عاصفة

البارت١٤❤️

طلعت وهي متوتره ومعها كيس كله اوراق
فالح تذكر قبل يوقف قدام البيت
بعد ماطلع من فيصل
كيف بتكون مقابلتي لها ! وش بيكون شعورها طلعت بنت وهي بجنبي طول الوقت وما حسيت! بتتغير معاملتي لها ؟ لا لازم تكون نفسها بس انتبه لها اكثر
رجع للواقع
انتبه لها جايه ناظرها وهي جايه : بنت !
ابتسم وهو مو مستوعب الموضوع
ملاذ : سلام
فالح: وعليكم السلام
ملاذ : كيف زيارتك
فالح: الحمدلله وانت كيف زيارتك
ملاذ: كويسه اكتشفت اوراق كثير ماكنت اعرفه عنها كانت عند فارس
فالح: حصلت اوراق عمليتك
ملاذ: لا ماحصلتها
فالح: طيب ايش خططك حاليا
ملاذ: ولاشي صح بنتقل عند مالك هالفتره
فالح بصدمه: ليه ؟
ملاذ: يعني ثقلت عليك
فالح: مالك عنده دوامه وحياته بتقضي ايامك كلها بالبيت لحالك
ملاذ: مو قصد بس كتغيير
فالح: ماعليه كنسل الفكره من راسك وخليك معي
الا اذا كنت متضايق مني
ملاذ: لا والله مو متضايق
فالح: انتهى النقاش يلا انزل
نزلو ودخلو الشقه
فالح: خالد !
انتبهت للورقه اللي بالطاوله: انا مسافر اسبوع لاتحاتوني
ملاذ: شوف
فالح اخذ الورقه وتنهد: مو جديد على خالد
ملاذ: غريب
فالح: ايش الغريب
ملاذ: مدري مرات تحس انه شخص عاقل ورزين ومرات تحس انه شخص مجنون ومو هامه شي
فالح: هو كذا دايما . جوعان ؟
ملاذ: لا بنام ساعتين وبعدها بروح المرسم
فالح: تمام بس تحتاج شي ارسل لي
كل واحد دخل غرفته
بعيد عنهم
خالد: متاكد انك بتتركها عند فالح
مالك: اتوقع هذا اكثر مكان ممكن اتطمن عليها فيه
خالد: صدقت عاد مع وجود كم شخص من اصحاب فارس ماتتطمن للموضوع
مالك: كان ببالي اني اخذها عندي بس بتركها لساعات طويله وبتطفش بما انها بنفس الشغل مع فالح بتركها عنده بس ضروري يعرف الموضوع
خالد: واذا قلت لك ان فالح يعرف
مالك انصدم: يعرف !
خالد : ماعرف الطبيب قال له او لا بس فيصل كان يفكر يتكلم مع فالح واتوقع تكلم معه اليوم
مالك : امم طيب انت ايش رايك اتركها او اخذها عندي
خالد: اتركها
بعيد عنهم
بالسطح تحديدا
واقف يدخن ومتضايق سمع صوتها تمشي وراه
ملاذ: شفيك !
فالح مسح فمه بعد مارمى الدخان : هلا صحيت !
ملاذ: اي
فالح: كيف نومتك
ملاذ: فالح لاتغير الموضوع شفيك
فالح: مدري هالفتره طالبين مني عمل لمده اسبوع لازم اسافر
ملاذ عقدت حواجبها: طيب سافر
فالح: ناسي انك مساعدي لو بسافر باخذك معي
ملاذ : طيب ايش فيها !
فالح ناظرها مو مصدق : انت بتسافر يعني ! عادي
ملاذ: اي عادي انت مديري ولازم اروح معك بهالمهمه ولا ؟ انا غلطان
فالح : مو غلطان بس انك مارحت قبل
ملاذ : اسمع فالح اول كان يربطني بهالمكان فارس اخوي وماكنت اسافر او ارجع قبل كنت اروح معه صدق بس من صارت السالفه ماسافرت
قطع عليهم صوت دق الباب
دخل ببتسامه
ملاذ ابتسمت له : عزيز
عزيز قرب منها وضمها بسرعه قبل ينفش شعرها : اخبارك
ملاذ: بخير دامك بخير
عزيز: الله يديمها عليك اخبارك فالح
فالح: بخير الحمدلله
عزيز: رحت شقتكم ماحصلتكم توقعتكم هنا
فالح: بنزل انا الحين
عزيز: تمام بجيك بعد شوي
فالح: تم
جلست مع عزيز
عزيز: اي قول لي
ملاذ: على ايش
عزيز: المصيبه اللي مسويها
ملاذ: مصيبه عزيز فهمني
عزيز: مو انت رايح مركز الشرطه والليل كنت عند الضابط ؟
ملاذ عقدت حواجبها: كيف عرفت من قال لك
عزيز: تركي تكلم معي باني انتبه لك منه
ملاذ تنهدت : انا اذا صار لي شي بسبب تركي
عزيز: ماقلت لي
ملاذ: مالك ضابط كان بنفس السجن وكان ماسك قضيه فارس وله صله بفارس
عزيز: يعني مالك هو الشخص اللي ارسل لي فارس عنه ؟
ملاذ رفعت راسها بصدمه: فارس ؟
عزيز : اي قبل ما يجيني خبر وفاته ارسل لي اني اهتم فيك لما تتعرفين على الشخص اللي بيكون حمايه لك حتى من نفسك
ملاذ: بس مالك مو هالنوع
عزيز: مالك بمركزه يقدر مايصير لك اي شي
ملاذ خذت نفس : صح فيه موضوع ابي اكلم مالك فيه تاخذني له ؟عادي ومنه تتعرف عليه
عزيز عقد حواجبه : اي عادي ماعندي مشكله بس وش تبغين فيه
ملاذ: بس نروح له بقول لك بس لحظه
دقت عليه
مالك اللي كان في البيت مع خالد
مالك رد عليها: هلا
ملاذ: ممكن نلتقي ؟
مالك : انا ببيتي
ملاذ: تمام معي ضيف
مالك: تمام
سكرت منه والتفتت لعزيز اللي مشى للباب ينتظرها تجي وراه نزل نزلت وراه بالسياره ارسلت لفالح انها طلعت لعزيز والمرسم مفتوح ياليت تسكره
فالح صعد للمرسم وشافه واقف يناظر اللوحات اللي بالمرسم
فالح: تركي ؟
تركي: هلا فالح
فالح: شتسوي هنا
تركي: ولاشي جاي اغير جو
فالح عقد حواجبه: ماتوقع مكان تغير جو فيه
طلع المفتاح وقفل الغرفه
تركي ضحك: اوه مو جاي اسرق لوحاته ترا
فالح: جرب تسويها
تركي تجاهله ونزل
فالح التفت وانصدم بالمنظر اللي قدامه لوحه من اللوحات واللون كان مغطيها قرب من اللوحه مو مستوعب قبل ينتبه للكتابه اللي تحت
رسمه فارس تحت الانشاء
انصدم وقبل يستوعب لحق تركي بس انتبه لسيارته تبعد ضرب السياره اللي بجنبه بغضب
بعيد عنه
وصلو ونزلو
عزيز: طيب انتي ماقلتي له
ملاذ ناظرته: لو اعترض كنت برفض اخذك بس لازم تعرفه انت بعد
عزيز: تمام ماقدر عليك
دخلو بعد مافتح لهم البوابه
سلمو وجلسو
ملاذ: هذا عزيز عزيز هذا مالك
عزيز: انا شايفك من قبل بس وين ؟
مالك : مو مهم تتذكر بس ياهلا فيك سمعت عنك كثير
عزيز: من سعود ؟
مالك : اي شفيك مستغرب
عزيز: لا ولاشي
مالك: اي سعود قلت بتقول لي موضوع
ملاذ: اي صح امم فيه سفريه قريبه ل فالح وبما اني مساعد المدير لازم اسافر معه
مالك ركز معها: طيب !
ملاذ: بس يعني جيت اقول لك
مالك: ليه تقول لي انت شخص كبير وقراراتك تخصك
ملاذ: عارف بس لازم اقول لك اذا كنت تشوف الوضع مايناسب فا مارح اسافر
مالك : متى بتسافر
ملاذ: ماعرف بس المده اللي بنسافرها اسبوع
مالك: اها تمام بس يجي الوقت قول لي قبله بيوم
ملاذ: تمام
بعد ما انهو حديثهم طلعو من عنده رجعت للشقه بعد ماتركها عزيز عند الباب بسبب تلفون وصل له صعدت على طول للمرسم انصدمت من المنظر قربت من اللوحه بسرعه قبل تشيلها مصدومه انتبهت له جالس بالجهه الثانيه
فالح: اسف اني ماكنت قد المسؤوليه
ملاذ: شصاير
فالح: مدري جيت وحصلت المكان كذا
ملاذ ناظرت اللوحه مو مصدقه منظرها نزلت لتحت وتركته
بعد يومين اختفى فيهم فالح عن البيت وصار يرسل رسايل ل ملاذ عن اي شغل ممكن تسويه
الساعه٢ ونص الليل
سمعت صوت باب غرفتها ينفتح التفتت بسرعه
فالح برتباك : اسف صحيتك
ملاذ بغضب وعتاب : فالح انت تتجاهلني ؟
فالح: لا اذا ماتبي شي بروح انا
ملاذ: اذا ماتتجاهلني وش تسمي اسلوبك هذا معي
فالح: انا السبب
ملاذ عقدت حواجبها مو فاهمه كلامه : ايش سبب ليه
فالح: انا السبب بخراب لوحه اخوك
ملاذ ناظرته مو مستوعبه كلامه : فالح انت مختفي وتتجاهلني بسبب اللي صار
فالح: هذي الصوره لفارس اخوك وانت دايما تعتز باي شي يخصه كيف لو كانت لوحته وصورته
ملاذ : بس مو انت السبب هذا تركي
فالح انصدم : كيف عرفت
ملاذ: ارسل لي بيومها انه ترك لي هديه وداع وعرفت انه هو بعدين انت ليه محمل نفسك كل هذا جيتني وتكلمت معي وانا كنت بقول لك مابخاطري شي على الموضوع
فالح: بس
ملاذ خذت نفس: فالح لو صار شي بيوم من الايام تعال وتكلم معي قبل تتصرف من نفسك فاهم
فالح: ان شاء الله
قبل السفر بيومين
بلغت مالك بالموضوع ومالك بخبرته ارسل ل فالح بانه يبي يقابله بعيد عن ملاذ وما تنتبه للموضوع
وصل لبيت مالك واستغرب السياره هذي يعرفها !
دخل وانصدم فيه جالس مع مالك
فالح: خالد ؟
خالد ابتسم له. : ياهلا والله
فالح: انا غلطان بالعنوان او شي
خالد: لا مو غلطان تعال اجلس
فالح جلس مالك طلع من المطبخ بيده اكواب الشاي
مالك: اعرفك على خالد ولد خالتي
فالح انصدم: خالد ولد خالتك ؟
مالك ضحك: اي شفيك
فالح: بس انا اول مره اسمع عن هالموضوع
مالك: وماكنت رح تسمع عني لاني مو بحياته مع اننا اقرب اثنين لبعض من العايله
فالح: شصاير !
مالك : انا افهمك سعود بلغني انكم مسافرين اسبوع
فالح: اي
مالك: مارح احط حراسه عليكم مايحتاج اني اسبب الارتباك له علشان كذا بعتمد عليك اي شي يصير غير طبيعي ياليت تبلغني على طول وانا بتصرف بمعرفتي
فالح: انا مدري وش اقول
مالك بجديه: ما ابغى اللي صار من تركي يتكرر فاهم يا فالح
فالح: اي فاهم
مالك: عرفت عن سعود صح!
فالح : مو فاهمك شتقصد
مالك: انت فاهمني بعد مقابلتك لطبيب اخوك فيصل اكيد عرفت كل شي
فالح ناظر خالد اللي واضح البرود فيه وبصدمه: كنت تعرف
مالك: انا وخالد نعرف من وقت طويل وكان حولينها بس مع وجودك مايحتاج اني ادخل خالد بالموضوع فارس ترك ملاذ امانه عندي ومستحيل اترك شي يمسها او يزعجها فا اتمنى منك تكون الشخص اللي يكون حولينها ويحميها بكل وقت ولو بيوم حسيت بالثقل من المسؤوليه انتظرك تجيها لي
فالح: والمطلوب مني الحين ايش
مالك: انك تهتم فيها بالسفر وتكون حولينها صح تركي سافر بس كثير من اعداء فارس بكل مكان
فالح وقف : تمام الحين بروح لاني تركتها بالصاله مع عزيز
مالك: صح عزيز يعرف وتركي يعرف
فالح بصدمه: كلهم ومن بعد يعرف ؟
مالك : بس
فالح: ولد خالتك وكلكم تعرفون انا ليه ماعرف
خالد : طول عمرك مو مهتم لشي فا حبيت جو الاهتمام اللي صار لك فجاءه
فالح: هي تعرف عني ؟
مالك : لا ماتعرف ان لك صله فيها
بعد ماطلع
خالد: ليه قلت له كذا
مالك : لانه لو حس انها تعرف عنه بيتغير موقفه
بعد يومين بالطياره
ملاذ: واو متحمس للسفره هذي
فالح: اهدى طيب لما نقله

                                 انتهى البارت 🤍🤍🤍
عارفه طولت عليكم بس بالاجاره كنت مسافره وهالاسبوع كانت عندي مهام كثير انجزها فا باذن الله الفتره الجايه فيها بارتات كثير 🤍🤍

انتظر رايكم عن هالبارت 🤍😍 وتوقعاتكم للبارت الجاي