#وكأنها_بالهجر_أخطأت

P:57

في الكافي عند عبد العزيز وراكان
عبد العزيز : وش صار معاك كلمت امك
راكان : لا لسه
عبد العزيز : متى بتكلمها
راكان : مدري جالسه افكر انت وش رايك
عبد العزيز : مدري شوف انت مع امك الموضوع
راكان : تمام
كانت وقتها اسيل بنفس الكافي اللي فيه راكان مع خويتها ريم قامت تطلب الا تلمح راكان مجود تطالع فيه بدون نفس وراحت اخذت طلبهم ورجعت عند ريم وقبل ترجع جا لها واحد يعاكسها وهي صارت تصرخ استغربو اللي بالكافي قام راكان وهو معصب مايحب احد يقرب على بنت ويغازلها اذا ماكانت محرمه له 
اسيل : انقلع من هنا احسن لك
الولد غمز لها : واذا مارحت اقول تعالي ننبسط
اسيل صرخت واعطته كف
راكان جا لهم وقال 
راكان : وش تبي من البنت
الولد حب ينرفز راكان قال
الولد : شكلك غرت على حبيبتك هههه
راكان : اقول انطم لاوريك شغلك
الولد : وش بتسوي يعني يمه خفت
راكان : ابعد عنها
الولد : اذا تبيها عادي قول ننبسط سوا
راكان ماتحمل واعطى الولد كف والولد رد له الحركه هنا اسيل خافت تصير مشاكد بسببها
اسيل ببكاء : خلاص ابعدو عن بعض
جات لها ريم وحضنتها اخذو قهوتهم وراحو للقصر يكملون سهرتهم هناك
راكان : ذي المره بخليك تروح اذا عدتها بتشوف شي مايسرك
عبد العزيز : راكان خلاص اهدا
راكان : الله ياخذه خرب روقاني
عبد العزيز : خلاص روق
راكان : بإشمئزاز : تخيل يقولي ننبسط سوا عادي يع محسب الكل وسخ زيه
عبد العزيز : يع الله لايبلانا
قامو حاسبو وكل واحد رجع على بيته وراكان مستغرب ان في شباب مايخافون تنرد الحركه في اهلهم خواتهم بناتهم راكان مايحب يغازل بنت او يسوي ذي الحركات لان عنده خوات
.
في المستشفى عند ريماس
وصلو المستشفى ونزلو ودخلو وخذو رقم عشان يدهاون عند الدكتوره بعد مده جا رقمهم ودخلو قالو لها انهم جاين يتطمنون على البيبي
الدكتوره : تعالي السرير نتطمن على البيبي
ريماس بخوف : تمام
الهنوف : لاتخافين ان شاء الله كل شي تمام
الدكتوره شافت وطلع كل شي سليم الحمدلله ارتاحت ريماس
الدكتوره : الحمدلله كل شي سليم بس واضح ماتتغذى زين
الهنوف : اي بالقوه ترضى تاكل
الدكتوره : ماينفع كذا لازم تاكلين عشان اللي في بطنك لانه يتغذى منك
ريماس : ان شاء الله بس ي دكتوره احس بدوخه
الدكتوره : طبيعي من اعراض الحمل اكلتي قبل تجين
ريماس : لا لسه
الهنوف : جينا تطمن على البيبي لان امس تعبت وبعدها رايحين ناكل
الدكتوره : اي لازم تنتبهون لها بكتب لها فيتمينات
كتبت لها فيتمينات واخذو الرشته وراحو للصيدليه جابو المطلوب وبعدها خرجو وتجهو للمطعم عشان ريماس تاكل وتتغذى هي ولي في بطنها
الهنوف : الحمدلله دام اللي ببطنك بخير مايحتاج تزعلين نفسك
ريماس : الله لايحرمني منك يارب
الهنوف : ولا منك
ريماس : ما ابي ببسي خل عصير طبيعي عشان اللي ببطني
الهنوف : اي افضل
طلبو الاكل وجا لهم بعد نص ساعه وبدو ياكلون ويسولفون وتحس ريماس نفسيتها حلوه عشان حملها ثابت وماصار له شي
ريماس : تدرين اذا كانت بنت اللي ببطني بسميها الهنوف على اسمك
الهنوف : ي بعد قلبي جعلني ما انحرم يارب
ريماس : واذا ولد لسه ما ادري
الهنوف : بعدين نشوف اسماء اذا تبين سوا
ريماس : اي
خلصو وحاسبو وقامو وراحو للمول تجيب لها ريماس تحتاجها وملابس مريحه لان تبي اشياء تخليها مرتاحه وهي حامل
.

في المول
وقتها الياس كلم سلطان قال له بطلع المول وابيك تيجي باقابلك احس محتاج احد اتكلم له ولحظتها راحت العنود عند سلطان وقالت له طفشانه ابي اخرج قال لها اوك باخذك معي المول بقابل الياس وانتِ تيجي
طلعو وتجهو للمول وصلو ونزلو وكان وقتها الياس وصل من قبلهم اتصل عليه يشوفه وين
سلطان : السلام عليكم
الياس : وعليكم السلام
سلطان : انت فين
الياس : عند الستاربكس
سلطان : تمام انا جبت العنود معي
الياس فز قلبه من الاسم مايدري ليش
الياس : تمام
راحو عند الستاربكس والياس يطالع فيها وهي مستغربه ليه كذا يطالع فيه يحس تشبه الصوره اللي ورته له امه
سلطان تكلم وقال
سلطان : عنود اذا تبين تروحين تاخذين راحتك روحي
العنود : تمام بتمشى وبعدها اكلمك اذا بتمشي
سلطان : تمام خذي البطاقه ذي فيها فلوس عادي اسحبي منها لاتستحين
العنود : تمام وانت
سلطان : ماعليك معي بطاقه ثانيه
اخذتها وراحت وهي مستغربه
العنود : شفيه الياس يطالعني كذا شكله مشبه علي
نروح عند الياس وسلطان
الياس : اي وين نروح
سلطان : خل نتمشى
وهم يتمشون ويدخلون المحلات يتفرجون دقت العنود على سلطان وهي ترجف وخايفه كان اثنين يلحقونها وحشروها بزاويه
العنود ببكاء : سلطان الحقني بسرعه
سلطان بصدمه : وينك
العنود قالت له والياس عرف بالموضوع راح لها جري قلبه يقوله روح انقذ اختك بسرعه يحس نفسه مشتت بس راح ينقذها
الياس بعصبيه : تتقون على بنت ياكلاب
واحد من الاولاد قال : وش تبي انت مالك دخل
الياس بصراخ : اذا ماتروحون من هنا ماتدرون وش بيصير لكم ماتدرون مين انا
خافو وهربو وجا سلطان وقال
سلطان : وش في
الياس : زق عليهم حاشرينها بالزاويه الكلاب
سلطان : صار لك شي
العنود : لا الحمدلله الياس جا بالوقت المناسب
سلطان : تعالي معانا افضل
الياس : اي افضل واحسن
الياس  مايدري عقله يقوله لا مو هي وقلبه يقوله هي مايدري يسمع لمين بس يقول بعدين كل شي بيبان وبتبان الحقيقه

#وكأنها_بالهجر_أخطأت