عاصفة

البارت العاشر❤️

اليوم الثاني
صحى من النوم مقرر يشوف وش صاير بدل واخذ له كوب قهوه وراح لعيادته بعد ما انتهى ومر اليوم عادي مشى متوجه للعنوان اللي سجله من فهد
ناظر المكان لفتره قبل يدخل غريب المستشفى دخل انتبه لها تمشي بالممر > يعني صدق الموضوع !! بس فارس ماقال لي شي عن انها مريضه
مشى للاستقبال
تركي: لو سمحتي المريض اللي من شوي اي عياده راح !
الممرضه ناظرته لفتره : ممنوع اصرح بمعلومات المرضى
تركي: اخوي هذا بس ناسي جوالي بالسياره
الممرضه: اها اول عياده على يمين
تركي: شكرا
تركي مشى للعياده وشاف الاسم : عياده الامراض المزمنه
طلع من المستشفى بعد ماخلصت من الفحص
فيصل : انتي عارفه ان وضعك الحين يحتاج ملاحظه اكثر من قبل صح !
ملاذ: ليه وش تغير
فيصل: كثير تغير انتي مستوعبه انك لو استمريتي بهالاهمال ممكن تنعكس الاثار عليك
ملاذ: بس انا مو عايشه مع احد بشكل دايم ليه ابلغهم
فيصل: اللي اعرفه ان تركي صاحب فارس موجود بحياتك بشكل دائم
ملاذ: صح بس انا حملته كثير
فيصل: ولو انتي مجبوره تقولين له اليوم فاهمه مارح استقبلك لو ماجيتي معه الموعد الجاي فاهمه
ملاذ: فاهمه لاتهاوش
فيصل: يلا اطلعي وخذي علاجك
ملاذ: حاضر
طلعت من العياده
اتصلت عليه
ملاذ: هلا فالح
فالح: هلا فيك
ملاذ: وينك ؟
فالح: طالع راجع الشقه
ملاذ: تجي تاخذني
فالح: ارسل لي الموقع
ملاذ فتحت الواتس وارسلت له الموقع
فالح توجه للمكان واستغرب المستشفى هذا جاه اوقات كثيره  لما ركبت ربطت حزام الامان
ملاذ: عارف وش بتقول
فالح: ماكنت بقول شي
ملاذ: واضح
فالح ابتسم: طيب جاوبني
ملاذ: فيني مرض ماعرفت عنه الا قبل ٧ سنوات وبديت اراجع من فتره بدت تتغير الاعراض عندي وعلشان كذا لازم اراجع كثير بالفتره هذي
فالح: وايش المرض !
ملاذ: قلب
فالح: فيك قلب
ملاذ: هو كانت درجه كويسه بس الفتره هذي تغيرت
فالح: طيب وايش اللي صار تركي يعرف
ملاذ: امم كنت بسالك الدكتور يعرف عن تركي وانه الوصي علي فا بستشيرك اقول له او اترك الموضوع يمشي
فالح: لا قول لتركي علشان يكون معك لو صار شي ان شاء الله مايصير شي
ملاذ فتحت جوالها واتصلت عليه اما هو توه دخل عيادته
وجواله صامت
ملاذ: مايرد
فالح: انتظر شوي وبيرد
ملاذ: تمام
فالح ناظرها: تبي قهوه !
ملاذ: قهوه بس انا جوعان اكل بعدها ناخذ قهوه
فالح ناظرها: انت جوعان !
ملاذ: اي شفيك
فالح: يوووه اول مره تقولها بلسانك
ملاذ ضحكت: طيب وش فيها لو قلت اني جوعان بيفرق
فالح: اكيد يفرق ابشر الحين اجيب لك افخم مطعم
ملاذ: لا لحظه مابغى من مطعم بطبخ انا
فالح التفت بصدمه: انت تطبخ !
ملاذ: اي اطبخ شفيك مو عاجبك
فالح: تمزح صح !
ملاذ : بزر امزح معك !
فالح: تحتاج شي طيب من برا
ملاذ: اي ابي كم محل
فالح: تمام
راحو السوبر ماركت وراحو محل خضار خلصو كل مشاويرهم
وقفو عند الاشاره انتبهت للمحل اللي بالجانب الثاني وكانت نظراتها عليه
فالح التفت بيسالها وشاف نظراتها ابتسم قبل يغير اتجاه السياره ويوقف
ملاذ: شصاير !
فالح: مدري بس حسيت ودي بورد كذا نزين فيه الشقه بدل ماهي فاضيه من الزينه
ملاذ ابتسمت : وباخذ شوي للمرسم معي
فالح: يلا تعال اختار
ملاذ ناظرته بستغراب: انا !
فالح: اي انت يلا
ملاذ نزلت معه واختارو ٣ الوان من الورد طلعت مبسوطه فالح كانت نظراته عليها
فالح * دايم متضايق ولا سرحان اول مره اشوفه بهالحيويه *
ملاذ: وين سرحت لي ساعه اكلمك
فالح: ولا مكان معك
ملاذ: طيب الحين خالد وين !
فالح: اكيد بالشقه وين بيروح
ملاذ: امم بخاطري اقول لتركي بس مدري اذا بيرد او لا
فالح: جرب اتصل من جديد
ملاذ رجعت اتصلت عليه اما تركي اللي كان بالغرفه الثانيه وفهد كان يرتب الملفات سمع جواله
تركي بعد وقت دخل
فهد : جوالك دق مرتين
تركي رفع الجوال وشاف ٣ اتصالات من ملاذي
فهد : من ملاذي
تركي: شدخلك
فهد : ! ليكون حبيت من وراي ؟
تركي: هذا سعود
فهد: سعود بس ليه مسميه ملاذي
تركي: لازم ابرر لك انا حبيت اسميه كذا
فهد : ياحظه
تركي : ممكن تطلع الحين طيب !
فهد : اطلع ليه
تركي: بكلم وعندي مريض بعده على طول
فهد: تمام تمام واضح سعود ماخذ بحياتك جانب
تركي عطاه نظره وطلع
بعيد عنهم بشقه فالح تحديدا
اول ماوصلو ورتبو الاشياء
طلع من الغرفه وشافهم يرتبون
خالد : وش له هالورد
فالح: لسعود
خالد : شصاير ليكون لحبيبتك
فالح: انت شعليك
خالد : اسال وبعدين وش له هالاغراض كلها
ملاذ اللي كانت داخل الغرفه تبدل ثيابها : بطبخ
خالد بصدمه: تطبخ ! انت تطبخ
ملاذ : اي ليه مو عاجبك
خالد: لحظه الوصي عنك طبيب صح اتصل عليه ما اظمن نفسي
ملاذ ناظرته: لو اشوفك ماكل ياويلك
خالد: على كيفك ااذا عجبني باكل
ملاذ: بفلوس اجل اتمنى ماتزعجني او تجي تساعدني
خالد/ اساعدك في ايش
ملاذ: رتب الورد بمكانه على الطاوله
خالد بداء يرتب الورد ويدمجها حطها بثلاث علب وحده بالصاله ووحده بغرفه ملاذ
خالد: اسمع هذا خذها معك للمرسم
ملاذ: تمام
خالد: يلا الحين وش نسوي
ملاذ: رتب الصحون
خالد: تمام
فالح كان يرتب الاشياء لملاذ وملاحظ اسلوب خالد المتغير بسبب ملاذ ابتسم
خالد: اشوفك ترا
ملاذ: تبغون كله لحم او دجاج ولحم
خالد: انت بتسوي عزيمه
ملاذ: تقريبا يعني
خالد : اجل اتصل على بدر وبندر
فالح: استئذن صاحب البيت
خالد: هم اصحابك مثل ماهم اصحابي ولا انا غلطان !
فالح: لا صادق
سمعت جوالها
ناظرت فالح: انتبه له شوي بس
خالد: تركي يتصل
خذت جوالها وراحت الغرفه
ردت عليه
تركي: هلا
ملاذ: هلابك كيفك
تركي: بخير وانت
ملاذ: بخير امم كنت بسالك فاضي