في فيلة ابو ريماس
جات عندها الهنوف وطلعت لها فوق الغرفه ودقت الباب
ريماس : تفضل
الهنوف : السلام عليكم
ريماس : وعليكم السلام
الهنوف : شوفي وش جبت لك
ريماس بفرح : الله تدرين مشتهيتها
الهنوف : وانا اخلي شي بخاطر اختي
ريماس : الله يسعدك
جلسو على السرير عشان ريماس حامل ماتقدر تجلس على الارض وتكلمت الهنوف وقالت
الهنوف : وش صاير معك اليوم انتِ
ريماس : اف لو اقولك بتنصدمين
الهنوف : قولي قولي
ريماس بقهر : تخيلي امه متصله علي تقولي ارجعي لبيتك ترا لؤي تعب وانه دخل سجن
الهنوف بصدمه : اما
ريماس : وربي قالت لي كذا
الهنوف : اي كملي
ريماس : اي وقلت لها اجل ليه تزوج دام مايقدر يعيش بدوني جلست تحاول فيني عشان ارجع وارجعي عشانه وعشان بنتك وكذا
الهنوف بأستغراب : من غير ما تزعلين مني بس امه غريبه
ريماس : من ناحية غريبه فهي غريبه
الهنوف : بالبدايه تتسرع عشان تبي ولد او بنت لولدها وزوجته رغم انه يحبك وبعدين تصير تقولك ارجعي ومدري ايش
ريماس : تبين الصراحه ماعاد صرت افهم لهم وابوي درا وقال بيكلم عمي لان مو عاجبه اللي يصير
الهنوف : زين
قامت ريماس تضيف الهنوف وكملو سوالفهم والهنوف كل مالها تستغرب من لؤي
الهنوف : تدرين انا احس ارجعي واكسري تالين
ريماس : مو منجدك شايفه وش سوا
الهنوف : عارفه بس انتِ لو ترجعين وتجننينه بكذا انتِ تكونين الكسبانه لان لو ضليتي عند اهلك الرجال حتى لو يحبك بيمل منك ويروح لها
ريماس بأستغراب : مدري احس يبي لي افكر
قامو شغلو فلم على الايباد وجلسو يتابعون وياكلون وهم مستمتعين وتحس ريماس ارتاحت بعد مافضفضت للهنوف ومستغربه من كلامها
ريماس : تدرين ودي اجيب اسم حلو لبنتي
الهنوف : مابتسمين على امه
ريماس : لا ما ابي احس ما ابي تكرار
الهنوف : خل افكر بعدين واذا لقيت اسم باقولك
جات عندهم ام ريماس تطمن على بنتها وشافتها مبسوطه خرجت وخلتهم ياخذون راحتهم وهي راحت عند زوجها
.
.
في قصر ابو سلطان
بعد مارجع سلطان من المستشفى هو ندى وعمر دخلو القصر وداهم غرفهم يرتحون ونزل تحت معصب عشان اللي صار
سلطان بعصبيه : تعالو هنا بسرعه
المربيه : وش فيك استاذ سلطان
سلطان بصراخ : كم مره قلت ندى وعمر ماينتركون لوحدهم
المربيه : انا كنت ارتب غرفتهم واشيائهم
سلطان : مو تبرير دام مشغوله ماتخلينهم ينزلون لوحدهم تحت
المربيه : انا اسفه
سلطان بقهر : انقلعي من هنا ومخصوم من راتبك
المربيه انقهرت وماقالت شي راحت من عنده تطمن على ندى وعمر وهو راح الغرفه ياخذ شور دافي
بعد ماخلص توضى وقرر يصلي ركعتين يدعي ربه صار يدعي من كل قلبه ويدعي ان العنود ترجع له ويعيشون مرتاحين سوا
بعد ماخلص قام وقراء شوي من سورة البقرة وبس خلص طلع يتطمن عليهم كلهم يشوف احد محتاج شي يحس ما يبي احد من اخوانه ناقصه شي
جات اسيل عند سلطان وقالت
اسيل : سلطان ممكن طلب
سلطان : امريني
اسيل : ابغى فلوس ابي اطلب حاجه من موقع
سلطان : كم
اسيل : هو بألف
سلطان : تمام خليني اشوف كم فيها البطاقه واحول لك
اسيل بحب : الله يخليك لي يارب
سلطان بحنيه : امين يارب
رجع غرفته وشاف كم فيها صرافته وحول لها ٣٠٠٠ عشان تنبسط وجلس يشوف امور شغله عن طريق الجوال ويبي يحاول كمان يشوف كيف بيحصل العنود مايبي يفقدها زي مافقدت حبيبته
.
.
في فيلة ابو لؤي
كانت جالسه ام لؤي مع زوجها تحت في الصاله فجأة نزلت لهم تالين معصبه من الوضع اللي هي في
تالين بعصبيه : وين لؤي
ابو لؤي بحده : تكلمي بأدب زوجك المصون بسجن
تالين بصدمه : اما
ابو لؤي : اي كله منك ومن امه
تالين : انا وش دخلني كل شي فوق راسي الله ياخذه
ابو تالين : انقلعي من هنا احسن لك
تالين بصراخ : انا احتاج اشياء مين يجيبها لي
ابو لؤي ماتحمل صراخ تالين وقام ضربها كف
تالين مسكت خدها وقالت
تالين ببكاء : انا باروح عند اهلي وبس يطلع لؤي من السجن يصير خير
ام لؤي بترجي : لاتروحين خليك عشان لؤي
تالين : لا باروح وبعدين نتفاهم كرامتي فوق كل شي
اتصلت تالين على ابوها وبعد ساعه اخذها وهي طلعت له بدموعها وام لؤي قالت
ام لؤي بصراخ : عاجبك حتى ذي راحت
ابو لؤي بعصبيه : انطمي كله منك خربتي حياة ولدك انتِ السبب انقلعي من وجهي احسن ما ارمي عليك اليمين
ام لؤي بقهر : بس معصب ماتبي تحل شي
ابو لؤي : لو بحل شي بحل ان ولدك يرجع لريماس ويكون مرتاح وياريت ماتدخلين بشي لان انت خربتي كل شي
ام لؤي : اوك بس بعدين لاتدخلوني بشي
ابو لؤي بتعب : خلاص روحي من هنا انا تعبان هليني ارتاح
راحت من عنده ام لؤي وهو جلس يفكر ايش بسوي قام اتصل على اخوه وبعد مده رد عليه
ابو لؤي بتعب : السلام عليكم
ابو ريماس : وعليكم السلام شفيه صوتك
ابو لؤي : تعبان ودي نتقابل نتكلم شوي بموضوع
ابو ريماس : تمام متى تبي
ابو لؤي : خليها في الليل اجي لك
ابو ريماس بحب : حياك في اي وقت
ابو لؤي : تمام بعد العشاء وانا عندك
قفلو من بعض واذن المغرب قام ابو لؤي يصلي ويدعي بكل قلبه ان موضوع ولده ينحل
انتهى🔥
#وكأنها_بالهجر_أخطأت
أنت تقرأ
#وكأنها_بالهجر_أخطأت
Actionسلطان الشاعر اللي يقصد بإشعاره عن حبيبته المتوفيه ويكره بنت اكبر تاجر مخدرات لانه قتل ابوه وحبيبته ولما يتوفى ابو البنت يسكنها بقصرهم ويعيشها بقن الدجاج ويحرجها بالكلام وينتقم منها ولكن
