عاصفة

البارت ١٩ ❤️

المستشفى ....
ملاذ خذت منه بوكيه الورد: شكرا بس ماعرفت مين انت ؟
حسن : انا حسن صاحب معرض الفن الدولي
ملاذ بصدمه : الفن الدولي ! تمزح
حسن ابتسم : لا انا جيتك من طرف تركي عرض علي رسوماتك واعجبت فيها صراحه كانت مختلفه ولها طابعها الخاص قررت اني اسوي لك معرض فني كامل اذا عندك وقت وعندك افكار طبعا عارف انك حاليا بالمستشفى بس برضو بعطيك وقت لما تطلع فكر بهالوقت علشان تعطيني قرارك
ملاذ: لحظه المعرض بيكون خاص فيني !
حسن: اي بيكون برسوماتك انت وباسمك
ملاذ: امم بفكر عطني وقت
حسن: تمام بس خذ ببالك اذا كان ناجح رح نكون مع بعض دايم ومو بس هنا بيكون لك معارض بكل دول العالم
ملاذ: العالم ! بس رسوماتي كانت بسيطه مره
حسن: للامانه جذبني مثل ماقلت لك الفكره للرسمات
لاتستهين بنفسك
ملاذ : خلاص بعطيك قراري بس اقوم واطلع من هتا
حسن وقف ببتسامه : سلامتك ماتشوف شر يارب انتظر اتصالك
ملاذ: حاضر
حسن طلع من الغرفه مشى في السيب مشى بجنبه متوجه لغرفتها دق الباب قبل يدخل
ملاذ: ادخل
دخل وشافها واقفه تحاول تمسك الجدار
فالح: ليش قمت !
ملاذ: كل مره بعيد يعني
فالح : تعال يلا
رفع راسه وانتبه للورد الي كانت الممرضه ترتبه قبل يوصل بدقايق
فالح: فيه احد زارك !
ملاذ: اي بقول لك بعدين مو الحين
مشت ودخلت الحمام غسلت وجهها
وكل اللي بداخلها كان فكره ان لو بتسوي المعرض تبغاه يكون باسمها الحقيقي من دون باسم شخصيه وهميه تنهدت قبل تطلع
فالح : انت بخير ؟
ملاذ :اي تطمن انا بخير صح اتركني اليوم بجلس لحالي
فالح : اتركك ؟
ملاذ :اي ابغى اجلس بروحي بس
فالح : بس ايش
ملاذ : ابغى اتكلم مع مالك
فالح بستغراب : مالك ليه
ملاذ : فيه كم موضوع ابي اتكلم معه فيه
فالح : تمام ببلغه بطلع انا بس برجع اذا انتهيت من كلامك مع مالك
ملاذ : تمام
طلع فالح بعد ما اتصل على مالك وكان جالس بالممر لما شافه
مالك : ماقالت لك وش تبغى فيني
فالح : لا بس واضح شي صاير لها
مالك : الله يستر
دخل عليها وجلس
ملاذ : اخبارك
مالك ابتسم بحنيه : بخير وانت
ملاذ : بخير
مالك : قولي اللي بخاطرك
ملاذ : فيه شخص جاء لعندي من شوي
مالك : شخص ؟
ملاذ : اي جاء وتكلم معي وابغى اخذ رايك في ايش ممكن يصير
مالك : قولي
ملاذ :صاحب معرض الفن الدولي
مالك : طيب
ملاذ : طلب مني اني اكون صاحبة معرض الجاي بتوصيه من تركي
مالك : تركي
ملاذ : عرض عليه رسوماتي وبعدها جاء لعندي وسالني
مالك : وبعده
ملاذ : ماعرف هل اروح وامشي بالعرض باسمي الحقيقي او اكون بشخصيتي هذي لان بيكون مقابلات اكيد
مالك : اها انتي يعني السوال الخاص فيك هو شخصيتك ترجع او لا
ملاذ : اي وبنفس الوقت ابيك تعرف حقيقه الموضوع
مالك : طيب بس انت صاير معك شي
ملاذ : لا ليه
مالك : وجهك متغير وكانك مو تتعالج
ملاذ: روح لاتتاخر ولاتقول شي لفالح مابغاه يعرف الا لما تسال وتقرر تعطيني جواب
مالك : وليه انا اللي اقرر عنك عندك فيصل وعماد وخالد كلهم يعرفون عنك
ملاذ: بس انت اقرب واحد لفارس ولو فارس حي بيسالك بهالموضوع
مالك وقف : عرفتي تجيني بنقطه ضعفي
ملاذ ابتسمت له
طلع وشاف فالح قدامه
فالح:صاير شي
مالك :لا مافي شي ادخل له ولاتتحرك من جنبه ولو بتطلع مكان اتصل على عماد
فالح عقد حواجبه : عماد ليه
شافوه جاي ومعه شخص مايعرفونه : خلاص نتكلم بعدين
مساعد : سلام
مالك وفالح: وعليكم السلام
مساعد:  موجود !
مالك : اي داخل
انتبهو لفيصل جاي انصدم من التجمع اللي صاير
فيصل: شصاير
مساعد: جينا نزور
فيصل: وانا مو قلت ممنوع الزياره
مساعد رفع حاجبه ولا علق
فيصل: ادخل بس لحظه
مساعد : اخوي
فيصل: تمام ادخلو بس هالمره
دخلو وتركوهم
مالك: فيه زيارات اخيره ؟
فيصل: اي شخص ترك رقمه
مالك: من كان اقرب شخص من مجموعتكم لتركي
فيصل: عزيز بس مو قريب منه مره
مالك: تمام بروح له الحين
مشى مالك وفيصل ركض وراه مسك يده وقفه : لحظه شالسالفه
مالك: بعدين تعرف اتركني الحين اعرف السالفه
بعيد عنهم
بمستشفى ثاني
خالد : ابغى طبيب القلب
الممرضه : فيه موعد
خالد: موجود ملف اخوي سعود ال***
الممرضه: لحظه اي موجود
خالد: ابغى الطبيب المسؤول عنه
الممرضه: بس الدكتور سافر انتهى عقده
خالد : من متى
الممرضه: من سنه تقريبا
خالد : تمام شكرا
طلع وهو مرتاح بان اللي صار اكيد مو من تركي خصوصا انه ما ابدى ردت فعل سلبيه الا تو
رفع جواله شاف رساله مالك : بنتظرك عند عزيز لاتطول
توجه لعزيز
بالصاله
عزيز: ممكن افهم الموضوع
مالك: انتظر شوي بس
عزيز تنهد: تمام بنتظر امري لله
بعد وقت دخل عليهم
مالك : اقدر اتكلم الحين
عزيز: يلا تكلم
مالك : تعرف حسن صاحب معرض الفن الدولي
عزيز انصدم: اي كنت اسمع عنه كثير بس هذا برا عايش وكل معارضه برا
مالك: عرض على ملاذ يصمم لها معرض خاص فيها ورح يشرف عليها بنفسه
خالد رفع حاجبه: كيف عرف عنها
مالك: تركي عرض رسومات ملاذ عليه وطلب منه يصمم لها معرض ممكن تانيب ضمير بس انا قلت اجي اسالك بما انك كنت قريب منه
عزيز بتفكير: اذا هو بنفسه جاي وطلب صدقهم لانه مو محتاج ينصب او حتى يسوي شي لملاذ
مالك: متاكد
عزيز: متاكد مثل ما انت قدامي
مالك: تمام يلا خالد
عزيز: شخبارها الحين اتوقع باقي لها ٣ ايام
مالك: ومع عنادها يمكن يتمدد
عزيز ابتسم بالم: الله يكون بالعون نقدر نزور !
مالك: ماعرف اتصل على فيصل
عزيز: تمام
طلعو هو وخالد
مالك : اترك سيارتك وتعال معي ولا اقول لك تعال وراي
خالد اللي مو فاهم شي من تصرفات مالك ركب سيارته
بالمستشفى تحديدا بغرفه ملاذ
دق الباب ودخل
عماد : كيفك الحين
ملاذ: بخير الحمدلله
عماد: اخوي سعد
سعد: ماتشوف شر
ملاذ: الشر مايجيك
سعد : بطلع انتظرك برا
عماد: تمام
بعد ماطلع
عماد: مايعرف ولا احد يعرف عنك كل اللي ببالهم انكم سافرتو انتي وفارس واختفيتو
ملاذ : لايعرفون الا بعد ما ارجع لحقيقتي واتمنى مايعرفون كل شي مجرد ان فارس اتوفى وانا رجعت بعد السفر
عماد: تمام المهم تطمنت عليك بروح انا الحين تحتاجين شي اجيبه ؟
ملاذ: لا شكرا انتبه لنفسك
عماد: وانتي بعد
طلع من عندها
بعيد عنهم
بيت مالك
مالك : ماعرف بس خايف اسمع عندي اقتراح تتوقع اقول لها ترجع لشخصيتها ! او تترك نفسها كذا
خالد فتح جواله واتصل على فالح
فالح: هلا
خالد: انت عندها !
فالح: اي
خالد: بجي وانت استئذن لمده يوم بس بفهمك كل حاجه بس اوصل تمام
فالح: تمام
فالح : عندي شغل ليوم كامل بطلع وارجع بكرا تمام تحتاج شي
ملاذ: لا بس خذني لفيصل
فالح: ليه يالمك شي
ملاذ: لا بس ابي اتحرك شوي ظهري المني من جلسه السرير
فالح: تمام
سندها واخذها لفيصل
الممرضه: الدكتور فيصل بالكافتريا
ملاذ: ممكن انتظره بمكتبه
الممرضه : اسفه بس
قاطعتها : تفضل
فتحت الباب 
الممرضه سكتت وراحت
ملاذ مسكت يد فالح بقوه لانها بدت تحس بجسمها يثقل: شكرا
ابتسمت لها قبل تقول: الدكتور فيصل موصيني عليك كثير اي شي تحتاجه عطني خبر
ملاذ: ان شاء الله
عدلت جلستها قبل تلتفت لفالح: تقدر تروح خلص شغلك وانا انتظرك
فالح: تمام
بالكافتريا
رئيسه الممرضات : دكتور فيصل المريض سعود طلب يجلس بغرفتك
فيصل: سعود غريبه تمام شكرا
ابتسمت له قبل تروح
فيصل راح بعد ما اخذ لها مشروب
دخل الغرفه
شافها نايمه على الكرسي قرب منها شالها ومددها على السرير
برا المستشفى
فالح: طيب وبعدين
خالد حكى له الموضوع: بظل معها اليوم وبتكلم معها وبعرف وش رح تقرر عليه مالك عنده دوامه بيستلم بعد شوي وماعرف متى يطلع
فالح: طيب انا بروح الحين وبس تحس انك تبي تطلع اتصل علي
خالد: تمام
فالح: صح تركتها في غرفه فيصل
خالد: تمام سلام
فالح راح تاركه وراه
خالد توجه لغرفه فيصل وماشافه ناظر المكان انتبه للممرضه
خالد: فيصل وين !
الممرضه: طلع من شوي
خالد: والمريض ؟
الممرضه بستغراب: مو موجود بالغرفه ! لان الدكتور طلع لحاله
خالد رجع دخل : مافي احد
الممرضه : لحظه طيب
راحت وشاف فيصل جاي
الممرضه: دكتور المريض وين راح !
فيصل: خلاص روحي انتي
الممرضه: حاضر
مشى لخالد : نعم ! مو كاني منعت الزياره اليوم بقى الوزير بنفسه يجي
خالد ابتسم له : يمكن يجي ليه لا
فيصل رفع حاجبه : تستهبل نايم داخل لاتصحيه الا لما يصحى لحاله
خالد : تمام
فيصل مشى وتركه وراه
خالد: ومواعيدك
فيصل: اخذت غرفه دكتور ثاني
خالد : تمام
جلس بالغرفه يقلب بجواله
فيصل اللي كانت مواعيده ماشيه
رئيسه الممرضات : دكتور فيه احد برا طلب يقابلك
فيصل: انا ! عنده موعد
رئيسه الممرضات: لا بس قال انه ضروري يقابلك
فيصل: بقى احد بالاستراحه !
رئيسه الممرضات : لا خلصت مواعيدك لليوم
فيصل: تمام اتركيه يدخل
طلعت ودخل بعد دقايق
دخل : السلام عليكم
فيصل: وعليكم السلام
تقدم: اعتذر اني جيت بوقت مو مناسب بس جيت اتكلم معك بموضوع يخص المريض سعود ال***
فيصل انصدم : مو لها الدرجه
عقد حواجبه: عفوا
فيصل: لحظه انت من اصلا !
انزعج من اسلوب فيصل: انا الرائد سالم وجايك من السفاره
فيصل : سفاره !! شصاير
سالم: ابغى اقابل المريض
فيصل: حاليا نايم
سالم: متى اقدر اقابله
فيصل: ممكن افهم ليه ! انا المسؤول عن حالته وبنفس الوقت انا
سالم: ما ابغى اعرف قصه حياتك ممكن اقابله الحين او لا !
فيصل: شلون تتكلم معي كذا عرفت انك ضابط بس ما اسمح لك تتكلم معي بهالاسلوب
سالم: واضح اني مارح اقابله برجع بوقت ثاني واذا امكن ياليت تبلغني برقم غرفته
فيصل : ممنوع احد يزوره
سالم تنهد وطلع
فيصل طلع معصب وتوجه لمكتبه شاف خالد واقف عند الباب متسند على الباب
خالد : شفيك معصب
فيصل حكى له : اخخ مدري وش رح اسوي لما اشوفه من جديد
خالد: فيصل اهدى هذا يمكن بكلمه يسجنك
فيصل: باي حق
خالد: بكثير حقوق اذا صادفته ثانيه مره لاتتناقش معه كثير
فيصل كان بيتكلم بس سكت لما شافها طالعه من الغرفه مع الممرضه ناظر خالد : صار شي
خالد: طاح المغذي نزفت يده
فيصل: تمام خذه لغرفته ولا يطلع منها
ملاذ ماكانت معهم ابدا الشحوب بوجهها لونها المايل للاصفر وكانها مو قاعده تتحسن
فيصل: انت لاحظت اللي لاحظته
خالد: البنت تروح مننا

انتهى البارت ❤️
رايكممم بالبارت وايش توقعاتكم للجاي ☺️