#وكأنها_بالهجر_أخطأت

P:56

في فيلة ابو لؤي
رجعو من الفندق ودخلو سلمو على اهل لؤي وستأذنت تالين وطلعت فوق جناح لؤي ودخلت غرفت ريماس
بكل قلت ادب دخلت وتبي تخلي الغرفه لها وتخرب على ريماس
لؤي : كيفك يمه
ام لؤي : بخير انتو كيفكم عساك مبسوط
لؤي : الحمدلله مبسوط
ام لؤي : ريماس حامل
لؤي : باخذ الولد منها بس تولد لان طلبت الطلاق
ام لؤي : مدري احس بترجع عشان ولدها
لؤي : نشوف وقتها يصير خير و يكون بعلمهم بمشي نظام لهم ليله عند وحده وليله عند الثانيه
ام لؤي : ان شاء الله ريماس ماتسوي مشاكل لك مع حرمتك الجديده
لؤي : تخسي تسوي لي مشاكل
ام لؤي : انت روح ارتاح الحين مع زوجتك وانا بجهز لكم الاكل 
طلع لؤي جناحه وشاف تالين راح عندها وقال
لؤي : ليه طلعتي قبلي فوق
تالين بدلع : ببدل ملابسي
لؤي خق : زين حبيبي
تالين : حبيبي
لؤي : عيون حبيبك
تالين : الغرفه ذي لي مو لريماس
لؤي : اي لك شنبي الحين بريماس
استانست تالين وضمته وجهزت له ملابس راح ياخذ شور على السريع عشان بينزلون تحت ياكلون
خرج لؤي من الحمام ( الله يكرمكم) لبس شورت وبلوزه ومسك يد تالين ونزلو سوا تحت وام لؤي مبسوطه لهم
تالين : تبين اساعدك عمه
ام لؤي : خلاص خلصت ي روحي اجلسو تغدو
جلسو يتغدون وبعد ماخلصو شالت تالين الاشياء مع عمتها غسلت وجهزت لهم قهوه وحلا وجلسو يسولفون
ام لؤي : ماشاء الله سنعه تالين عشان تعرف اعرف اختار لك
استحت تالين وصبت لهم قهوه واعطتهم حلا
تالين : تفضلي ي عمه
ام لؤي : اجلسي وين بتروحين
تالين : باجيب جوالي واجي
راحت جابت جوالها وصورت وكتبت كلام وقتها لؤي قرر يصور ونسي وقتها ان ريماس تشوف الستوري حق السناب كتب تسلم يدك ي بعد قلبي توليني وحط منشن لها ما سوا نو ستوري لريماس وماكان مهتم مين يشوف كان مبسوط مع تالين وامه
.
في فيلة ابو ريماس
كان الهنوف عند ريماس نايمه من امس صحيو الاثنين وبعد ماخلصو وفرشو اسنانهم راحت ريماس ومسكت الجوال وجلست تقلب فيه فجأة قررت تدخل السناب وتشوف اللي تعرفهم وش منزلين شافت ان لؤي منزل الستوري جاها فضول تدخل وتشوف وش منزل
دخلت وشافت انصدمت وبنفس الوقت ماهتمت تقول لازم اكون قويه عشان حملي مايصير له شي
الهنوف : رموس شفيك
ريماس : شوفي
الهنوف : وش اشوف
ورتها السناب حق لؤي قالت الهنوف
الهنوف : شعلينه منهم 
ريماس بقوه : انا مالي دخل فيهم بكيفهم بس انا بقوي نفسي ماصدقت احمل ما ابي يصير شي للي ببطني
الهنوف بتشجيع : اي كذا ذي ريماس اللي اعرفها
ريماس : شرايك نطلع نغير جو 
الهنوف : تمام بس منجد مانك متضايقه بعد اللي شفتيه
ريماس : باقولك شي وابيك تسمعيني زين
الهنوف : قولي
ريماس : الحين انا ليش كل الوقت ازعل واتعب نفسي وهو مو مهتم لي ومبسوط مع زوجته الجديده
الهنوف : اي
ريماس : انا بقوي نفسي واسوي كل شي ابيه دام ابوي لسه عايش وبنسبه للولد صح قال بياخذه مني اذا طلقني بس
الهنوف : بس وش
ريماس بتفكير : بس افكر الحين ما ارجع له ارجع بعدين باقوله باكون فتره عند اهلي ارتاح فيها دامني حامل وبعدها ارجع وتشوفين وش بسوي بخليه ينجن ويصير كل ليله يبي عندي
الهنوف ضحت : هههه والله انك خطيره
ريماس : اي ليش اتعب نفسيتي صحتي اهم من اي شي وليش اخسر ولدي او بنتي
الهنوف : وش رايك نخرج بس قبلها نتطمن على اللي ببطنك وبعدها نخرج
راحت ريماس تكلم امها وتقول لها لحظتها كان جوال ريماس مفتوح راحت الهنوف اخذت رقم لؤي وببالها تجننه دام مزعل صديقتها من وهي صغيره قالت
الهنوف : بعدين ببدا بخططي واخليه يصير خاتم في اصبع ريماس لبسو وخرجو وتجهو للمستشفى يتطمنون على الي ببطن ريماس وبعدها يروحون مطعم ياكلون ويشوفون وش بيسون بعدها
.

في فيلة ابو الياس
قبل نرجع لكلام ام الياس نرجع شوي للماضي عند ابو الياس
كان ابو الياس رجال اعمال كبير كان عنده شركة وذي الشركة كان في واحد يبي يسوي معاه صفقه ويدخلون شراكه بس كان ابو الياس يرفض لان سمعت الرجال ماهي كويسه
ابو الياس : كم مرا قلت لكم ذا الرجال مايدخل الشركة عشان سمعت الشركة
السكرتير : كانو يمنعونه بس يدخل غصب عنهم
ابو الياس : طلعو برا
كانت سمعت الرجال زباله لانه تاجر مخدرات كان يبي يخرب على ابو الياس قد مايقدر  
ابو الياس بصراخ : انقلع برا ولا عاد اشوفك هنا
الرجال : انا اوريك وش راح اسوي فيك
خرج الرجال وبعد ايام جا عند الشركة وحاول يفتح سيارة ابو الياس لين فتحها وحط له مخدرات وبلغ الشرطه وجات الشرطه وشالت ابو الياس وحققو بالموضوع لين طلع ابو الياس من السجن وبعد ثلاث ايام خطف الرجال بنته وضحك عليهم انها توفت وبسبب كل اللي صار ابو الياس تعب وتوفى
(نرجع للحاضر)
ام الياس : اي صح تذكرت قبل اختك تنخطف ابوك الرجال اللي كان مصر يدخل صفقه مع ابوك كان تاجر مخدرات وسوا لابوك مشاكل ودخل ابوك السجن وطلع وبعدين اختك وهي تلعب بالحوش انخطفت وبعد مده وصلنا انها توفت وبسبب كل اللي صار ابوك تعب ودخل المستشفى وتوفى
الياس بصدمه : كل ذا يمه صار لكم كان كلمتوني تخسي الجامعه اللي تبعدني عنكم
ام الياس بحزن : ابوك وصاني ما اقول لك شي الا لما ترجع وانا لازم اسوي بوصيته كنت
الياس نزلت دمعته ومسحها عشان امه يحس وده بسبب الصدمه مايكلم احد مايدري ليه الحين طلع ذا السر
ام الياس بقهر على ولدها قالت
ام الياس : تكلم قول شي
الياس بقهر : وش اقول احس بقهر وصدمه امي سألتك بالله اختي جد توفت
ام الياس : اي الله يرحمها
الياس بضيقه : انا بطلع مخنوق يمه
الياس خرج وطلع للحوش حس اذا ركب السياره ممكن يصير له شي جالس بالحوش وفجأة صرخ من القهر والضيقه ويلوم نفسه انه ماكان جمب اهله
الياس : الله يرحمك يبه تحملت اشياء كثيره عشان تخليني اكمل جامعه باكون قد المسؤليه واحافظ على الشركة وعلى امي
الياس جلس يفكر بينه وبين نفسه كيف اختي توفت بعد ما انخطفت احس في شي بالموضوع وانا ببحث واشوف لان مستحيل تكون توفت اكيد قال لهم كذا عشان ابوي ما يبي يدخل معاه شراكه لانه تاجر مخدرات
راح الياس عند امه وقال لها
الياس : يمه اختي كان اسمها العنود صح
ام الياس : اي
الياس : يمه اختي مستحيل تكون توفت اكيد ذي خطه من الرجال عشان يقهر ابوي
ام الياس : كيف
الياس : بعدين افهمك كل شي الحين ارتاحي وانا بمسك ذا الموضوع

#وكأنها_بالهجر_أخطأت