عاصفة

البارت الاول ❤️

حلمها تدخل عالم الملاكمه والدراجات بس العالمين مختلفه تنهدت وهي تناظر السقف باقي على وظيفتها بدوام الجزئي كم ساعه تنهدت وقفت قبل ترتب شعرها اللي قصته وبدت تعتمد على نفسها واختارت اكثر مكانين الخطر عليها فيها بشكل كبير
طلعت لبسها بدلت خذت كوب قهوه قبل تطلع وطلعت من الصندوق ٥٠ ريال قبل تطلع لو جاعت تشتري لها شي بعد ماتنتهي من شغلها وصلت للصاله اول ماشافته قدامها
المدرب عزيز : هلا سعود
ملاذ: اهلين عزيز اسف تاخرت
المدرب عزيزعفس شعرها : ماتاخرت هذا وقتك يلا هذا مفتاح الصاله بس تخلص اتركه معك اذا تاخرت او بجيك البيت
ملاذ: لااا تكفى لايجلس معي تعال خذه او بنتظرك لما تخلص شغلك
عزيز : تمام يلا انتبه لنفسك
ملاذ دخلت الصاله حلم من احلامها تعلم الملاكمه بس تعرف انه مستحيل تدخل بهالعالم مسكت القفاز قبل تجرب تضرب كيس الرمل ابتسمت قبل تمسك ادوات التنظيف وتبدا شغلها المعتاد كانت تنظف صاله الملاكمه بالليل وتشتغل بالصباح بشركه دبابات والعصر بمشغل مصففه شعر كانت الوظيفه الوحيده المختلفه لها  تعمدت انها تختار مكان تحبه حتى لو مارح تقدر تسوي اي منها كملت تنظيف وبعد ساعتين من الترتيب والتنظيف سمعت صوت الباب استغربت عزيز قال يمكن ٣ ساعات او يتاخر عن الوقت المحدد بيمرها البيت
دخل للصاله وانتبه لها عقد حواجبه قرب منها ببرود تكلم معها : انت سعود ؟
ملاذ: اي انا اسف بس الصاله مقفله مثل منت شايف
فالح : عارف بس عزيز قال لي فيني اتدرب الحين وانت تقدر تمشي اذا خلصت شغلك
ملاذ : لا مايحتاج بنتظر عزيز لما يجي
فالح ناظرها لفتره اما ملاذ بعدت عنه برتباك
ملاذ شفيه هذا يناظرني كذا معقول حس ؟ لا وش جالسه اقول انا !
راحت تكمل ترتيب الادوات اما فالح راح يبدل ورجع لابس لبس الملاكمه وبدا يتدرب وكان مافي احد بالصاله غيره اما ملاذ اللي وقفت تناظره بنبهار
بعد ما انتهى من اول جوله
فالح بدون مايلتفت لها : بتناظرني كذا لوقت طويل ؟
ملاذ انتبهت لنفسها : اسف
فالح : تعرف تلاكم ؟
ملاذ استغربت : ها ؟
فالح : تعرف للملاكمه ؟
ملاذ : لا ماعرف بس احبها
فالح : تعال
ملاذ ناظرته بتوتر شفيه هذا غصب ؟ تذكرت ان عزيز كان مرات يتدرب ويقول لها تجي تتمرن معه بشكل خفيف. !
تقدمت منه قبل ترفع يدها تمرن معها بشكل خفيف
فالح: اول مره اشوفك تجي بهالوقت انت !
ملاذ : فيك تقول كذا
ناظرها فتره قبل يدخل غرفه التبديل جلست على الزاويه تنتظر يطلع علشان تقفل الصاله بعد وقت طلع
فالح: رح تنتظر عزيز ؟
ملاذ: اي ضروري اسلمه المفتاح
فالح: تبغى اوصلك له اذا تعرف مكانه بدل الانتظار ؟
ملاذ: لا شكرا
طلع تاركها بالصاله لحالها
رتبت الكم شي الاخيره قبل تمشي بتجاه الباب سمعت صوت جوال استغربت قبل تمشي لغرفه التبديل وتشوف الجوال موجود بالطاوله تنهدت اكيد بيرجع ياخذه لان ماكان فيه جوال ثاني غيره
بهالوقت دخل الصاله
عزيز: سعود وينك ؟
ملاذ سمعت صوته وطلعت برا الغرفه: هلا عزيز
عزيز ابتسم : على البركه شريت جوال جديد
ملاذ ابتسمت : وانا اقدر ان شاء الله اشتري قريب بس هذا لشخص اللي كان موجود من شوي
عزيز استغرب: من اللي جاي هالوقت !
ملاذ ارتبكت: مو انت قايل له يدخل
عزيز: لا ما احد اتصل علي انت متاكد
ملاذ زادت ربكتها وتوترها: اي والله هو قال لي انه انت سمحت له يتمرن ونسى جواله هنا
عزيز كان بيرد بس جوال فالح دق
عزيز اخذ الجوال ورد بس الصوت اللي جاه عرفه : فالح ؟
فالح: هلا عزيز اسف نسيت جوالي بالصاله اتركه معك لما اجيك تمام
عزيز : لحظه انت اللي جيت
فالح: اي ارسلت لك اني بروح للصاله كويس حصلت فيها الولد
عزيز : اها> وجه كلامه لملاذ> سعود اللي جاء هنا يكون صاحبي
فالح: نتلاقى واخذ الجوال
عزيز: تمام
سكر منه وناظر بملاذ: اسف تعبتك معي اليوم كثير وانت وراك دوام الصبح
ملاذ: ولايهمك اقدر امشي
عزيز: وين تمشي لا لحظه بوصلك
ملاذ: مايحتاج توصلني كلها حارتين واوصل لشقتي
عزيز : شايف الوقت انت
ملاذ بحلطمه: دايم اروح بروحي ليه اليوم يعني !
عزيز: تقول شي
ملاذ: لا ابد سلامتك
انتظرته لما قفل مكتبه وطلعو سوا بنص الطريق
ملاذ: وقف عند البقاله
عزيز ماسمع لها ووقف بجنب مطعم : روح خذ اللي تبي
ملاذ: بس انا ما ابي اكل
عزيز : تتوقع ما اعرفك بتروح تاخذ لك فطيره الحين وتطلع خذ البطاقه هذي واطلب لي ولك
ملاذ: بس انا مو جوعان طيب
عزيز: خلاص اجلس انت وانا بنزل اطلب من راسي
تنهدت قبل تتركه ينزل بعد ماطلب لهم اكل ركب سيارته وتوجه لشقتها
ملاذ: حياك ! تاكل معي
عزيز نزل وقفل السياره: ماقول لا تتوقع برفض
صعدو لفوق الدور ال٣ شقه رقم ٥
عزيز : اقول سعود
ملاذ وهي تفتح الباب : همم
عزيز: ماتفكر تنقل ؟انت وظايفك كل وحده بديره
ملاذ: ادخل واكل واطلع مالك شغل بسكني بعدين انا عاجبني السكن هنا وسعره مناسب لي كثير
عزيز: بس انا كنت بعطيك عنوان شقق جديد واسعاره حلوه للعزاب يعني ولانك بروحك متاكد رح يقلل لك السعر
ملاذ بتفكير: صدق ولا تمزح وبتدخل واسطه
عزيز: لا  صاحبي عنده عماره ياجرها كل فتره وفتره وفيه شقه للحين ما اشتراها او اخذها احد لانها بالسطح فا قلت يمكن يناسبك
ملاذ: وصاحبك هذا موثوق
عزيز: شدعوه اللي اليوم شفته
ملاذ: اللي بالصاله
عزيز: اي وعلى فكره اسمه فالح
ملاذ : تشرفنا طيب كيف اقابله ؟
عزيز : بيجيك هو
ملاذ استغربت : ها !
سمعو صوت الجرس ناظرته لفتره: تمزززززح
عزيز: بزر امزح معك يلا قوم افتح له
ملاذ فتحت له استغرب وجودها بهالشقه
عزيز بصوت طويل: فالح ادخل
فالح ناظرها بعدت عن الباب : تفضل
عزيز : حياك زي مايقولون حماتك بتحبك يلا اكل معنا
فالح: سابقكم
عزيز: اجلس ابغى اتكلم معك عن شي يخص سعود
فالح ناظره بستغراب
عزيز: سعود فالح فالح هذا سعود
ملاذ: اسف
فالح: ليه تعتذر مافي شي
عزيز: فالح الشقه اللي على السطح فيه احد سكن فيها ؟
فالح: لا ليه !
عزيز: سعود يبغى ياخذها اذا ماعندك مانع
فالح ناظرها لفتره: تبغى شقه ؟
ملاذ: اي بس
فالح وجه كلامه لعزيز: وش معنى اللي بالسطح عندي عماره ثانيه فيها شقق
عزيز: لان سعرها مناسب له
فالح : فاضي بكرا
ملاذ: عندي دوام الساعه٧ ل١٢ ومن٣ ل٦ واروح الصاله ١٢ الليل
فالح بتفكير: تمام برسل لك اللوكيشن على الساعه٧ ونص تكون موجود
عزيز: تعال انت خذه
ملاذ برتباك: لا انا بروح له ولايهمك تمام
فالح: علشان تشوف الشقه بدل ماتاخذها بعدها تحملني الذنب
ملاذ: ولايهمك بكرا بكون عندك قبل ٧ ونص مشكور
فالح : يلا سلام الحين استئذن
طلع فالح
ملاذ ناظرت فيه بعتب
عزيز: سعود انت لازم تطلع من دائره شقتك تعرف على الناس وشوفهم
ملاذ: بس مو بهالطريقه انا كم صار لي اعرفك
عزيز:  سنه
ملاذ : ومتى قررت اروح معك ؟او ادخلك شقتي
عزيز : قبل شهر
ملاذ: عزيز اتمنى منك ماتتدخل بحياتي او حتى تصرفاتي
عزيز تنهد مافي امل في هالولد: تمام براحتك يلا بروح انا الحين انتبه لنفسك
ملاذ : وانت بعد
عزيز : بعد ماتخلص من الشقه ارسل لي اجي اخذك
ملاذ ناظرته فتره: انا ما اخذت رقم صاحبك !
عزيز : اوه صح عطني جوالك
ملاذ مدت جوالها واللي يعتبر بالنسبه لاحدث جوال اقدم اصدار سجل رقم فالح : يلا قفل الباب بعدي
ملاذ ابتسمت له قبل تسكر الباب تنهدت وهي ترتب المكان ماحبت هالشقه مع ان صار لها فيها شهر ونص اتمنى الشقه تكون حلوه
ارسلت له
سلام انا سعود
فالح اللي وصل لبيته وانتبه لتنبيه جواله فتحه ورد عليها: هلا والله هذا اللوكيشن بنتظرك بكرا
ملاذ: تمام
دخلت غرفتها وبعد مارتبت لبس لليوم الثاني بما انها من وظيفه لوظيفه ويادوب تسوي لها وجبه مابينهم ..

                                   انتهى البارت ❤️
اتمنى صراحه اشوف تفاعل علشان نبدا الروايه بحماس وردود افعال وتوقعاتكم للاحداث الجايه يلا انتظر رايكممم❤️❤️❤️❤️❤️