في فيلة ابو ريماس
اذن الظهر وراحت ريماس بدلت ملابسها وتوضت وصلت الظهر وبس خلصت دق جوالها وماسمعته لان كانت تجهز نفسها ورجع دق
ريماس : السلام عليكم
لؤي بعصبيه : وعليكم السلام ليه ماتردين
ريماس : هدي لاتعصب كنت اجهز لان بخرج
لؤي : ووين بتروحين من غير ماتقولين لي ماشاء الله عليك
ريماس : بطلع مع اهلي وش فيها يعني
لؤي : انا جاي بالطريق
ريماس هنا انقهرت ورمت الجوال على السرير وراحت تشوف وين ابوها
ريماس : اف ابوي فين
جات امها عندها وقالت
ام ريماس : فيك شي تدورين على احد
ريماس بقهر : وين ابوي
ام ريماس : بالغرفه جالس يجهز في شي
ريماس : تقدر اروح عنده
ام ريماس : اي روحي
طلعت ريماس عند ابوها ودقت الباب
ابو ريماس : تفضل
ريماس : يبه شوف لؤي
ابو ريماس : واحنا ذا مانخلص من مشاكله وش مسوي
ريماس : دق علي وانا ماكنت سامعه لان جالسه اصلي واجهز ودق مره ثانيه وسمعت وعصب علي
ابو ريماس : وليه معصب
ريماس : معصب يقول وينك ماتردين وباجي اخذك اقوله بطلع مع اهلي يقول انا بالطريق
ابو ريماس : انا اكلمه روحي كملي اجهزي اذا ماخلصتي
راحت ريماس الغرفه تكمل تجهز وابو ريماس اتصل على لؤي ورد عليه
ابو ريماس : السلام عليكم
لؤي بأستغراب : وعليكم السلام
ابو ريماس : ريماس تقول لك بتطلع معانا وش فيها يعني
لؤي : انا باجي اخذها ابيها
ابو ريماس : اقول بنتي اليوم بتطلع معي ولا تيجي تاخذها
لؤي بقهر : بس
ابو ريماس : ولا تقول شي خلاص كلامي وانتها يلا مع السلامه
خلصو كلهم وطلعو وركبو السياره
ابو ريماس : كلمته وانتهى الموضوع
ريماس : تمام يبه
ام ريماس : ليكون معصب ذا عليها عشان بتطلع معانا
ابو ريماس : اي خلونا منه خل نستانس
شغلو اغاني وريماس تصور ومبسوطه ورجعت لها الذكريات لما كانت عند اهلها قبل تتزوج ومبسوطه تحس شوي براحه
ريماس : يبه بشغل اغنيه عادي
ابو ريماس : اي خذي اختاري
ريماس اخذت جوال ابوها وشغلت الاغنيه اللي تبيها وصورة عليها ووصلو المطعم ونزلو عشان يتغدون
.
.
في فيلة ابو الياس
كان الياس جالس بالمكتب يخلص الشغل اللي عنده ويتابع يشوف وش صار عشان موضرع اخته
الياس : ياربي وين بنلاقها ذي
قام واخذ جواله ونزل تحت برا الفيله وتصل على سمير
الياس : السلام عليكم
سمير : وعليكم السلام
الياس : وش صار معك بخصوص اختي
سمير : والله لسه كلمتهم يدورون ويشوفون واغلبهم يقولون مالها اثر ولا بمستشفى ولا في اي مكان
الياس بقهر : اف تعبت افكر مو عارف اشتغل زين
سمير : ماعليه لازم تصبر الموضوع يبي له وقت
الياس بعصبيه : كله من الزفت سلطان الله ياخذه
سمير : الله يعين انا متابع معاهم عشان لو عرفت شي بعلمك
الياس : انا بطلع ادور بعد واشوف
قفلو من بعض وركب الياس السياره وصار يدور بكل المستشفيات والفنادق ويشوف وين ممكن يحصلها تعب عشان يلاقيها ومافي لها اثر وقف السياره على جنب ونزل منها
الياس بصراخ : اهههه
جا له واحد وقال له
الولد : بسم الله فيك شي
الياس بتعب : لا بس تعبان شوي
الولد : تبيني اوديك المستشفى
الياس : لا مايحتاج
الولد : تمام بس في شي اقدر اساعدم فيه
الياس : مشكور
الولد : العفو
راح الولد وركب الياس السياره ورجع الفيله وجات له امه
ام الياس : وين كنت
الياس : كنت بمشوار صغير والحين جيت
ام الياس : وش صار معاك
الياس بأستغراب : بوش
ام الياس : متى بتتزوج واختك للان تدور عليها واضح مالقيتها
الياس بقهر: يمه وين اتزوج واختي مو ملاقيها
ام الياس : ماعليه ان شاء الله بتلاقيها ونفرح كلنا ونفرح فيك انت وهتاف
الياس : ان شاء الله يمه انت بس ادعيلي
ام الياس : دايما ادعيلك الله يرضى عليك يارب
الياس : في اكل
ام الياس : اي الحين اخلي العامله تحط لك
راح غرفته وبدل ملابسه وجواله دق رد
الياس : السلام عليكم
هتاف : وعليكم السلام
الياس : فيك شي
هتاف بحب : بسحبيت التطمن عليك
الياس : تعبان شوي
هتاف بخوف : بسم الله عليك وش فيك
الياس بضيقه : اختي ي هتاف للان مالقو لها اثر
هتاف : لاتضايق نفسك ان شاء الله بترجع
الياس : كله من الزفت سلطان حسابه معي بس ماني فاضي له الحين
هتاف :اكلت
الياس : لسه الحين العامله بتجهز الاكل كنت ابدل ملابسي
هتاف : تمام اخليك تاكل وبالعافيه
.
.
في قصر ابو سلطان
كان سلطان جالس بالحديقه حقت القصر ومستغرب كيف كذا العنود اختفت وماعاد لها اثر ولا شي وان الياس معصب منه وحاطط كل اللوم عليه وحالس يسوي اتصالاته عشان يلاقونها بس مالها اثر بالمره
سلطان : يوه ماعرفتو شي
الولد : اي مالقينا لها اثر كل مكان دورنا
سلطان : بسم الله ذي وين اختفت
الولد : تتوقع احد خاطفها
سلطان : مدري انا تعبت من التفكير كل يوم اصحى وانام وانا افكر
الولد : مدري انا احساسي يقول ممكن احد خاطفها ومطلعها من هنا عشان لاحد يحس عليه
سلطان : وكيف بنعرف اذا احد خاطفها
الولد : خل نشوف ونبحث
سلطان : تمام
قرر سلطان يطلع ويدور عليها ومو ملاقيها هو بعد الا فجأة يدق جواله
سلطان : السلام عليكم
الياس : وعليكم السلام ابي افهم يعني اختي وين راحت
سلطان : وش دراني زي زيك ادور عليها مالاها اثر
الياس بعصبيه : كله منك انت حيوان
سلطان : لاتعصب وتسوي فيها كلنا جالسين ندور
الياس : اتمنى اختي ترجع بخير واذا كان فيها شي ياويلك مني
سلطان بقهر : اقول اذا بتدق تهاوش نقفل احسن
الياس : يكون احسن
قفلو من بعض وسلطان انقهر مره منه ما يدري من وش ولاوش يلقها مو قادرين يحصلونها ولا يعرفون شي
سلطان بتفكير : هذي وين انقعلت اف
رجع القصر ودخل جات له اسيل
اسيل : سلطان
سلطان بصراخ : ابعدي عني مو ناقصك انت بعد
اسيل : وش فيك بسم الله
سلطان : وش تبين اخلصي
اسيل : ابي فلوس حول لي
سلطان : ياليل الليل كل شوي حولي لي وحول لي ماتشبعين انت
اسيل : حول لي اخلص
سلطان بعصبيه : اتكلمي معي زين احسن لك
اسيل : خلاص هدي
سلطان : تمام بحول لك بس اذلفي عني
اسيل : طيب
راحت اسيل الغرفه ومقهوره من سلطان وجاتها حواله حول لها وراحت تطلب لها اللي تبيه تحب دايما كل شوي تشتري اشياء جديده وان هي احسن من الناس تقدر تجيب اي شي تبيه
انتهى🔥
#وكأنها_بالهجر_أخطأت
أنت تقرأ
#وكأنها_بالهجر_أخطأت
Actionسلطان الشاعر اللي يقصد بإشعاره عن حبيبته المتوفيه ويكره بنت اكبر تاجر مخدرات لانه قتل ابوه وحبيبته ولما يتوفى ابو البنت يسكنها بقصرهم ويعيشها بقن الدجاج ويحرجها بالكلام وينتقم منها ولكن
