The Poetry

7. Kshitij Ki Khoj

Us panchi ki tarah ek baar is aasman me fir ud jaungi,
Pankh mere aise kholungi kisi ke hath na aaungi.
Na ant ki seema hogi, na ant ka bhay hoga!
Anant aakash ke safar me fir nikal jaungi,
Us kshitij ki khoj me fir nikal jaungi....

Badal aaj fir garjenge,
Baarish ki boonde aaj fir mujhe sparsh karegi,
Toofan ek baar fir aayega!
Har panchi fir apne ghar jayega,
Par mein, mein nahi jaungi,
Us kshitij ki khoj me fir nikal jaungi....

Thak chuke hai ab pankh mere,
Abhi bhi safar baki reh gaya hai mera.
Ruk kar ek jagah thode apne pankho ko aaram deke,
Me fir nikal jaungi!
Thaan liya hai aaj kisi ke hath na aaungi!
Us kshitij ki khoj me fir nikal jaungi....

Raat ho gayi hai ab andheri,
Nahi dekh pa rahi hu kuch bhi ab me,
Ek anjaan khatre ka bhay bhi hai..
Aaj fir mujhe bandhne ki koshish hogi,
Un bandhano ko mujh par haavi na hone dungi!
Pankh mere failakar sab seema me tod dungi,
Aur us kshitij ki khoj me fir nikal jaungi....

★✩★✩★✩★✩

𑁍 Have you ever felt so fearless that, even without a destination you'd still continue on your journey - walking with nothing but just yourself, all alone ?

"Kshitij" is the line where the sky seems to touch the land or water. You can think of it as the imaginary edge of the sky. With that, I leave the rest of interpretation to you. ❀

Thank you for reading!:)