عاصفة

البارت الثاني ❤️

اليوم الثاني
صحت من النوم على صوت جوالها تنهدت قبل تقفل المنبه وتقوم تبدل رتبت شعرها خذت فطيره وعصير وطلعت مستعجله مشت بما ان الجو كان بارد وهذا اللي يتركها تمشي لحد باب الشركه وكان المسافه بينهم ساعه ونص وصلت جلست بالمكتب وكملت يومها عادي بنهايه الدوام قرب منها
منذر: سعود المدير طالبك
ملاذ استغربت : انا ؟
منذر: اي انت تعال معي
ملاذ مشت وراه لحد المكتب دق الباب ودخلو
سامر : منذر تقدر تتفضل
طلع وتركهم
سامر ابتسم : تعال سعود ليه خايف اجلس
ملاذ جلست على الكرسي
سامر: طبعا انت هالفتره شغلك مره عاجبني وخصوصا بالبيع للحين وبهالاسبوع انباع عندنا ٨ دراجات مستحيل هذي تصير باسبوع والفضل بعد الله لك فا حاب اسالك عندك مانع تداوم شفتين ؟
ملاذ استغربت : كيف يعني
سامر : الحين راتبك ٥٠٠٠ للدوام الصباحي طبعا بيكون فيه زياده ١٠٠٠ مكافئه بس انا اسالك عن ودك تداوم مسائي وصباحي ؟
ملاذ : اها يعني تبيني امسك الصباح ويكون عندي بريك ٤ ساعات بعدها اداوم مساء
سامر : ايوه بالضبط
ملاذ: والله ما اقدر لان عندي اصلا عقد دوام العصر بس بينتهي بكرا
سامر : طيب مو مشكله تتاخر لبعد دوامك !
ملاذ: لا والله اعذرني لاني عارف نفسي مستحيل اداوم شفتين
سامر بياس: اخر كلام ؟
ملاذ: اقدر اني اداوم يومين بس يعني لو مصر اداوم يومين بالاسبوع صباحي ومسائي
سامر: اي ياليت عادي موافق
ملاذ : خلاص اذا كذا انا موافق بعد
سامر: بكرا تجي وتكون اوراق العقد جاهزه
ملاذ: تمام اقدر اطلع الحين ؟
سامر : اي بسلامه
ملاذ: الله يسلمك استئذن انا الحين
طلعت من عنده وكملت مشي سمعت صوت سياره وراها بس تجاهلته
عزيز فتح النافذه : كنت متوقع تعال تعال اوصلك
ملاذ التفتت عليه: عزيز شجابك هنا ؟
عزيز : طالع اخلص كم شغله بما ان الصاله مافيها تمرين يستدعي وجودي وتوقعت اني بشوفك راجع تمشي مطول تعال ونكمل كلام بالطريق
ملاذ : تمام
ركبت بالسياره
عزيز: كيف دوامك ؟
ملاذ: الحمدلله كويس
عزيز: مافي شي جديد
ملاذ : باخذ رايك بشغله
عزيز: قول
ملاذ: ولا اقول خلاص كنسل
عزيز: سعود  تكلم خلصني
ملاذ : لو انت بوظيفه بس عندك شفت واحد وطلب منك المدير تكون بفتره الصباح والمساء شتسوي ؟
عزيز بتفكير: شوف من ناحيه انه يكون مساء وصباح على حسب انا وضعي يعني مثل الحين ماقدر اخذ دوام الليل وانا عندي الصاله وتمرين اللاعبين بس وش صاير على هالموضوع
ملاذ: المدير يقول ان الشغل هالاسبوع مره حلو وانه يبغاني اكون متواجد بفترتين
عزيز: وانت ايش قلت له
ملاذ: انا عندي دوام فتره العصر بس بكرا اخر يوم فا قلت له اني بكون متواجد يومين بس بالاسبوع
عزيز: بس اذا بتكون بيومين بيكون الوضع العصر فاضي
ملاذ بياس : بدور لي وظيفه جديده لاني تعبت من الوظيفه اللي العصر
عزيز عقد حواجبه: يضايقك احد ؟
ملاذ: لا مافي شي لاتحاتي
عزيز: سعود انت اخوي الصغير لو صار شي بلغني تمام
وصلو للعماره
ملاذ: عارف مشكور عزيز
عزيز : اسمع بجي لك الساعه٦ بنتظرك
ملاذ: بس للحين مارجعت من دوامي
عزيز: سعود بسالك
ملاذ وقفت بجنب الباب : قول
عزيز: انت يضايقك شغل الصاله ؟
ملاذ بستغراب : ليه السوال
عزيز : لا بس اسال
ملاذ: لا لاتحاتي هو احلى دوام لي واحلى مكان
عزيز ضحك: تمام تمام
تركها وراح اما هي صعدت لشقتها ورمت نفسها على السرير وبتفكير ! انا بنت بس وضعي حاليا مايساعد اني اشتغل باي مكان يخص البنات يمكن يشوفوني بمكان ويعرفوني تنهدت قبل تغمض عيونها بتعب وصحت على المنبه الساعه ٢ وربع توجهت للمطبخ خذت حبه لوجع راسها بعد التبديل طلعت لدوامها الثاني بعد ما انتهت رجعت للشقه بعد نص ساعه دق جوالها
ملاذ: هلا ؟
عزيز: انا تحت بنتظرك
ملاذ: تمام ببدل واجيك
عزيز: يلا
بعد مابدلت لبسها ناظرت العفسه بالغرفه وضحكت باليوم لازم تلبس ٣ بدل لكل وظيفه نوع والغرفه تنعفس كل يوم
نزلت وصعدت السياره
عزيز اخذ الكيس من وراء : اكل قبل نوصل
ناظرته لفتره: تمزح صح انت شسالفتك ماعندك حياه
عزيز : شخص منفصل وماعنده عيال واعتبرك ولدي عندك اي مشكله ؟
ملاذ : اي عندي مو كل مره اجي معك تعطيني اكل * وبعتب * عزيز انا مو شخص ضعيف تحن علي
عزيز انصدم: والله مو قصدي كذا ابد
ملاذ: اتمنى ماتكررها
عزيز: مايخصك انا عارف انك ماتاكل عدل فا واجبي اني احافظ عليك وبعدين مو انت تقول انك تبي تتعلم الملاكمه اتركني اختار وجباتك اللي رح تبني لك العضل
ناظرته بياس وفتحت الاكل
وصلو للعماره اللي ماكانت بعيده مرا من الصاله وهذا اللي عجبها فيها ودوامها قريب بينها وبينه نص ساعه مشي بالسياره ١٠ دقايق
عزيز: يلا ننزل
ملاذ: بس صاحب الشقه للحين ماجاء
عزيز: صاحب الشقه فوق تعال بس
طلع معها للدور الثاني دق باب الشقه بعد فتره فتح الباب كان متروش لابس شورت والمنشفه على راسه انصدمت بس تذكرت انها بشخصيه الولد لو سوت اي شي بينتبه
عزيز بحلطمه: البس لك شي معنا ولد
فالح رجع يدخل اخذ التيشيرت ولبسه : اسف ماعطيتني خبر انك جايبه معك
عزيز: وحتى لو انا يعني بتجلس كذا
فالح : نصعد ؟
عزيز: يلا
فالح: انا اكلمه مو هو اللي بيسكن او انت ؟
عزيز: هو بس انا بجي كل يوم
فالح : سعود تعال معي
عزيز مشى وراهم
فالح: انت اجلس لما نرجع
مشو وصعدو فوق للدور الاخير وكان الدور ال٧ فتح الباب ودخلو كان السطح فاضي والباب بالزاويه فتح الباب
فالح : خذ راحتك بنزل انا بس تخلص تعال وعطني اخر راي عندك
ملاذ: مشكور
نزل تاركها وراه اما هي دخلت الشقه وكانت مره حنونه مطبخ وبينه وبين الصاله جدار وغرفه النوم كانت كبيره يمدي تسوي فيها مكتب صغير وغرفه فاضيه ثانيه تقدر تسوي فيها اي شي والسطح جاء ببالها انها ممكن تسوي جلسه صغيره فيه بس تذكرت انه لازم تسال سكرت الباب ونزلت من جديد
قبل وقت
فالح: غريب طلبك اني اسكنه بهالشقه انت عارف ان ماحد سكن فيها بعد ماتقفلت اخر مره
عزيز : الولد محتاج مكان يسكن فيه قريب من وظيفته انت تدري انه * طلع علبه من جيبه* يمشي ساعه ونص على مايوصل
فالح: لاتدخن بالشقه اطلع بالشرفه وبعدين ليه مايسوق ؟
عزيز: مايعرف ومايبي وبعدين من وين له حق السياره
فالح: اها بس حتى ولو ياخذ له سايق
عزيز: اسكت بس
بهاللحظه سمع صوت الباب وقف يفتح لها
ملاذ استغربت ان عزيز ماله حس
فالح: بالشرفه يدخن تعال قول لي اعجبتك ؟
ملاذ: اي مره كم حقها ؟
فالح : قبل او بعد ؟
ملاذ: لحظه ما ابي تدخل معرفه
فالح: سعرها بالسنه ٢٠ الف
ملاذ : على كم ال ٦ شهور
فالح : معك ١٠ الاف حاليا ؟
ملاذ: اي عندي
فالح: خلاص اجل بكتفي فيها لحد مايكون معك ال ١٠ الثانيه
ملاذ: بس كان السعر قليل ؟
فالح: لا هذا سعرها صدقني مانزلت شي
ملاذ: تمام متى اقدر اخذها
فالح مد المفتاح: من الحين مبروك عليك واي شي تحتاجه ابد هذي شقتي بس تعال وبلغني
ملاذ: مشكور * بعد تردد* امم عادي اسال اذا اقدر استخدم السطح ؟
فالح استغرب: شلون ؟
ملاذ: يعني لو بحط جلسه!
فالح: اي ابد الدور كامل لك خذ راحتك
ملاذ: مشكور الفلوس بكرا بجيبها لك
طلع من الشرفه وشاف نهايه الحديث ابتسم
عزيز: مبروك سعود
ملاذ: الله يبارك فيك
عزيز: يلا بس تخلص ترتيب ونقل بلغني اجيب لك حلاوه الشقه الجديده
ملاذ: مايحتاج انت خيرك سابق علي
عزيز عفس شعرها: لاتقول كذا قلت لك
فالح ابتسم
كملت يومها الليل راحت لدوامها المعتاد بالصاله ورجعت تمشي لشقتها قررت تنام وبعد ماترجع من الوكاله االظهر ترتب اغراضها للنقل
سكرت انوار الشقه قبل تمدد نفسها على السرير بتعب ..

                                 انتهى البارت ❤️❤️
انتظر تفاعلكم عليه اذا شفت تفاعل حلو كل يوم بينزل بارت 🫂❤️
توقعاتكم للبارت الجاي وايش ممكن يصير للاحداث من تطور 😌