في قصر ابو سلطان
صحيت العنود الساعه ٧ الصباح دخلت الحمام ( الله يكرمك) غسلت وجهها وفرشت اسنانها وتوضت وخرجت تصلي الفجر بعد ماخلصت واستغفرت ربها ودعت قامت
وبدلت الملابسها وقررت تنزل تحت تسوي لها فطور
العنود بينها وبين نفسها : لازم ابدا افكر وش اسوي مع سلطان لازم اخليه يتعذب عشان اعطيه وجه
نزلت وراحت المطبخ كان سلطان موجود ويتكلم مع امه قالت العنود
العنود بابتسامه : صباح الخير خاله
ام سلطان بدالتها الابتسامه : صباح النور
مشيت العنود من قدام سلطان متعمده وراحت طلعت اشياء لها عشان تاكل وسوت شاهي
هنا لحظتها سلطان وصلته ريحت العنود وتنهد وحاول مايبين شي قدام امه
سلطان بتوتر : يمه انا بطلع برا بس تخلصي اجيك
ام سلطان : تمام بكلمهم يجيبون لك شي تشربه
سلطان : تمام ابي قهوه
خرج سلطان لان ماتحمل والعنود حست انه توتر من بعد ما مشيت من قدامه قالت بينها وبين نفسها
العنود : ذي البدايه لسه ماشفت شي
ام سلطان : كيف صحتك ي عنود
العنود : الحمدلله احسن
ام سلطان : عسى دوم
خلصت العنود فطورها واخذت كل شي وطلعت للحديقه عشان تجلس برا ماودها تشوف سلطان
مسكت جوالها وتصور وتشغل اغاني وهي مبسوطه لان قدرت تنام من غير مشاكل ولا يحبسها بالقن
جات لها اسيل وقالت
اسيل بدون نفس : الحمدلله على سلامتك
العنود باستغراب : الله يسلمك
راحت اسيل وتركت العنود وفجأة الدنيا مطرت العنود من فرحتها صارت تصرخ تحب المطر مرا قامت شغلت اغنية هنغني كمان وكمان وترقص وتجري تحت المطر ومبسوطه من قلبها فجأة طلع سلطان وشافها خق على شكلها تحت المطر صار يطالع فيها ماشال عيونه
حست عليه قامت قالت
العنود : وش تبي تطالع فيني
سلطان بتنهيده : خرجت اشوف مين اللي يصرخ احسب في شي
العنود بابتسامه : لا انا مبسوطه تحت المطر
راحت العنود وتركته ورجعت تجري تحت المطر ومو هامه شي غير سعادتها تحس اليوم اجمل يوم لها لان تعشق المطر ونامت وهي مرتاحه من كل شي كان يصير معاها
.
في فيلة ابو الياس
صحي الياس اخذ شور خفيف لبس ملابسه وكالعاده رش من عطره ولبس ساعته ونزل تحت عند امه عشان بيفطر وبعدها بيطلع للشركه عشان عنده اجتماع مهم وبعدها وده يقابل سلطان يسولف معاه
الياس بابستامه : صباح الخير يمه
ام الياس بادلته الابتسامه : صباح النور
الياس : لاتنسين بعد الفطور الدواء يمه
ام الياس : تمام
الياس بتفكير : يمه عندي سؤال
ام الياس باستغراب : وش قول
الياس : امس مدري وش فيك كنتِ تبكين وقبلها كان بالدولاب حقك ورقه غريبه كأنها حقت ابوي الله يرحمه
ام الياس بتوتر : فتحت الورقه
الياس : لا مافتحتها ليه
ام الياس بضيقه : ذي الورقه سالفتها سالفه ي ولدي بعد ماتخلص اشغالك تعال وباقولك كل شي لان صار اليوم اللي لازم تعرف فيه كل شي
الياس استغرب ان امه متضايقه وحس في شي غريب وسر ورا الورقه توتر بس قال
الياس : خلاص بعد ما اخلص الاجتماع المهم باجي وافهم منك كل شي
هنا ام الياس تضايقة حيل ماودها تنفتح جروح قديمه جات بتقوم طاحت على الارض من التعب والتفكير كيف بتفتح الموضوع لالياس لان الياس مايدري ان اخته مخطوفه بس يدري انهم متوفين قام الياس وراح جري عند امه حاول يصحيها وصحيت الحمدلله ارسل لسمير وقال
الياس : قول لهم يأجلون الاجتماع لبكرا امي تعبانه بجلس معاها
حط جواله على جمب وجلس عند امه
ام الياس : انا بتكلم وباقول عشان لاصار شي لي تكون عندك خبر وما تسمع الخبر من الناس
الياس : يمه بعدين انتِ الحين تعبانه
ام الياس بتعب : لازم تعرف كل شي خليني اتكلم
الياس : تفضلي يمه قولي
ام الياس : انت لما طلعت برا تكمل جامعه وقتها انا جبت بنت وقلنا لك بس انت وقتها ماقدرت تيجي تشوفها لان كنت مرا مشغول عشان الدراسه ومشروع الجامعه وذي الامور
الياس بتوتر : اي وش صاير
ام الياس : ويوم من الايام اختك الله يرحمهت كانت تلعب بحوش الفيله ومبسوطه
الياس بخوف : يمه وش فيه بديت اخاف
.
في شقة ابو هتاف
قامت هتاف وجهزت لبست ملابس دوامها وحطت مكياج خفيف وبعد ماخلصت خرجت من الغرفه وراحت عند ابوها تشوفه قبل تروح ماكانت تدري ان الاجتماع تأجل لبكرا
دقت الباب الغرفه حق اهلها امها قالت
ام هتاف : ادخل
هتاف بابتسامه : صباح الخير
كلهم مع بعض : صباح النور والسرور
هتاف : كيفك بابا
ابو هتاف : الحمدلله انتِ كيفك
هتاف بسعاده : مبسوطه ي احلا اب
باست راسه وقالت
هتاف : بدك اجيب لك شي معي وانا راجعه من الدوام
ابو هتاف : مشكوره ي بنتي
ام هتاف : بتدوامي
هتاف : اه في اجتماع مهم
ام هتاف : الله يوفقك
ابو هتاف : يلا روحي عشان ما تتأخري
هتاف : بستنا السواق يوصل
جاها اتصال وردت وكان سواق اوبر ودعت اهلها وخرجت وقالت له يوديها الشركة بعد ماوصلت وحاسبت نزلت
ودخلت الشركة راحت مكتب الياس وماحصلته استغربت
خرجت وراحت عند سمير دقت الباب
سمير : تفضل
هتاف : السلام عليكم
سمير : وعليكم السلام
هتاف : الياس ما جا
سمير : رسلي رساله على الواتس يقول نأجل الاجتماع لبكرا امه تعبانه
هتاف بخوف : بسم الله شفيها
سمير : والله ما ادري وانا كلمتهم ان بكرا صار الاجتماع وتقبلو الوضع الحمدلله بعد معناه
هتاف : تمام
خرجت هتاف وتتصل عليه ماكان يرد كان يحس ماله خلق احد بسبب الاشياء اللي امه تقولها له
هتاف : اف ليه مابرد ليكون صار معاهم شي يارب سترك
جلست هتاف شوي خلصت اشغالها وبعد ماخلصت خرجت ورجعت عند اهلها وكان في سواق قال لها انا بوصلك عشان الياس قال له انت مسؤل عن هتاف
هتاف قالت له يوديها محل تجيب منه اشياء لاهله تسعدهم وجابت لهم ورد ورجعت للبيت تفرحهم
#وكأنها_بالهجر_أخطأت
أنت تقرأ
#وكأنها_بالهجر_أخطأت
Actionسلطان الشاعر اللي يقصد بإشعاره عن حبيبته المتوفيه ويكره بنت اكبر تاجر مخدرات لانه قتل ابوه وحبيبته ولما يتوفى ابو البنت يسكنها بقصرهم ويعيشها بقن الدجاج ويحرجها بالكلام وينتقم منها ولكن
