في الشركة عند الياس
كان جالس الياس يسمع من سمير المعلومات اللي جابها له عن موضوع اخته ومن ضمن الاشياء اللي اعرفها سمير عرف بطريقته يعرف مين اخته لـ الياس تكلم الياس وقال
الياس بلهفه : تكفى وين اختي قول لاتسكت
سمير : الصراحه اختك عند واحد اسمه سلطان وهو عايش بقصر
الياس بصدمه : منجد ولا تمزح معي
سمير : انا ذي المعلومات اللي اعرفتها
الياس : ماني مصدق اختي طلعت عايشه زي ماكنت حاسس حسيت في شي بالموضوع
سمير : وش تبي اسوي الحين
الياس : احفظ وخلي ذا الكلام بينك وبين نفسك لاحد يدري عنه وانا باروح اشوف الموضوع واخذ اختي من عنده انا موجود اختي تكون في حمايتي
سمير : حاضر ي استاذ بيكون بينا
الياس : انا باروح لان انا اعرف سلطان ذا زي ماكنت متوقع اختي كانت معاه
سمير : تمام واذا في شي خبرني
الياس : تمام كلم السواق يجهز السياره
كلم سمير السواق وجهزو السياره وخرج الياس وهو بالسياره اتصل على سلطان وقال له
الياس : السلام عليكم
سلطان : وعليكم السلام امرني
الياس : لازم نتقابل في موضوع مهم لازم اتكلم معاك في ماينفع بالجوال
سلطان : تمام تعال عندي القصر برسل لك الموقع
الياس : اي ياريت لان الموضوع مايتأجل
سلطان : تمام
قفلو من بعض وسلطان رسل ل الياس الموقع وفتح اللوكيشن الياس واعطه لسواق عشان يوده ويحس متوتر مايدري وش بتكون ردة فعل سلطان والعنود ويفكر اذا العنود بتتقبلهم او لا
الياس : كم باقي ونوصل
السواق : 10 دقايق
الياس : تمام
وصلو ونزل الياس وهو متوتر وخايف مايدري كيف بيفتح الموضوع
.
في فيلة ابو لؤي
بعد ماخرجو وخلصو مشوارهم رجعو وكانو مبسوطين طلعت الشقه تالين وجلس لؤي تحت عند امه
لؤي : السلام عليكم
ام لؤي : وعليكم السلام
لؤي : وش مسويه يمه
ام لؤي : ولا شي جالسه انت كيفك مع تالين
لؤي : ماشي الحال
ام لؤي : صاير شي بينكم متزاعلين
لؤي بابتسامه : لا يمه بالعكس مستانسين
ام لؤي : عشان تعرف امك تختار لك الزين عشان ترتاح وعقبال ما اشوف عيالكم
لؤي : ان شاء الله
جات لهم تالين كانت ام لؤي بتتكلم بخصوص ريماس بس لؤي خلها تسكت عشان تالين ماتضايق
تالين : السلام عليكم ي خاله
ام لؤي : وعليكم السلام
تالين بابتسامه : اشتهيت لك ذا ي خاله معي واحنا برا
ام لؤي بفرح : تسلمين الله يسعدك
جلسو ويسولفون سوا ومستانسين ولؤي للحين باله مشغول يفكر بالي شافه بسناب ريماس وده يتصل عليها يقولها وينك اشتقت لصوتك بس يكابر صار شعوره يحسه ضايع بين اثنين بين انه مرا يبي تالين ومرا يبي ريماس
عطش لؤي وجا بيطلب مويه قام قال
لؤي بحب : رموسه حبيبي جيبي لي مويه
ام لؤي استغربت وسكتت ماحبت تتكلم عشان ماتضايق على ولدها تالين تكلمت وقالت
تالين بقهر وصراخ : كم مرا تخربط في اسمي اول مرا واحنا خارجين ووقبلها عصبت علي عشانها والحين كمان اذا مشتاق لها وتحبها ليه تزوجتني ابي افهم
انهقر لؤي عشان تصارخ عليه قدام امه عصب وجا بيمد يده عليها امه مسكت يده
ام لؤي : مايصير كذا ي لؤي برضه انت الغلطان
لؤي : اغلط ولا ما اغلط ماحد له دخل فيني خل تنقلع تجيب لي مويه
تالين : ماني جايبه لك شي مو انت تبي ريماس تجيب شوف مين يجيب لك الله يسد نفسك جايه مستانسه خربت علي
ام لؤي : صلو على النبي مو كذا تنحل الامور
تالين : خاله لك الحشيمه بس ولدك زودها مرا كثير
لؤي بعصبيه : تالين انقلعي اطلعي الشقه حقتنا
تالين : بنقلع بس لاتيجي وتعتذر مارح اقبل الاعتذار
راحت ودموعها على خدها ومقهوره وهو جالس عند امه
تكلمت امه وقالت
ام لؤي : ودي افهم ليه كذا تتكلم معاها
لؤي : ماحد له دخل بيني وبين زوجتي
ام لؤي : تكلم معي في ادب قوم من هنا احسن خلني لحالي
لؤي : بنقلع من هنا باروح لصاحبي احسن من الجلسه عندكم
خرج وهو مقهور واح لصاحبه وهو مسرع كان بيصير عليه حادث بس ربي ستر
.
في فيلة ابو ريماس
كانت جالسه بغرفتها مسويه جو قهوه وتتفرج على مسلسل والاجواء كانت بنسبه لها خيال طبعا عدة الايام وكبر بطن ريماس شوي تقريبا الشهر 4 صارت هي تحس الايام عدة سريع تحس كأن امس وصل لها خبر الحمل
بنص الجلسه حست اللي ببطنها يتحرك استانست صارت تنادي على امها
ريماس بفرح : يمه
ماردت ان ريماس رجعت تنادي
ريماس : يمه تعالي
جات لها ام ريماس وقالت
ام ريماس بخوف : فيك شي
ريماس بحماس : لا يمه بس حسيت فيه يتحرك
راحت ام ريماس عند بنتها وحطت يدها على بطنها ورجع تحرك وحست فيه
ام ريماس : متى الموعد نعرف بنت ولا ولد
ريماس : باروح بكرا لان لازم كمان اتطمن على صحتي البيبي
ام ريماس : تمام نروح سوا
ريماس : بخلي الهنوف تيجي كمان ما استغني عنها
ام ريماس : تمام
حضنت ريماس امها وقالت
ريماس : احس ماودي اعرف بنت ولا ولد وش الفايده ولؤي مو مهتم لي ولولده او بنته اللي بتيجي
ام ريماس بحنيه : ماعليه خيره من رب العالمين وبكرا بس يجي بتلاقينه بيحن عليه وبيحبه ويسوي كل شي له
ريماس بحزن : ان شاء الله ما اتمنا يتربون بدون اب
خرجت ام ريماس من عند بنتها وراحت ريماس واتصلت على الهنوف
ريماس : السلام عليكم
الهنوف : وعليكم السلام
ريماس بسعاده : هنوفي تخيلي تحرك وهو في بطني حسيت فيه
الهنوف فرحت لها وقالت
الهنوف : ماشاء الله ربي يبشرك فيه ويكون الخلقه التامه وتنبسطين يارب
ريماس : امين اسمعي جهزي بنروح بكرا انا وانت وامي نشوف بنت ولا ولد
الهنوف : ابشري بس بتسوين حفلة تحديد الجنس
ريماس : اي وابيك انت تكلمين الدكتوره تعرفين منها عشان تجهزين كل شي وابي اتفاجاء بالحفله
الهنوف : تمام من عيوني
ريماس : احبك
الهنوف : اكثر يلا اخليك امي تناديني
ريماس : مع السلامه
#وكأنها_بالهجر_أخطأت
أنت تقرأ
#وكأنها_بالهجر_أخطأت
Actionسلطان الشاعر اللي يقصد بإشعاره عن حبيبته المتوفيه ويكره بنت اكبر تاجر مخدرات لانه قتل ابوه وحبيبته ولما يتوفى ابو البنت يسكنها بقصرهم ويعيشها بقن الدجاج ويحرجها بالكلام وينتقم منها ولكن
