في فيلة ابو ريماس
ام ريماس تركت بنتها ريماس مع خويتها الهنوف عشان ياخذون راحتهم وراحت تسوي قهوه لزواجها لان قال لها سوي لنا قهوه لان ابو ريماس وده شوي يتفاهم مع لؤي
ابو ريماس : انت وينك عن ريماس
لؤي : كنت نايم يعمي وما ادري انها تعبانه
ابو ريماس بقهر : ماتدري عنها ولا مقفل جوالك عشانك عن الزق زوجتك الثانيه
لؤي : عمي ما اسمح لك تغلط عليها
ابو ريماس : تسمح لي ولا ما تسمح بنتي لو يصير لها شي مارح اسامحكم
لؤي بعصبيه : انتو ماتخلون الواحد يرتاح انا وزوجتي وكيفنا نتفاهم انا اوريها بعدين تنقل لكم حياتنا
او ريماس ماتحمل عصبية لؤي وكيف كذا يتكلم معاه قام واعطاه كف على خده وهنا لؤي انقهر مره وخرج وخلا ريماس عندهم
جات ام ريماس بتدخل واستغربت ان لؤي مو موجود
ام ريماس بصدمه : وش فيك
ابو ريماس : تهاوشت مع الزق لؤي عشان بنتك
ام ريماس : الحياة اللي عايشتها بنتي مو حياة وربي
ابو ريماس بضيقه : ادري والله ادري بس ذا مايفهم شي كله من امه الا وتبي تزوجه
(بالغرفه عند ريماس)
ريماس بتعب : تدرين والله تعبت ي هنوفي كل ما اقول زانت تخربها تالين
الهنوف : ي قلبي ي ريماس لاتضايقين عمرك لؤي مو عارف يبعدها عنك وترتاحون
ريماس ببكاء : خايفه على بنتي منها مره لان اليوم كنت بطيح بسببها على الارض دعست على رجلي
الهنوف بصدمه : وش تقولين ولؤي وين
ريماس : وين يعني ماهمه شي غير انطمو وخلاص مشاكل ومقفل الجوال لما كان عندها
الهنوف : مدري والله وش اقول لك بس كل شي صار يقهر
ريماس : اف ابوي يصرخ
الهنوف : اي واضح معصب شكله صاير شي بينه وبين لؤي
ريماس : الله ياخذه ماغير يسوي مشاكل مع الكل بطلب اكل جعت ماينفع اجلس كذا بدون اكل
.
.
في المستشفى عند هتاف
كانت هتاف طفشانه من جلست المستشفى ومو متحمله وكل ماتتذكر كلام اهلها تبكي هنا الياس ماتحمب وراح عندها وجلس عندها على السرير ومسك يدها
الياس بحب : حبيبي هتافي خلاص بتتعبين زياده رش بخاطرك قولي وش ودك
هتاف ببكاء : انا تعبانه ما ابي شي خبيني بحضنك من الدنيا
الياس بحنيه : تعالي بس عيونك لاتضيق
حضنها الياس ومسح دموعها وتمدد على السرير جمبها عشان مايبي يشوفها متضايقه
الياس : مرتاحه كذا
هتاف : اي مرتاحه
الياس : وش تبين بعد
هتاف بحب : دام بتخبيني بحضنك ما ابي شي ثاني من الدنيا
الياس : انا كلي تحت امرك بس ابتسمي تكفين
هتاف بابتسامه : ماعليه مبسوطه دام انت معي
الياس : تبين اكل جيعانه
هتاف : اي جيعانه
الياس : وش تبين
هتاف : عادي ماك
الياس : تامرين امر الحين اطلب يجيبونه المستشفى
تحس شوي هتاف ارتاحت وهي بحضن الياس ومبسوطه معاه وتتمنى بس حياتها تتغير من كل شي تمر فيه وتتمنى يتزوجون ويصير عندهم اطفال
هتاف : حبيبي مارح يمنعونه المستشفى
الياس : باقوم اسأل الدكتور
راح الياس وسأل الدكتور وقال له عادي اهم شي تتغذى
وبعد مده جاهم الاكل واكلو وبس خلصو جاهم الدكتور
الدكتور : بنرجع نشوف وضع هتاف اذا ينفع تطلع اولا
الياس : تمام
فحصها الدكتور وشاف كل شي سليم قال
الدكتور : تقدر تخرج الحراره نزلت وهي الحين بخير بس بكتب لها على الدواء لازم تاخذه
الياس : تمام
كتب لها على الدواء ومسك يدها الياس يساعدها تمشي عشان ماترجع تتعب
هتاف : تعبتك معي اسفه
الياس : وش ذا الكلام تعبك راحه ي عمري
رجعها البيت وهو رجع عنده امه وتحس هتاف اشوي ارتاحت لان الياس كان معاها
.
.
في قصر ابو سلطان
كانت اسيل قاعده بغرفتها وتقلب بالجوال وهي تقلب شافت شي عجبها من سيفوره وقررت تروح تجيبه
قامت وبدلت ملابسها وكلمت العامله وهي تجهز نفسها تشوف لها السواق
جات العامله ودقت الباب
اسيل : تفضل
العامله : السواق يقول مو فاضي لان استاذ سلطان يبيه
اسيل بقهر : اف ذا اصلا متى كان فاضي اطلعي برا
طلعت العامله وراحت اسيل مسكت جوالها وطلبت اوبر
وكان على بال مايوصل لها يبي ١٠دقايق
خلصت وجلست تنتظره ووصل دق عليها وطلعت
اسيل : السلام عليكم
السواق : وعليكم السلام
وصلها المول اللي تبيه حاسبت ونزلت ودخلت المول وبدت تتفرج وتشوف وش نقصها وشترت اللي تبيه من سيفورا
وهي تمشي ورايحه للكوفي شافت راكان حاولت ماتهتم له
اسيل : اف وش جابه هنا ماعليه ولا كأنه موجود
وهي بتمشي طاحت جات بتقوم رجعت طاحت بسبب واحد مد لها رجله عشان تطيح
اسيل بعصبيه : انت حمار ماتشوف اني امشي
الولد : انتِ عميه ماتشوفين قدامك
اسيل من القهر قالت انا اوريه
اسيل بصراخ : الحقوني يتحرش فيني
هنا الولد انصدم ويحاول يسكتها وماتسكت
اسيل : الحقوني الحقوني
سمعها راكان وجا عندهم وضرب الولد بوكس على وجهه
عبد العزيز : راكان خلاص خليه
الولد : والله لاتندم
راكان بعصبيه : تفو على شواربك تقرب على بنات الناس
اسيل جات عنده وقالت
اسيل بأحراج : اسفه طيحتك بمشكله
راكان : لا حصل خير بس انت لاتطلعين لوحدك مره ثانيه
اسيل : ان شاء الله
راكان : انتبهي لنفسك لان الشباب ذي الايام كلاب
اسيل : تمام
راحت اسيل طلبت قهوتها وطلبت اوبر عشان ترجع البيت لان خافت يرجع يصير لها شي ثاني
انتهى🔥
#وكأنها_بالهجر_أخطأت
أنت تقرأ
#وكأنها_بالهجر_أخطأت
Actionسلطان الشاعر اللي يقصد بإشعاره عن حبيبته المتوفيه ويكره بنت اكبر تاجر مخدرات لانه قتل ابوه وحبيبته ولما يتوفى ابو البنت يسكنها بقصرهم ويعيشها بقن الدجاج ويحرجها بالكلام وينتقم منها ولكن
