في فيلة ابو ريماس
كانت ريماس بالغرفه واتصلت على صاحبتها الهنوف عشان تفضفض لها اللي صار معاها
بعد مده ردت عليها
ريماس : السلام عليكم
الهنوف : وعليكم السلام
ريماس ببكاء : تعالي عندي
الهنوف بخوف : وش فيك تبكين
ريماس : تعالي عندي احتاجك
الهنوف : يلا الحين جايه
قفلو من بعض وريماس قعدت تنتظرها وبعد مده جات لها
ام ريماس : السلام عليكم
الهنوف : وعليكم السلام وين ريماس
ام ريماس : فوق بغرفتها
الهنوف : تمام
طلعت فوق الهنوف وراحت غرفة ريماس ودقت الباب
ريماس : تفضل
دخلت الهنوف وقامت لها ريماس تحضنها وتبكي
الهنوف بخوف : بسم الله عليك وش صاير معاك
ريماس بضيقه : ما ابيه ما احبه
الهنوف : مين وش صاير قولي لي
الهنوف اخذت ريماس وجلستها على السرير وقالت
الهنوف : تكلمي انا جيت عشانك
ريماس : انا متزوجه لؤي ابن عمي ولي فتره طويله من بعد زواجنا ماحملت
الهنوف : ايه
ريماس : وامه تقولي متى بتحملين وهو كمان متى بتحملين ولازم نروح المستشفى
الهنوف : انت مو بيدك شي اذا ربي مو كاتب لك الحين تحملين
ريماس : قلت له كذا عصب علي وخلاني انام برا بالصاله وبعدها ضربني وامه عصبت علي
الهنوف : مجنون ذا يمد يده عليك وامه معليش يعني شفيها المفروض تفهم ان كل شي في ارادة رب العالمين
ريماس بكت من قهرها جات الهنوف وحضنتها وتحاول تهديها ومو عارف كيف لان ريماس تبكي وتشهق انقهرت منهم حيل
الهنوف بحنيه : رموستي لاتبكين خلاص مع نفسه لاتضايقين عمرك
ريماس بشهاق : هو مايحبني لو يحبني يصبر علي مو يضايقني
الهنوف : خلاص ي عيوني انا هنا عشانك قومي غسلي وجهك وتعالي
قامت ريماس ودخلت الحمام ( الله يكرمكم ) وغسلت وجهها وقبل تخرج جات ام ريماس دقت الباب
الهنوف : تفضل
ام ريماس : كيف ريماس الحين
الهنوف : كانت تبكي ي خاله وخليتها تغسل وجهها
ام ريماس : زين الله يسعدك حاولي تغيرين نفسيتها
الهنوف : ان شاء الله
خرجت ريماس وشافت امها قالت
ريماس : يمه تبين شي
ام ريماس : لا جيت اشوف تبون شي
ريماس : اي يمه باجيب اشياء اضيف الهنوف
ام ريماس : تمام
خرجت ام ريماس وريماس فتحت الجوال وطلبت اشياء لهم وجلست تغير جو شوي مع الهنوف
.
في شقة ابو راكان
رجع راكان من برا ودق الباب فتحت له ريم ودخل
راكان : السلام عليكم
ريم : وعليكم السلام
راكان : وين امي
ريم : جو بغرفتها تقراء قران
راكان : زين
دخل راكان وراح غرفت امه ودق الباب
ام راكان : تفضل
راكان : السلام عليكم
ام راكان : وعليكم السلام
راكان : يمه فاضيه بتكلم بموضوع
ام راكان : ايه
راكان : كنت مع صاحبي عبد العزيز
ام راكان : ايه وبعدين
راكان : قالي افتح مشروع
ام راكان : وش بيكون المشروع
راكان بحماس : بفتح مشروع بانكيك وذي الاشياء
ام راكان : من فين راس المال
راكان : عبدالعزيز بيساعدني بكل شي لين يكبر مشروعي
ام راكان : الله يوفقك يارب ويكتب لك كل خير
جات لهم ريم ودقت الباب
ام راكان : تفضل
راكان سوا نفسه مايشوفها عشان يعلمها انها غلطانه
ريم : ممكن اتكلم معاك ي راكان
راكان مارد عليها ولف وجهه عنها مايبي يشوفها
ريم بدموع : ممكن تسمعني
راكان : نعم وش تبين
ريم : انا اسفه على اللي صار وانا غلطانه المفروض ما اطلع للي اعلا مني
راكان : ماعليه انتِ اختي وانا احبك اعتذري من امي مو مني
ريم : يمه اسفه
ام راكان : الله يسامحك
راكان : انجحي من اول متوسط وانا بجيبه لك اللي تبينه بس الافضل ي ريم نقول الحمدلله على قضاء ربنا عشان اللي معانا مايروح منا كمان
ريم بفرح : ان شاء الله
خرجت ريم من عندهم وانبسط راكان انها جات وعتذرت وحست بالذنب
راكان : يلا باروح ارتاح يمه
ام راكان : تمام
.
في فيلة ابو لؤي
كان جالس لؤي بالغرفه ومقهور من كل اللي صار ولي سوته ريماس قرر ينزل عند امه ويتكلم معاها بخصوص الزواج من وحده ثانيه
نزل تحت وراح عند امه
لؤي : يمه وينك
ام لؤي : هنا بالصاله تعال
راح لها وجبس عندها وقال
لؤي : يمه شصار معاك بخصوص زواجي من الثانيه
ام لؤي : جالسه ادور لك
لؤي : ياريت يمه تستعجلين ابي اتزوج
ام لؤي بفرح : ابشر باشوف لك وحده اذا عجبتني قلت لك عنها
لؤي : تمام ان شاء الله
ام لؤي : صار شي بخصوص ريماس
لؤي : خل تنقلع عمي متصل علي وانا مارديت
ام لؤي : رد عليه شوف وش يبي
لؤي : وش يبي يعني اكيد بيتكلم بخصوص ريماس
ام لؤي : ان شاء الله ابوك مايعصب
لؤي : على وش يعصب وريماس غلطانه
ام لؤي : ما اكلت صح تركتك ريماس بدون اكل
لؤي بجوع : ايه يمه ميت جوع
قامت ام لؤي وحطت لولدها اكل وتتحسب على ريماس عشان تركت ولدها من غير اكل بعد مده جات وجابت له الاكل
لؤي : يمه ما ابي احد يدري غير يوم الزواج
ام لؤي : اللي تبيه
جلس ياكل وبخطط مع امه عشان اللي بيتزوجها ولا كأنهم مزعلين ريماس ومضايقينها
بعد ماخلص اكل قام وطلع الشقه حقته وجلس يتابع على الجوال جاته رساله من ابو ريماس مكتوب فيها
ابو. ريماس : اتمنى انك تتصل علي لان جوالك كل شوي يعطيني مغلق
بعد مده قرر يتصال يشوف عمه وش يبي
لؤي : السلام عليكم
ابو ريماس : وعليكم السلام
لؤي : امر عمي
ابو ريماس بقهر : لازم نتقابل في موضوع ضروري بتكلم معاك فيه
لؤي : ان شاء الله بكرا الحين مشغول
ابو ريماس : تمام
لؤي : تبي شي عمي
ابو ريماس : لا سلامتك
قفل لؤي المكالمه ماله خلق يتكلم مع عمه لان عارف لو طول بتصير مشكله
لؤي : بكرا اروح له اشوف وش يبي فاضي له انا الحين
جلس يقلب بالجوال من برنامج لبرنامج وماكلم ريماس ابدا ولا فكر يراضيها
#وكأنها_بالهجر_أخطأت
أنت تقرأ
#وكأنها_بالهجر_أخطأت
Actionسلطان الشاعر اللي يقصد بإشعاره عن حبيبته المتوفيه ويكره بنت اكبر تاجر مخدرات لانه قتل ابوه وحبيبته ولما يتوفى ابو البنت يسكنها بقصرهم ويعيشها بقن الدجاج ويحرجها بالكلام وينتقم منها ولكن
