في شقة ابو راكان
بعد مارجع راكان اخواته من المدرسه نزل معاهم يشوف امه
راكان : السلام عليكم يمه
ام راكان : وعليكم السلام
راكان : محتاجه شي يمه
ام راكان : سلامتك ي ولدي
راكان : تغديتي يمه
ام راكان : ايه عشان الدواء
راكان : بالعافيه
حطو الاكل وجو خوات راكان ياكلون وبعد ماخلصو شالو كل شي وراحو يجلسون عند امهم
ريم : يمه ممكن طلب
ام راكان : قولي وش تبين
ريم ؛ ابي ايباد
ام راكان : كم سعره
ريم بتوتر : الفين ونص
ام راكان ماعرفت وش تقول لان مايقدرون عشان ظروفهم لسه شوي كمان صعبه
ام راكان بتفكير : انجحي من اول متوسط وبعدها نجيب لك
ريم : يمه ابيه الحين
ام راكان : اذا نجحتي بجيبه لك الحين ما نقدر نكلف على راكان
ريم انقهرت من كلام امها لان تشوف صحباتها يجيبون اللي يبونه ويشترون من ماركات قالت
ريم بعصبيه : يمه كل صحباتي يشترون اللي يبونه ويلبسون من احسن الماركات الا انا من فين لفين اقدر اشتري
ام راكان حزت بخاطرها من كلام بنتها وبالصدفه كان معدي راكان وسمعها وتضايق وقال
راكان بضيقه : قولي الحمدلله على وضعنا ارضي بالي عندك بدال ماتطالعين في ناس يمكن ماهم مرتاحين
ام راكان : خلاص ي راكان صغيره ماتفهم شي
راكان : حتى لو صغيره المفروض تفهم ماني مقصر معاهم بشي وتتكلم كذا واذا على الايباد ادعي الله بدال ماتقولين ذا الكلام
خرج راكان وهو متضايق من كلام اخته وقرر يتصل على عبدالعزيز يقابله
رد عليه بعد مده
راكان : السلام عليكم
عبد العزيز : وعليكم السلام
راكان بتنهيد : فاضي
عبد العزيز : ايه
راكان : ودي اشوفك
قفلو من بعض وراحو للكافي المتعودين يتقابلون فيه وكان عبدالعزيز حاسس ان راكان متضايق وان ممكن صاير معاه شي
.
في فيلة ابو ريماس
نزلت ريماس مقهوره وسكرت الباب بقوه ودخلت داخل عند اهلها وهي تبكي
جات ام ريماس مصدومه من شكل بنتها ويدها اللي صارت زرقه من مسكت لؤي لها
ام ريماس بخوف : يمه ريماس شفيك ليه كذا شكلك
ريماس راحت جري لحضن امها وتبكي بزياده ماعرفت ايش تسوي قررت تكلم ابو ريماس عشان يجي يشوف بنته
اتصلت عليه وبعد مده رد عليها
ام ريماس : السلام عليكم
ابو ريماس : وعليكم السلام
ام ريماس بتوتر: الله يسعدك تعال البيت مدري شفيها ريماس
ابو ريماس بخوف : وش فيها بنتك
ام ريماس : مدري تبكي ومو راضيه تتكلم
قفلو من بعض لان ابو ريماس خاف على بنته وجا لهم ودخل وراح عندهم
شاف شكل بنته انصدم قال
ابو ريماس : وش فيك ي ريماس
ريماس ببكاء : يبه ما ابي ارجع عند لؤي
ابو ريماس : وش صاير بينكم
قالت لهم كل شي ريماس صار معاها من بداية ماقالت لها ام لؤي متى بتحملي لين اللي صار مع لؤي
هنا ابو ريماس عصب وقال
ابو ريماس : حيوان ليه يضربك محسب ماعندك اهل واذا ماحملتي موبيدك بيد ربنا
ريماس : يبه ما ابي ارجع عنده بقعد عندكم كم يوم
ابو ريماس : خليها عندنا لين تتحسن نفسيتها
قامت ام ريماس اخذت بنتها تهديها وتغسل لها وجهها
راح ابو ريماس وتصل على لؤي وهو معصب مارد عليه ويتصل وكان لؤي مايرد
رجع عندهم معصب عشان لؤي مايرد
ابو ريماس بعصبيه : اتصل عليه مايرد يعطيني مشغول
ريماس : جبان مايبي يرد عشان لاتعصب عليه
ابو ريماس : انا اوريه بعدين تبين شي يبه
ريماس : ابي سلامتك
خرج ابو ريماس ورجع لشغله ومتوعد بـ لؤي بعدين
.
في المستشفى عند ابو هتاف
قررت ام هتاف تكلم عبدالرحمن وتقول له عن اللي بيخطب بنتها
ام هتاف : عبدالرحمن
ابو هتاف : هلا
ام هتاف بفرح : بتكلم معاك بموضوع يسعد
ابو هتاف : قولي
ام هتاف : في واحد متقدم لهتاف
ابو هتاف بفرح : مين ذا
ام هتاف : هتاف تشتغل عنده
ابو هتاف : مين ذا ي هتاف
هتاف بخجل : يبه ذا الياس اللي ساعدنا بالموضوع ذاك
ابو هتاف : الله يكتب اللي فيه الخير
في وقتها جا اتصال لام هتاف من رقم وردت
ام هتاف : السلام عليكم مين معاي
ام الياس : وعليكم السلام معاك ام الياس
ام هتاف : امريني
ام الياس بفرح : نبي نيجي عندكم ابي بنتك لولدي
ام هتاف بفرح : ان شاء الله بكلمك ونحدد يوم مناسب
ام الياس : ان شاء الله
ام هتاف : الله يكتب اللي فيه الخير
قفلو من بعض وجات رساله لهتاف مكتوب فيها ابي اقابلك من الياس وام هتاف قالت لهم من اللي اتصل
ابو هتاف : كيف بقابله وانا كذا
هتاف : عادي يبه بتشوفه مافي شي يخجل ولي بياخذني لازم يرضى فيك زي ماكانت
ابو هتاف انبسط من بنته وقال
ابو هتاف : الله يسعدك ويكتب لك ربي الخير يارب
هتاف : يبه بقابل استاذ الياس عادي
ابو هتاف : ليه وش يبي
هتاف : يمكن عشان الشغل
ابو هتاف : تمام بس انتبهي لنفسك
طلبت اوبر هتاف وبعد ٦دقايق جا لها وراحت للمكان اللي قال لها عليه الياس عشان يتقابلون فيه وتشوف وش يبي منها
بعد ماوصلت حاسبت السواق ونزلت دخلت الكافي وقالت لهم ان في حجز بأسم الياس ودخلوها وراحت جلست بالكرسي
#وكأنها_بالهجر_أخطأت
أنت تقرأ
#وكأنها_بالهجر_أخطأت
Actionسلطان الشاعر اللي يقصد بإشعاره عن حبيبته المتوفيه ويكره بنت اكبر تاجر مخدرات لانه قتل ابوه وحبيبته ولما يتوفى ابو البنت يسكنها بقصرهم ويعيشها بقن الدجاج ويحرجها بالكلام وينتقم منها ولكن
