إنت معاك (حشيش)؟
قولتلي بقى نبقى نقابلك فين لو جبنا امتياز ؟
خلاص يا عم حقك علي، أنا محقوقلك.
قالها (سيد) فأخذ (أمجد) قطعة الحشيش وفض عنها الورقة لتظهر
قطعة بنية صلبة.. نظر لها بشوق وهو يقول:
كده ناقصلنا جوزة
نهض (سيد) منفعلا وهو يقول:
- لا كله إلا الحرام.
أخذ (صادق) قطعة الحشيش وهو يقول ساخرا:
وهو الحشيش اللي حلال اوعى تعترض وإلا والله مش ها تشرب
حاجة وهاضيع مستقبلك.
- ها تضيعه ازاي؟
ها حرمك من الميراث وها تبقى لا ابني ولا اعرفك.
هنا قال (أمجد) بجدية
- "نكتك رخمة أوي يا صادق) وانت يا سيد) روح قوم بقى روق
الشقة وشوف ها تطبخلنا إيه؟"
طب حد فيكم يساعدني.
لا يا حلو إحنا اتفقنا إن الحاجات بينا بالنص، إنت تطبخ وتمسح
الشقة وتذاكر لنا واحنا علينا مصاريف الشقة والأكل.
انتفض (صادق) قائلا:
والحشيش.
سار (سيد) بعيدا عنهما فقال (صادق)
على فكرة المطبخ مفيهوش بوتجاز ها تلاقي باجور قديم عندك أنا خليت البواب ينضفه ويسلكه ويجبلك جاز.
طب حد فيكم ينزل يجبلي أكل علشان اتنيل اعمله بعد ما انضف
اكتبلي كل اللي انت عايزه في ورقة وانا هانزل دلوقتي.
***
مرتديا ملابس بسيطة وممسكا بخرقة من القماش راح (سيد) ينظف الشقة التي ملأ الغبار كل ركن منها.
كان (صادق) قد خرج ليشتري ما طلبه منه (سيد)، بينما راح (أمجد) يعبث بمحتويات الشقة بفضول مركزًا اهتمامه على الغرفة الغريبة المليئة بالكراكيب
كان (سيد) يدندن بأغنية وهو ينظف الشقة
أنا هويته وانتهيت.. وليه بقى لوم العزول.. يحب...
أنت تقرأ
ابتسم فأنت ميت
Horrorلا يمكنك أن تجبر أحد علي الابتسام ......إلي وهو ميت رواية ابتسم فانت ميت للكاتب حسن الجندي
