عاصفة

البارت الخامس❤️

اليوم الثاني
صحت على صوت الباب
وقفت بعيد عن الباب بشعرها المعفوس وثيابها : من ؟
دق مره ثانيه استغربت: لحظه طيب
بدلت ثيابها على السريع وطلعت فاحت الباب وشافته بوجهها تتذكر هالشخص انقبض قلبها
ملاذ: امرني !
تكلم ببرود : ممكن ادخل ولا ماتستقبل
ملاذ: افضل انك تجلس بالجلسه الخارجيه
التفت شاف الكراسي جلس فيها
ملاذ: تفضل
حط رجل على رجل : طبعا عرفت ان الشركه اللي انت فيها انتهت وجاي اعطيك عرض عمل
ملاذ : اسف ما اقبل
رفع حاجبه: انت تعرف انا من علشان تتكلم معي كذا
ملاذ: مايهمني علشان كذا اتمنى تتفضل وتتركني
وقف : سوال اخير
ملاذ انتظرته يكمل كلامه
تغيرت تعابير وجهه وملامحه: ليه عزيز ؟
ملاذ انصدمت: عزيز ؟
اومئ
ملاذ: عزيز اخوي
ضحك: واو طلع له اخ بعد هالسنوات كلها حلو انتظر مني اكثر
ملاذ ناظرته بصدمه : وش تقصد
رفع كتفه: امم فيك تقول اني احد الاسباب انك جالس بالبيت الحين
ملاذ تغيرت ملامحها للخوف بدل ماتنصدم لان اللي قادر يسوي كذا يقدر يسوي اكثر
انتبهت على صوت الباب يتسكر رجعت لغررفتها وبدلت ثيابها قبل ماتطلع تذكرت ان عزيز بيجي نزلت عند الباب تنتظره بعد وقت وقفت سيارته قدام العماره
عزيز: صباح الخير
ملاذ: صباح النور ياهلا
عزيز: اخبارك
ملاذ: الحمدلله
عزيز قرب منها قبل يمسك وجهها : وجهك تعبان صاير شي ؟
ملاذ بسم الله كيف يحس : لا مافي شي مارح نروح
عزيز: لا بنسوي لك اول مقابله عمل قبل تتوظف
ملاذ: هنا !
عزيز: اي هنا
وهم يصعدون الدرج: اقول لك سعود مديرك بالشغل
ملاذ رفعت راسها له: سامر !
عزيز: اي
ملاذ وقفت : انت قابلته ! وينه ليه مارد علي
عزيز التفت ومسك كتفها: سعود اهدى انا تكلمت معه بس ابي اسالك عن كم شي اتركنا الحين نخلص المقابله
ملاذ مشت معه لما وصلو لشقه فالح دق الباب
فالح : تفضلو
دخلو
ملاذ مسكت يد عزيز: انت تمزح صح
عزيز: هذا هو اساله كل شي لاتتركه بحاله ولا تتساهل معه لانه من طرفي
فالح ضحك: ابشر
ملاذ: الحين شالسالفه
فالح : عندي وظيفه ومافكرت باحد يستاهل يكون بالمكان الا انت وبنفس الوقت مالي خلق ادور احد يمسك المكان
ملاذ وقفت : وانا ارفض
عزيز اللي كان بالمطبخ ويسوي قهوه طلع بعصبيه : وش اللي ترفض مو بكيفك فاهم انت بتجلس تسوي المقابله وظيفه بتدور برا وبتحصل الف وحده وش اللي يضمن لك انه مايصير نفس المره اللي راحت
ملاذ: مارح يصير
عزيز: سعود اجلس واقصر الشر انت اصلا هذي الوظيفه تناسبك اكثر من انك تكون وسيط
ملاذ كانت بتتكلم
فالح: شوف عندي لك حل بسوي معك المقابله بس قبل بعطيك الورقه اللي انا كاتب فيها شروط التقدم للوظيفه وانها تطابقك بسوي معك المقابله وافقت وتم الموضوع ماعجبك مكانك اوعدك اتركك تطلع بدون نقاش
ملاذ تنهدت قبل تجلس وتاخذ الورقه منه بدو مقابله
فالح : خلاص وظفتك بتكون مساعدي
ناظرته بستغراب : مساعدك حق ايش !
فالح : بس تجي الشركه بتفهم اليوم انت باجازه بكرا تبدا ولاتحاتي شغلك بالصاله مارح يتعارض مع دوامك بالشركه
ملاذ: تمام مشكور
عزيز : نجي للمهم
وقف فالح رايح المطبخ
عزيز: قبل ماتغيب هل جاك شخص وكان طبعه غثيث معك
ملاذ اقول له ! : ليه تسال
عزيز: يعني جاك احد
ملاذ: اول ليه تسال واجاوبك
عزيز: سعود لاتختبر صبري جاوب وبقول لك
ملاذ: اي جاء وجاء اليوم بعد
عزيز انصدم فتح جواله وبحث عن اسمه : هذا
ملاذ استغربت انه يعرفه: اي هو كيف تعرفه
عزيز: مو مهم كيف اعرفه بس المهم انك تعرف انه هو سبب فصلك
وقف : فالح سعود بامانتك
ملاذ: لحظه وشو يعني بجلس هنا
عزيز : وبتنام هنا لو لزم الامر فاهم
ملاذ : لحظه عزيز انت قلت اللي عندك وماقلت شي وقت تسمعني
عزيز التفت لها
ملاذ : ابي اعرف بيت سامر
عزيز رفع حاجبه : ليه !
ملاذ: فيه موضوع مهم تكلمنا فيه وللحين ما عطاني جواب
عزيز : ماقدر
ملاذ وقفت وبتحدي : ياتقول لي وينه يا بس تطلع وترجع مارح تحصلني
عزيز قرب منها والشر بعيونه: سعود مورايق لك الحين فاهم اجلس هنا لما اكون فاضي ببلغك وين مكانه
ملاذ : وان قلت لك تكفى لاتصرفني وان الموضوع يخصني بشكل كبير
عزيز بصدمه: وش هالشي المهم اللي يخليك تصر انك تقابله
ملاذ: ماقدر اقول لك لو اقدر قلت من اول بس اوعدك بس يخلص الموضوع بقول لك كل شي
عزيز: تمام نتفاهم بعدين
ملاذ ناظرته بصدمه عزيز تغير بلحظات
بعيد عنهم
اسامه كان بمكتبه : عجبني بس خساره انه يخص عزيز
دخل السكرتير برتباك: استاذ فيه شخص هنا يقول انه جاي بموضوع يخصكم
اسامه: من ماقال اسمه
دخل بقوته
اسامه ابتسم : اهلن تو مانورت الشركه
عزيز: ابعد عن اي احد بحياتي انت ماتفهم كم مره لازم اشرح لك واعيد لك
اسامه ضحك بستفزاز: بس انا ماجيته
عزيز : انا حذرتك مو معناته انك اخوي بتركك تاذي في اصحابي فاهم
اسامه عض شفايفه بضيق : اطلع برا
عزيز : طالع مايحتاج تستدعي الامن بس هذا اخر تحذير لك لو بيوم اشك بس ان لك يد باحد من اصحابي واللي يصير معهم لاتلوم الا نفسك
اسامه ناظره بحقد : مو مربطني عنك غير امي
طلع منه واتصل على فالح
فالح: هلا
عزيز: وينه
فالح: راح شقته يقول بس يصير شي بيتصل علي
عزيز تنهد وحط راسه على الدركسون بتعب : تمام بخلص كم شغله واجي
فالح: عزيز فكر بموضوع انه يقابل سامر الولد مو طبيعي من طلعت وهو يقول بس انا لازم اقابله واضح فيه بينهم موضوع مهم
عزيز: تمام لاتحاتي انت مشكور فالح والله جالس اتعبك معي كثير
فالح : ولايهمك ولاتقول كذا من جديد
عزيز ابتسم قبل يقفل الخط
بنهايه اليوم
رجع لشقه ملاذ قرب من البيت قبل يناظر المكان بتساؤل انا ليه جيت هل معقول باخذه له طيب وش الموضوع اللي بينهم !
تنهد وهو يشوف نفسه يصعد لفوق فتح الباب توجه للشقه دق الباب كذا مره ماحد رد انصدم معقول راح ؟ وسوا اللي براسه لا يارب اني غلطان رجع دق الباب فتحه وانفتح دار بالشقه بس اشيائه هنا جواله موجود هو وين ؟ طلع ومشى بينزل التفت للجلسه قرب منها وشافها نايمه من دون غطاء تنهد قبل يجلس
عزيز حط يده على شعرها وبهمس: سعود سعود اصحى سعود
ملاذ بدت تحس بالدنيا حولينها فتحت عيونها قبل تجلس
ملاذ : عزيز !
عزيز: قوم غسل وجهك بنروح
ملاذ: بتاخذني له !
عزيز: اي قوم يلا
ملاذ راحت تركض غسلت وجهها وبدلت ثيابها خذت جوالها ومفاتيحها قبل ترجع له
بالطريق
عزيز : اي تصرف احس انك بتتاذى فيه بسحبك فاهم
ملاذ: تسحبني
عزيز: اي اسحبك
ملاذ نفخت خدينها بغضب ابتسم بس مابين ابتسامته
وصلو للبيت
نزل : اجلس لما اتاكد انه موجود
ملاذ ناظرته واومئت
دق الباب طلع له
سامر : انت !
عزيز التفت للسياره ونزلت منها
سامر  تفاجئ: سعود ؟
ملاذ: ممكن نتكلم ؟
سامر : ماتوقع فيه كلام
ملاذ: انا مو جاي اسالك ليه هذا حقك شركتك ولك الحق ترفض او تقبل اي احد
سامر : ليه جاي
ملاذ: ابي اعرف عنوان الشخص اللي طلب منك توظفني
سامر ناظرها لفتره : تستهبل صح
عزيز: انا واقف اتمنى تتكلم معه بادب
سامر : وانت مين قلت لكم ابعدو عني
عزيز: بس ماجاوبت علشان نروح
ملاذ بحزن: ابغى اعرف من بس
سامر : وانا مجنون اقول لك انا لو تكلمت كلمه
منذر قرب منه : سامر اتوقع سعود له حق يعرف
سامر : ماله حق من اهو بالنسبه له
منذر انصدم من اخوه : سامر !
ملاذ: تمام مشكور
عزيز: انتظر سعود
ملاذ تجاهلته وراحت للسياره
عزيز : رح ارجع لحالي واتمنى احصل الاجابه
منذر ناظرها لفتره بحزن
عزيز تركهم وراح لسيارته وصل للعماره نزلت وهو بقى بالسياره
الساعه ١٢
طلعت تمشي وانتبهت لصوت سياره وراها حست بالخوف من بيكون وراها وبهالوقت هي تعودت تطلع الشوارع فاضيه صح بس ! وش جالس يصير
التفتت وقفت السياره
نزل من السياره
منذر : اسف اني جيتك بهالوقت بس اعرف انك تطلع بهالوقت وقلت اتكلم معك
ملاذ تنفسها ثقل بدت تتنفس بصعوبه
منذر لاحظ تغير لون وجهها : سعود سعود انت بخير
ملاذ خذت نفس رفعت يدها توقفه يقرب منها
منذر : اسف
ملاذ خذت نفس : امرني
منذر: انت سالت سامر صح
ملاذ: اي
منذر : اسم الشخص تركي ال **  طبيب بمستشفى ال **
ملاذ حاولت تتذكر من هالشخص بس مو ببالها ابد
منذر: جاء لسامر وطلب منه يوظفك وانه قريب منك
ملاذ ناظرته : متاكد
منذر: اي متاكد
ملاذ: مشكور منذر واسف اني ابديت ردت فعل كذا
منذر: لاتحاتي يلا انتبه لنفسك
وصلت للصاله النور شغال شافتهم يتمرنون سوى
عزيز انتبه لها: سعود
فالح اللي واقف ومستعد يتدرب مع عزيزالتفت لها
بدر اللي كان جالس بعيد عنهم وقف وتقدم لها : هلا والله
عزيز اول ما انتبه لبدر وقف راح يركض لها وبعدها عنه
بدر : مالت
جاء من غرفه التبديل وهو يضحك: بدر اترك الولد بحاله
عزيز لمس وجهها : انت بارد برا الحو برد
ملاذ استوعبت انه قريب منها دفعته بقوه عزيز انصدم
مهند ضحك: اووه الولد شرس اجل
بدر ومهند اعتذرو وطلعو لان وراهم اشغال
عزيز لاحظ عليها انها مو بالجو
عزيز : شفيك سعود ؟
ملاذ: ولاشي فيه شي اقدر اسويه او برجع للشقه
فالح: لحظه سعود بنرجع انا وانت
ملاذ: لا مايحتاج عندي مشوار قبل
عزيز: وين بتروح هالوقت !
ملاذ: لازم اقول لك وين اروح ووين اجي
عزيز : اي لازم انت ماتفهم
ملاذ: انت اللي مو راضي تفهم انك مو وصي علي
عزيز انصدم : سعود سامع شتقول
ملاذ بغضب: عمري ٢٥ ترا مو بزر
عزيز: واذا
ملاذ تركته ومشت بتطلع مسكها وسحبها وراه جلسها على الكرسي
عزيز: اسمع انا مو بزر عندك تجيني بكرا تقول سامحني فاهم واليوم تطول لسانك علي عارف فرق العمر بيني وبينك
ملاذ رفعت راسها له: مايفرق معي والحين اتركني اروح
عزيز : طيب يا سعود بس اعرف ان اخر مره اعطيك فرصه الا اذا اعتذرت الحين
ملاذ ناظرته بنكسار وحزن : مو انت بعد تكفى اللي فيني يكفيني
عزيز قشعر جسمه من نبره صوتها وملامحها قرب منها قبل يضمها بعدت عنه : لازم اروح
عزيز: اترك فالح يوصلك على الاقل
ملاذ: لا مايحتاج قريب المكان
عزيز تنهد قبل يتركها تروح

انتهى البارت ❤️❤️

رايكم عن البارت وعن تغير الاحداث وايش ممكن يصير بالبارت الجاي 🫡🤍🤍🤍🤍 انتظر توقعاتكم ورايكم عن هالبارت