بالمستشفى
فتحت عيونها بثقل صداع اللي براسها قوي
فالح؛ انتي بخير
ملاذ حاولت تجلس مسك يدها وساعدها تجلس بطريقه مريحه ملاذ استوعبت وسحبت يدها اكيد بيتكلم معي الحين
فالح وقف وطلع من الغرفه انتبه للممرضه : لو سمحتي ممكن تبلغين الدكتور فيصل ان ملاذ صحت
الممرضه: حاضر
ملاذ قررت تاخذ الخطوه الاولى : مارح تقول شي
فالح: مو الحين
ملاذ ناظرت يدها لفتره قبل دخول فيصل
فيصل فتح الباب بندفاع : صحيتي
ملاذ: لا للحين نايمه
فيصل ضرب راسها : وتنكت بعد ممكن افهم تصرفات الاطفال اللي جالسه تسوينها ليه
ملاذ: ماسويت شي ممكن تخلص بسرعه
فيصل بنظره حقد؛ انا ماعرف كيف خذتك مريضه عندي كنتي قبل حنونه وطيبه والحين
فالح قاطعه: فيصل
فيصل: طيب طيب واضح متفقين علي انتو
ملاذ وكانها استوعبت: رامي !وينه
فيصل : اللي كان معك
ملاذ: اي
فيصل: طلع يقول بيرتب المرسم حقك مع خالد
ملاذ : جوالي !
فيصل : معه اتوقع
ملاذ: عادي تتصل على خالد
فالح كل هذا كان انظاره عليها وعلى طريقتها ولهفتها لهالشخص من يكون سالم اخوها استوعب الكلام اللي كان براسه فالح انت مايحق لك تتكلم كذا عنها وانت مايربطك بها شي وحتى للحين ماتكلمتو
فيصل اتصل على خالد: هلا رامي معك
خالد: اي ليه
فيصل : ملاذ تبغى تكلمه
رامي: هلا
ملاذ: رامي انت بخير !
رامي: اي بخير انتي كيفك الحين احسن
ملاذ: اي انا بخير رامي نام بشقه لاتاخذ فندق
رامي ابتسم: حاضر بجيك الحين
ملاذ: لا مايحتاج ارتاح خذ لك غفوه بس تصحى تعال
رامي: تمام
ملاذ: خالد عندك
رامي التفت له خالد اخذ جواله
خالد: هلا
ملاذ: خالد لاتتركه يروح وخلك بجنبه
خالد ابتسم وهو يناظره : تمام لاتحاتين قلت له انك مارح ترضين ياخذ شقه
ملاذ: تمام ارتاح وبس تصحى تعال وجيب جوالي معك
رامي: تمام
فيصل اخذ الجوال بعد ماكانت انظاره على فالح اللي كانت نظراته غريبه : وقت الفحص
ملاذ ناظرته: فحص بس انا سويته قبل لا اروح
فيصل : عارف بس لازم تروحين من جديد لان حسب وضعك الحالي لازم اتطمن اكثر
ملاذ: حاضر
شالت الحاف ووقفت فالح وقف وتقدم لها مسك يدها قبل تبعد عنه : بروح لحالي
فيصل: لاتعاندين
ملاذ رفعت راسها له : فيصل لاتتدخل
فيصل اللي قرب من فالح وضرب كتفه : تصرف لاتوقف كذا
فالح قرب منها ومسك يدها يسندها رغم رفضها
وصلت لغرفه الفحص جلست بالسرير قبل تلبس السماعه : بجلس هنا كم ؟
فيصل: ماعرف متى ما انتهى التصوير الاشعاعي خليك مكانك هاديه
ملاذ: ما احبه ياخي
فيصل : بسرعه انا ماعندي وقت
ملاذ سكتت حاسه بغصه بحلقها قبل تمدد نفسها
فالح بقلق : متاكد بتكون بخير
فيصل : من ناحيه بخير هي بس تخلص بتجلس تبكي لمده علشان كذا خلك قريب
فالح: ليه تبكي !
فيصل : المكان يحسسك باشياء كثير وهي بكل مره يكون معها فارس بس اخر مره ماكان معها احد وحاولت اني اجلس بس رفضت ودخلت للغرفه قفلت عاى نفسها علشان كذا اقول لك خلك قريب
فالح: تمام
جلس بالكرسي بعد ٢٥ دقيقه انتهى الفحص راح الممرض ضبط الجهاز قبل تجلس لفتره مشت مبتعده عنهم فالح اللي كان وراها قرب منها قبل ينتبه لرامي جاي هو ماقد شافه
ملاذ قربت منه سندت راسها على صدره رامي ناظر بفالح مستغرب من اللي جالس يصير
فيصل كان واقف من بعيد : اووه بيصير شي الحين ما اتمنى اشوفه
بس ملاذ ماصارت مثل كل مره اللي صار صدم فيصل وخلاه يركض بتجاهها
رامي بقلق : ملاذ!
ملاذ وش جالس يصير فيني ليه احساس ان جسمي ثقيل انقطعت افكارها لما طاحت قدامهم كلهم
فالح وفيصل ركضو بتجاهها رامي شالها وراح لغرفتها
فيصل بدا يفحصها تنهد براحه
رامي : شصاير
فيصل: تطمن نايمه
رامي بستغراب: نايمه بس هي
فيصل: الفحص كان متعب لها
رامي انتبه لفالح اللي وراه مد يده: رامي اخو سالم واخو ملاذ
فالح : هلا فالح اتوقع تعرف عني
رامي: اي كثير
ناظرها قبل يتكلم لفالح : انا ضروري اروح طالبيني بالقسم بس قلت اجي ابلغها بنفسي واترك جوالها
فالح: تطمن انا بكون هنا
رامي : تمام تركت اشيائها بالغرفه
راح رامي وفيصل استئذن وطلع من المستشفى بسبب انتهاء وقت دوامه فالح اللي جلس وظل بجنبها بيده كتابه
بيت مالك
مالك : خالد انت بارد كذا ليه كل هذا يصير وماتجيبها ؟
خالد: مو طفل اجيبه غصب عنه
مالك: صح بس برضو ماتتركها تسوي كذا بنفسها
خالد: الحين صارت بالمستشفى ومانعرف وش ممكن تسوي للحين ماتكلمت مع فالح
مالك : فالح والمعرض وحياتها الملخبطه اووف
خالد: لاتخاف مارح يصير الا كل خير
بالمستشفى
بعد٤ ساعات فتحت عيونها ناظرت بالمكان جلست تعدل نفسها تلفتت بالغرفه ماكان فيه احد الشرفه كانت مفتوحه شوي وانوار الشوارع معكوسه على النافذه اللي كان فالح واقف برا
وقفت وسحبت المغذي معها فتحت الباب وقربت من جنبه حس فيها تقرب من جنبه وتوقف التفت وشافها واقفه بلبس المستشفى رجع دخل داخل ملاذ ابتسمت بالم كل هذا مايبي يبقى معي ليه جاي اجل حست فيه يحط الجاكيت على كتفها التفتت له
فالح: بتمرضين الجو بارد
ظلو ساكتين لفتره طويله
فالح: كنت اعرف قبل تقولين لي
ملاذ ناظرته بصدمه: تعرف عن ايش
فالح: اعرف عن كل شي انك الشخص اللي اخذتي قلب رامي وانك بنت
ملاذ: من متى
فالح: مو من وقت طويل بس ماكنت بتكلم معك
ملاذ: وسويت كل هذا
فالح: مشكله انك مستعجله لو انتظرتي شوي كنتي بتكونين فهمتي الموضوع
ملاذ تنهدت : طيب والحين كيف بتكون العلاقه بينا
فالح: امم ولاشي تبغين تكونين سعود عادي تبغين تكونين ملاذ مارح اعترض واللي يريحك
ملاذ بحلطمه: على اساس لو قلت سعود بيكون الموضوع عادي
فالح ضحك ورجع داخل الغرفه اندق الباب قبل ينفتح
ملاذ التفتت للباب وفالح اللي رفع راسه من الطاوله شافوها تدخل
غدي : اسفه اني دخلت بدون ما اسمع الاجابه
ملاذ: تفضلي لاعادي
غدي ابتسمت لها قبل تدخل بتجاهها : كيفك سعود
ملاذ اللي كانت لابسه لبس المستشفى وتسريحه شعرها استغربت: امريني
غدي : انا مديره اعمال حسن وجيت بصفتي مشرفه على لوحاتك لمده المهله اللي عطاك اياها اذا كان الموضوع مايضايقك
ملاذ: بتبقين معي
فالح اللي كان واقف فضل انه ينسحب ويتركهم
ملاذ: امم ما اتوقع ان حسن بلغك عن اني بنت !
غدي ابتسمت: الا بلغني بس ماحبيت اتكلم والشخص اللي كان هنا موجود
ملاذ : تفضلي
جلست بالكرسي ملاذ رجعت سريرها : انهيت لوحتين
غدي : حلو باقي وقت على المعرض بتقدرين تسوينها انا متاكده
ملاذ : واو وش هالثقه
غدي : امم فيك تقولين ان الثقه هذي جات من الاشخاص حولينك
ملاذ عقدت حواجبها : ايش تقصدين
غدي ابتسمت وهي تتذكر اللي صار
بمكتب حسن
السكرتير : استاذ حسن فيه هنا ٣ اشخاص قالو انهم محددين موعد معك خارج الاداره
حسن عقد حواجبه : تمام اتركهم يدخلون
طلع وبعد ثواني اندق الباب
حسن: تفضل
دخلو
حسن: تفضلو ايش حابين تشربون !
الكل : ولاشي
حسن: كيف فيني اخدمكم
مالك : بختصر الموضوع ممكن افهم ايش القصد من طلب المعرض
حسن : مو فاهم للحين اي معرض
عزيز: معرض الرسم الخاص ب ملاذ
حسن : اوه للحين ماصار المعرض
خالد: بقول لك ايش تبغى من وراء هالموضوع
حسن: ما ابغى شي ابغى اسوي المعرض بس
مالك وقف : لو اعرف ان فيه اي شي ممكن ياذيها بتكون بالسجن قبل ماتسوي اي شي
حسن ابتسم لهم : محظوظه بانكم بحياتها
عزيز: لاتتكلم عنها
خالد : يلا نطلع
مشو سوا طالعين
غدي: واو كيف يحمونها وخايفين عليها
حسن: تحمست اكون قريب منها
غدي: تكون قريب منها ! كيف
حسن: مو انا انتي اللي بتكونين قريب منها وتبلغيني عن اي شي يصير والاشياء اللي ممكن تتطور باللوحات
غدي ابتسمت: امم فكره بس اذا ماناسبتني برجع
حسن: تمام
الواقع
غدي: ولاشي بس ايش ممكن افيدك فيه
ملاذ: مارح تفيديني بشي ومارح تستفيدين انتي بعد بوجودك هنا افضل اني اذا رجعت البيت بكرا تزوريني
غدي: تمام وسلامتك من جديد
ملاذ: شكرا لك
طلعت وتركتها بالغرفه
كان واقف برا الغرفه متسند على الجدار
رجع فتح باب الغرفه ودخل
فالح : ايش كان نهايه النقاش
ملاذ: بطلع بكرا للبيت ورح تزورني
فالح بصدمه: تمزحين صح ! للحين ماخلص علاجك
ملاذ: مو مشكله بقدر اني اكون بخير اكيد
فالح: انتي مارح ترتاحين الا لما تجيبين اجلنا
ملاذ ضحكت: لا برتاح لما ترجعوني البيت واكون بينكم
فالح تنهد
اندق الباب ودخل
ملاذ بفرح: عزز
عزيز: ياعيون عز
ملاذ : يسلم عيونك
عزيز: اخبارك
ملاذ: احسن الحمدلله
عزيز: الحمدلله
ملاذ: وين الشوكلت
عزيز: مريضه وقلبك مو مستقر تبين شوكلت
ملاذ تنهدت : اصلا عادي كلكم علي
عزيز ابتسم : اخبارك فالح
فالح: بخير بتبقى ؟
عزيز: اي
فالح: عندي شغله ١٠ دقايق وراجع
عزيز: اي خذ راحتك
طلع وتركهم
عزيز : كيف قلبك
ملاذ: ميت بحبك
عزيز : كذااابه الحب بجنبك وتقولين ميت بحبك
ملاذ ناظرته بصدمه: كيف عرفت
عزيز: اعرف نظراتك واضحه وفاضحه
ملاذ: بعد !
عزيز: اي
ملاذ : عزيز ابي منك خدمه
عزيز: ايش هي
بعيد عنهم
بغرفه الفحص
فيصل: طيب والمطلوب مني !
فالح: بتكون بخير اذا طلعت ؟
فيصل: اذا هي تبي تموت انت ليش شايل هم الدنيا
فالح: بعيد الشر وش جالس تقول
فيصل: شوف انا او اقول لك انا بروح لها تعال
مشو سوا دخل الغرفه
عزيز: اوه فيصل
فيصل: هلا عزيز شخبارك
عزيز: بخير وانت
فيصل : بخير الحمدلله
ملاذ : صاير شي طلعت النتايج
فيصل: لا
ملاذ: صح فيصل ابغى اطلع بكرا
فيصل بجديه : توقعين اخلى مسؤوليه اي شي يصير لك باختيارك هذي ٣ مره تدخلين المستشفى وتطلعين احنا مو خدم علشان نكون مراقبين لك طول الوقت ونشوف وين تروحين وين تجين
ملاذ انصدمت من كلامه عزيز اللي مو اقل منها فالح اللي انصدم وتنهد ان الموضوع اخذ منحنى ثاني
ملاذ ابتسمت بالم: اسفه اني تركتك تراقبني طول الوقت اقدر اوقع اوراقي الحين
عزيز بغضب : فيصل
ملاذ: مارح اسمح لاي احد يتكلم بالموضع
عزيز : بس
ملاذ: فيصل معه حق
عزيز ناظرها لفتره : تمام بجيب لك الاوراق
بعد ماوقعت وخذت كل اشيائها طلعت صعدت شقتها بعد وصولها من المستشفى الشقه فاضيه التفتت لهم
ملاذ: رامي مو هنا
فالح: راح عنده دوام وطلب مني ابلغك بس معليش نسيت
ملاذ: اذا كذا حافظه ربي
عزيز: يلا ادخلي ارتاحي
فالح : انا بروح اجيب لك العلاج واجي
عزيز: تمام ببقى هنا انا
بعد ما راح فالح
عزيز جلس بجنبها : ملاذ لاتاخذين على كلام فيصل
ملاذ: مو ماخذه عارفه اني ضايقتهم كثير
عزيز : فيه شي كنت بسالك عنه ويمكن مو الوقت المناسب بس ابي جواب
ملاذ: شصاير !
عزيز: تذكرين الشخص اللي جاب لك خبر وفاه فارس
ملاذ: اي
عزيز: تذكرين شكله
ملاذ: اي اذا شفته اعرفه
عزيز: طيب فيه اوراق وصلت لي من شخص قبل كم يوم وصورته هذا هو
ملاذ ناظرت بالصوره: اي هو ! اوراق ايش
عزيز: اوراق فارس
ملاذ بصدمه: اوراق فارس شتسوي عنده
عزيز: اتوقع انه ملازم مع فارس والاوراق هذي تخص القضيه اللي كانو يشتغلون فيها والحين سالم مسافر علشانها
ملاذ زادت صدمتها: يعني ممكن يصير شي لسالم
عزيز قرص خدها : اهدي ان شاء الله مارح يصير الا كل خير بس ابي رقم سالم علشان ابلغه
ملاذ نقلت الرقم
وصل فالح بعد ماراح يجيب الادويه وخلص مكالمته
خالد ناظر بمالك: انا هذا الولد بذبحه انتظر علي
مالك ضحك: حقه يمكن طفش
خالد: ماطفش وماله حق يطفش فارس له فضل كبير لتكميله لدراسته
مالك : اهدى ولا تنفعل عليه مو ناقص وصدق هو لو مو خايف عليها ماقال لها هالكلام
خالد تنهد: طيب يلا انا بروح لها الحين
مالك : سلم عليها
خالد: بتطلع مكان
مالك : بداوم وبجي بعد يومين
خالد: اجل بنام عند فالح
مالك: البيت اللي تدفع عليه فلوس وش وضعه
خالد : لاتتدخل
مالك : طيب
طلع منه وراح لهم
شقه ملاذ
عزيز استئذن وفالح تركها تنام بس هي مانامت واستغلت الوضع انها ترسم لوحه جديده اندق الباب والتفتت للباب
ملاذ: ادخل
خالد دخل : واو بديتي على طول ارتاحي طيب
ملاذ: لازم اخلص ٣ هالاسبوع على الاقل
خالد : لاتاخذين على خاطرك من فيصل
ملاذ: لاتحاتي ماخذيت تبي تاكل شي ؟
انتهى البارت❤️
انتظر رايكم وحماسكم للجاي البارت الجاي بيكون الاخير 😍🤍🤍
أنت تقرأ
عاصفة
Roman d'amourبعد مرور وقت من تبدل شخصيتها اخيرا تتقبل الوضع بس صدفته تقلب كيانها وترجعها لنقطه الصفر
