدر الشرطه تمسكه

#وكأنها_بالهجر_أخطأت